ಬಾಲಿವುಡ್ ನಟ ಸಲ್ಮಾನ್ ಖಾನ್ ಈಗ 'ಮೆಂಟಲ್'

ಸಲ್ಮಾನ್ ಖಾನ್

ತೆಲುಗಿನ ಯಶಸ್ವಿ ಚಿತ್ರ 'ಸ್ಟ್ಯಾಲಿನ್' ರೀಮೇಕ್ ಚಿತ್ರಕ್ಕೆ 'ಮೆಂಟಲ್' ಎಂದು ಹೆಸರಿಡಲು ತೀರ್ಮಾನಿಸಿದ್ದಾರೆ. ಮೂಲ ಸ್ಟ್ಯಾಲಿನ್ ಚಿತ್ರದಲ್ಲಿ ಮೆಗಾ ಸ್ಟಾರ್ ಚಿರಂಜೀವಿ ಅಭಿನಯಿಸಿದ್ದರು. ಮೊದಲು 'ರಾಧೆ' ಎಂದುಕೊಳ್ಳಲಾಗಿತ್ತು. ಈಗ ಶೀರ್ಷಿಕೆಯನ್ನು 'ಮೆಂಟಲ್' ಎಂದಿಡಲು ಮುಂದಾಗಿದ್ದಾರೆ ಚಿತ್ರದ ನಿರ್ಮಾಪಕರು.

ಸಲ್ಲು ಸಹೋದರ ಸೋಹಿಲ್ ಖಾನ್ ಈ ಚಿತ್ರವನ್ನು ನಿರ್ಮಿಸಲಿದ್ದಾರೆ. ಈಗಾಗಲೆ ಈ ಶೀರ್ಷಿಕೆ ಮತ್ತೊಬ್ಬರ ಹೆಸರಲ್ಲಿ ರಿಜಿಸ್ಟರ್ ಆಗಿದ್ದು, ಅವರಿಂದ ಅದೇ ಶೀರ್ಷಿಕೆಯನ್ನು ಪಡೆಯುವ ಪ್ರಯತ್ನವನ್ನು ಸೋಹೆಲ್ ಮಾಡುತ್ತಿದ್ದಾರೆ.

'ಮೆಂಟಲ್' ಶೀರ್ಷಿಕೆಯಲ್ಲಿ ಒಂಥರಾ ಮಾಸ್ ಅಫೀಲ್ ಇದೆ. ಹಾಗಾಗಿ ಇದೇ ಶೀರ್ಷಿಕೆ ಇಟ್ಟರೆ ಸೂಕ್ತ ಎಂದು ನಾವೆಲ್ಲಾ ತೀರ್ಮಾನಿಸಿದ್ದೇವೆ. ಇದಕ್ಕೆ ಸಲ್ಲು ಕೂಡ ಒಪ್ಪಿಗೆ ಸೂಚಿಸಿದ್ದಾರೆ. ಶೀಘ್ರದಲ್ಲೇ ಈ ಚಿತ್ರದ ಉಳಿದ ವಿವರಗಳನ್ನು ನೀಡುವುದಾಗಿ ತಿಳಿಸಿದ್ದಾರೆ. (ಏಜೆನ್ಸೀಸ್)