ಹೋಲ್ ಸೇಲ್ ಆಗಿ ಎಲ್ಲರನ್ನೂ ಫೂಲ್ ಮಾಡಿದ ಸಲ್ಮಾನ್ ಖಾನ್.!

ನಿನ್ನೆ ಸಲ್ಮಾನ್ ಮಾಡಿದ ಟ್ವೀಟ್ ಇದು

''ನನಗೆ ಹುಡುಗಿ ಸಿಕ್ಕಳು'' ಅಂತ ನಿನ್ನೆ ರಾತ್ರಿ ಬಾಲಿವುಡ್ ಟೈಗರ್ ಸಲ್ಮಾನ್ ಖಾನ್ ಟ್ವೀಟ್ ಮಾಡಿದ್ದರು.

ಸಲ್ಲುಗೆ ಮದುವೆಯಂತೆ.!

ಸಲ್ಮಾನ್ ಖಾನ್ ಮಾಡಿದ್ದ ಟ್ವೀಟ್ ನೋಡಿ, ಓಹೋ... ಸಲ್ಮಾನ್ ಖಾನ್ ಮದುವೆ ಆಗ್ತಿರ್ಬೇಕು ಅಂತ ಅನೇಕರು ಭಾವಿಸಿದ್ದರು.

ಫೂಲ್ ಮಾಡಿದ ಸಲ್ಮಾನ್

''ಆಯುಷ್ ಶರ್ಮಾ ಅಭಿನಯದ 'ಲವ್ ರಾತ್ರಿ' ಚಿತ್ರಕ್ಕಾಗಿ ಹುಡುಗಿ ಸಿಕ್ಕಿದ್ದಾಳೆ. ಆಕೆಯ ಹೆಸರು ವರೀನಾ ಹುಸೇನ್. ಡೋಂಟ್ ವರಿ, ಬೀ ಹ್ಯಾಪಿ'' ಅಂತ ಸಲ್ಮಾನ್ ಖಾನ್ ಟ್ವೀಟ್ ಮಾಡಿದ್ದಾರೆ. ಅಲ್ಲಿಗೆ, ಹುಡುಗಿ ಸಿಕ್ಕಿರುವುದು ಸಿನಿಮಾಗಾಗಿ, ಮದುವೆಗಾಗಿ ಅಲ್ಲ ಎಂಬುದು ಈ ಟ್ವೀಟ್ ನಿಂದ ಸ್ಪಷ್ಟವಾಗಿದೆ.

ಆಯುಷ್ ಶರ್ಮಾ ಯಾರು.?

ಆಯುಷ್ ಶರ್ಮಾ ಬೇರೆ ಯಾರೂ ಅಲ್ಲ, ಸಲ್ಮಾನ್ ತಂಗಿ ಅರ್ಪಿತಾ ಖಾನ್ ಪತಿ. 'ಲವ್ ರಾತ್ರಿ' ಚಿತ್ರದ ಮೂಲಕ ಬಾಲಿವುಡ್ ಗೆ ಪದಾರ್ಪಣೆ ಮಾಡುತ್ತಿದ್ದಾರೆ ಆಯುಷ್ ಶರ್ಮಾ. ಅಂದ್ಹಾಗೆ, 'ಲವ್ ರಾತ್ರಿ' ಚಿತ್ರಕ್ಕೆ ಸಲ್ಮಾನ್ ಖಾನ್ ನಿರ್ಮಾಪಕ.

ಯಾರೀ ವರೀನಾ.?

ಸದ್ಯ ಮುಂಬೈನಲ್ಲಿ ನೆಲೆಸಿರುವ ವರೀನಾ ಮಾಡೆಲ್. ಕ್ಯಾಡ್ಬರಿ ಸಿಲ್ಕ್ ಆಡ್ ನಲ್ಲಿ ಕಾಣಿಸಿಕೊಂಡಿರುವ ವರೀನಾ ಇದೀಗ 'ಲವ್ ರಾತ್ರಿ' ಮೂಲಕ ಬಾಲಿವುಡ್ ಬೆಳ್ಳಿಪರದೆ ಮೇಲೆ ಮಿನುಗಲಿದ್ದಾರೆ.