ಹುಚ್ಚ ಸಿನಿಮಾ ರೀಮೇಕ್ ಮಾಡುವಾಗ ಹೀಗೆ ಹೇಳಿದ್ದರು ಸಲ್ಮಾನ್ ಖಾನ್

ತೇರೆ ನಾಮ್ ಸಿನಿಮಾ ನಿರ್ದೇಶಕನ ಮಾತು

ತೇರೆ ನಾಮ್ ಸಿನಿಮಾ ನಿರ್ದೇಶಿಸಿದ್ದ ನಿರ್ದೇಶಕ ಸತೀಶ್ ಕೌಶಿಕ್ ಈ ವಿಷಯದ ಬಗ್ಗೆ ಮಾತನಾಡಿದ್ದು, ಸಲ್ಮಾನ್ ಖಾನ್‌ ಗೆ ತೇರೆ ನಾಮ್ ಕತೆಯ ಬಗ್ಗೆ ತೀವ್ರ ಆಕ್ಷೇಪವಿತ್ತು, ಒಲ್ಲದ ಮನಸ್ಸಿನಿಂದಲೇ ಅವರು ಸಿನಿಮಾದಲ್ಲಿ ನಟಿಸಿದ್ದರು ಎಂದು ನೆನಪಿಸಿಕೊಂಡಿದ್ದಾರೆ.

ಸಿನಿಮಾದಲ್ಲಿ ನಾಯಕನ ಪಾತ್ರ ಹಿಂಸಾತ್ಮಕವಾಗಿತ್ತು

ಸಿನಿಮಾದಲ್ಲಿ ನಾಯಕ ತನ್ನ ಪ್ರೀತಿಗಾಗಿ ನಾಯಕಿಯನ್ನು ಕಾಡಿಸುವುದು, ಅಪಹರಣ ಮಾಡುವುದು, ಸೈಕೋ ರೀತಿ ವರ್ತಿಸುವುದು, ಬೆದರಿಕೆ ಹಾಕುವುದು, ಹಿಂಸೆ ಮಾಡುವುದು ಮಾಡುತ್ತಾನೆ. ಬ್ರಾಹ್ಮಣ ಹುಡುಗಿಯಾದ ನಾಯಕಿ ಇವನ ನಾಯಕನನ್ನು ಪ್ರೀತಿಸುತ್ತಾಳಾದರೂ ನಾಯಕನ ಹಿಂಸಾತ್ಮಕ ವರ್ತನೆಯಿಂದ ಆಘಾತಕ್ಕೆ ಒಳಗಾಗುತ್ತಾಳೆ. ಇದರ ಬಗ್ಗೆ ಸಲ್ಮಾನ್ ಖಾನ್‌ ಗೆ ಆಕ್ಷೇಪವಿತ್ತಂತೆ.

ಸಿನಿಮಾ ಹಿಟ್ ಆಗುತ್ತದೆ ಆದರೆ...: ಸಲ್ಮಾನ್ ಖಾನ್

''ಈ ಸಿನಿಮಾ ಖಂಡಿತ ಹಿಟ್ ಆಗುತ್ತದೆ ಜನ ಮೆಚ್ಚುತ್ತಾರೆ ಆದರೆ ನಾವು ಯುವಕರಿಗೆ ಕೆಟ್ಟ ಸಂದೇಶವನ್ನು ಈ ಸಿನಿಮಾದ ಮೂಲಕ ಕೊಟ್ಟಂತಾಗುತ್ತದೆ'' ಎಂದು ಸಲ್ಮಾನ್ ಖಾನ್ ಹೇಳಿದ್ದರಂತೆ. ಅರೆಮನಸ್ಸಿನಿಂದಲೇ ಕೆಲ ಸಿನಿಮಾದಲ್ಲಿ ಅವರು ನಟಿಸಿದ್ದರಂತೆ.

ತಮ್ಮ ಸಿನಿಮಾ ನೀಡುವ ಸಂದೇಶದ ಬಗ್ಗೆ ಎಚ್ಚರಿಕೆ

ನಿರ್ದೇಶಕ ಸತೀಶ್ ಕೌಶಿಕ್ ಹೇಳಿರುವಂತೆ, ಸಲ್ಮಾನ್ ಖಾನ್ ತಮ್ಮ ಸಿನಿಮಾಗಳು ಕೊಡುವ ಸಂದೇಶಗಳ ಬಗ್ಗೆ ಅತೀವ ಎಚ್ಚರಿಕೆ ವಹಿಸುತ್ತಾರಂತೆ. ತಮ್ಮ ಹಾಗೂ ತಮ್ಮ ಪಾತ್ರದ ಮೂಲಕ ಕೆಟ್ಟ ಸಂದೇಶ ಸಮಾಜಕ್ಕೆ ತಲುಪಬಾರದು ಎಂಬುದನ್ನು ಅವರು ಪಾಲಿಸುತ್ತಾರಂತೆ.

ನೆಗೆಟಿವ್ ಪಾತ್ರಗಳಿಗೆ ಗೆಲುವು ಸಿಗಬಾರದು

ನಿರ್ದೇಶಕ ಕೌಶಿಕ್ ಸಹ ಇದನ್ನು ಒಪ್ಪುತ್ತಾರೆ. ಚಿತ್ರದಲ್ಲಿ ನೆಗೆಟಿವ್ ಪಾತ್ರಗಳನ್ನು ತೋರಿಸುವುದರಲ್ಲಿ ತಪ್ಪಿಲ್ಲ, ಕತೆಗೆ ಒಮ್ಮೊಮ್ಮೆ ಅವಶ್ಯಕವಾಗಿರುತ್ತದೆ, ಆದರೆ ನೆಗೆಟಿವ್ ಪಾತ್ರಗಳು ಅಂತಿಮವಾಗಿ ಗೆಲ್ಲದಂತೆ ನೋಡಿಕೊಳ್ಳಬೇಕು, ಒಂದೊಮ್ಮೆ ನೆಗೆಟಿವ್ ಪಾತ್ರಗಳು ಸಿನಿಮಾದ ಅಂತ್ಯದಲ್ಲಿ ಗೆದ್ದುಬಿಟ್ಟರೆ ಅದು ಕೆಟ್ಟ ಸಂದೇಶದ ರವಾನೆ ಆದಂತಾಗುತ್ತದೆ.