ಬೆಂಗಳೂರಲ್ಲೂ ಸಲ್ಮಾನ್ ಗೆ ಕಾಡಿತು ಕಿರಿಕಿರಿ ಉಂಟು ಮಾಡುವ 'ಆ ಪ್ರಶ್ನೆ'!

ಜನಸಾಮಾನ್ಯರಿಗೂ ಬೇಡವಾದ ಪ್ರಶ್ನೆ ಅದು

53 ವರ್ಷದ ಸಲ್ಮಾನ್ ಖಾನ್ ಇದುವರೆಗೂ ಮದುವೆ ಆಗಿಲ್ಲ. ಸಲ್ಲು ಯಾಕೆ ಮದುವೆ ಆಗಿಲ್ಲ ಎನ್ನುವುದೇ ಬಾಲಿವುಡ್ ಇಂಡಸ್ಟ್ರಿಯಲ್ಲಿ ಅತಿ ದೊಡ್ಡ ಪ್ರಶ್ನೆ. ಈ ಪ್ರಶ್ನೆಗೆ ಉತ್ತರನೇ ಸಿಕ್ಕಲ್ಲ ಎಂದು ಎಲ್ಲರೂ ಸುಮ್ಮನಾಗಿಬಿಟ್ಟಿದ್ದಾರೆ. ಇದೆಲ್ಲವೂ ಗೊತ್ತಿದ್ದರೂ ಪದೇ ಪದೇ ಸಲ್ಲು ಮದುವೆ ಬಗ್ಗೆ ಚರ್ಚೆಯಾಗುತ್ತಿರುವುದು ಸ್ವತಃ ಸಲ್ಲುಗೆ ಮಾತ್ರವಲ್ಲ, ಸಾಮಾನ್ಯರಿಗೂ ಇದು ಬೇಡವಾಗಿದೆ.

ಏನಂದ್ರು ಸಲ್ಮಾನ್ ಖಾನ್?

ದಬಾಂಗ್ 3 ಚಿತ್ರದ ಪ್ರಚಾರಕ್ಕಾಗಿ ಬೆಂಗಳೂರಿಗೆ ಬಂದಿದ್ದ ಸಲ್ಲುಗೆ ''ನಿಮ್ಮ ಮದುವೆ ಯಾವಾಗ?'' ಎಂಬ ಪ್ರಶ್ನೆ ಎದುರಾಗಿದೆ. ಈ ಪ್ರಶ್ನೆ ಕೇಳಿದ ಸಲ್ಮಾನ್ ಖಾನ್ ಮನಸ್ಸಿನಲ್ಲಿ ಸಿಡಿಮಿಡಿಕೊಂಡಂತೆ ಕಂಡರೂ, ''ನೀವು ಏನು ಹೇಳ್ತಿರೋ ಅದನ್ನ ನಾನು ಮಾಡಲ್ಲ'' ಎಂದು ಹೇಳಿ ಸುಮ್ಮನಾದರು.

ಪರ್ಸನಲ್ ಬೇಡ ಎಂದರು

ಇದನ್ನು ಗಮನಿಸಿದ ಕಾರ್ಯಕ್ರಮದ ನಿರೂಪಕ, ''ಸಿನಿಮಾಗೆ ಸಂಬಂಧಿಸದ ಪ್ರಶ್ನೆಗಳನ್ನು ಮಾತ್ರ ಕೇಳಿದ್ರೆ ಉತ್ತಮ'' ಎಂದು ಪ್ರಕಟಿಸಿದರು. ಅದಕ್ಕೆ ಸಲ್ಮಾನ್ ಖಾನ್ ಕೂಡ ದನಿಗೂಡಿಸಿ ''ಅವರು ಕೇಳಿದ್ದು ಕೂಡ ಸಿನಿಮಾದ ಬಗ್ಗೆಯೇ ಎಂದು'' ಬುದ್ದಿವಂತಿಕೆ ಪ್ರದರ್ಶಿಸಿದರು.

ಈ ಪ್ರಶ್ನೆಗೆ ಬೆಲೆ ಇಲ್ಲ

ಸಲ್ಮಾನ್ ಖಾನ್ ಗೆ ತಮ್ಮ ಜೀವನದಲ್ಲಿ ಇಷ್ಟ ಆಗದೆ ಇರುವ ಪ್ರಶ್ನೆ ಅಂತ ಏನಾದರು ಇದ್ದರೆ, ಅದು ಮದುವೆಗೆ ಸಂಬಧಿಸಿದ್ದು ಮಾತ್ರ ಆಗಿರಬಹುದು. ಯಾಕಂದ್ರೆ, ಸಲ್ಮಾನ್ ಖಾನ್ ಮದುವೆ ಆಗುವ ಯಾವ ಸುಳಿವು, ಸೂಚನೆಯೂ ನೀಡಿಲ್ಲ. ಸದ್ಯಕ್ಕೆ ಯಾವುದೇ ಲವ್ ಇರುವ ಬಗ್ಗೆಯೂ ಮಾಹಿತಿ ಇಲ್ಲ. ಮದುವೆ ಬಗ್ಗೆ ಯಾವ ಸಮಯದಲ್ಲೂ ಕೇಳಿದ್ರು ಸಲ್ಲು ಕೋಡೋದು ಇಂತಹ ಉತ್ತರವೇ. ಹಾಗಾಗಿ, ಈ ಪ್ರಶ್ನೆಯನ್ನು ಕೇಳದೇ ಇರುವುದೇ ಉತ್ತಮ.