Don't Miss!
- Lifestyle ಲಿವರ್ ಸಮಸ್ಯೆಯಿದೆ ಎಂದು ಸೂಚಿಸುವ ಲಕ್ಷಣಗಳಿವು, ಕುಟುಂಬಸ್ಥರು ಲಿವರ್ ದಾನ ಮಾಡಿದರೆ ವ್ಯಕ್ತಿಯ ಪ್ರಾಣ ಉಳಿಸಬಹುದು
- News ಲೋಕಸಭಾ ಚುನಾವಣೆ 2024: ಈ ಆರು ಜಿಲ್ಲೆಗಳಲ್ಲಿ ಬಹುತೇಕ ಶೂನ್ಯ ಮತದಾನ; ಕಾರಣವೇನು?
- Sports LSG vs CSK IPL 2024: ಮತ್ತೊಮ್ಮೆ ಧೋನಿ, ಜಡೇಜಾ ಅಬ್ಬರ; ಲಕ್ನೋ ತಂಡಕ್ಕೆ ಸವಾಲಿನ ಗುರಿ ನೀಡಿದ ಸಿಎಸ್ಕೆ
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ರಾಧೆ' ಟ್ರೇಲರ್: ಮತ್ತೆ ರೌಡಿ ಪೊಲೀಸ್ ಆದ ಸಲ್ಮಾನ್ ಖಾನ್
ನಟ ಸಲ್ಮಾನ್ ಖಾನ್ ಅಭಿನಯಿಸಿ ನೃತ್ಯ ನಿರ್ದೇಶಕ, ನಟ ಪ್ರಭುದೇವ ನಿರ್ದೇಶನ ಮಾಡಿರುವ 'ರಾಧೆ' ಸಿನಿಮಾದ ಟ್ರೇಲರ್ ಇಂದು ಬಿಡುಗಡೆ ಆಗಿದೆ.
ಮೂರು ನಿಮಿಷಕ್ಕೆ ಎರಡೇ ಸೆಕೆಂಡ್ ಕಡಿಮೆ ಇರುವ ಈ ಉದ್ದನೆಯ ಟ್ರೇಲರ್ನಲ್ಲಿ ಸಲ್ಮಾನ್ ಸಖತ್ ಮಾಸ್ ಅವತಾರದಲ್ಲಿ ಕಾಣಿಸಿಕೊಂಡಿದ್ದಾರೆ. ಸಿನಿಮಾದಲ್ಲಿರುವ ಹಾಸ್ಯ, ಆಕ್ಷನ್, ಹಾಡು, ನೃತ್ಯ, ವಿಲನ್, ರೊಮಾನ್ಸ್ ಎಲ್ಲದರ ಝಲಕ್ ಅನ್ನೂ ಈ ಉದ್ದನೆಯ ಟ್ರೇಲರ್ನಲ್ಲಿ ತೋರಲಾಗಿದೆ.
'ರಾಧೆ' ಸಿನಿಮಾದಲ್ಲಿ ಸಲ್ಮಾನ್ ಖಾನ್ ಮತ್ತೆ ರೌಡಿ ಪೊಲೀಸ್ ಆಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ನಗರವೊಂದರಲ್ಲಿ ವಿಲನ್ಗಳಿಂದಾಗಿ ಮಾದಕ ವಸ್ತು ಮಾರಾಟ ಅವ್ಯಾಹತವಾಗಿ ನಡೆದು, ಹಿಂಸಾಚಾರ ಮಿತಿ ಮೀರಿ ಹೋಗಿ ಪೊಲೀಸರಿಗೆ ತಲೆ ನೋವಾಗಿದ್ದಾಗ ರೌಡಿ ಪೊಲೀಸ್ 'ರಾಧೆ' ಅನ್ನು ಕರೆಸಲಾಗುತ್ತದೆ. ರೌಡಿಗಳಿಗೆ ರೌಡಿಯಾದ ಸಲ್ಮಾನ್ ವಿಲನ್ಗಳ ಮೂಳೆ ಮುರಿದು 'ಶಾಂತಿ'(?!) ನೆಲೆಸುವಂತೆ ಮಾಡುವ ಕತೆಯನ್ನು 'ರಾಧೆ' ಸಿನಿಮಾ ಹೊಂದಿದೆ ಎಂಬುದು ಟ್ರೇಲರ್ನಿಂದ ಸುಲಭವಾಗಿ ಊಹಿಸಬಹುದಾಗಿದೆ.
ಈ ಹಿಂದೆ 'ಪೋಕಿರಿ' ಸಿನಿಮಾದ ರೀಮೇಕ್ 'ವಾಂಟೆಡ್'ನಲ್ಲಿಯೂ ಸಲ್ಮಾನ್ ಖಾನ್ ಇದೇ ರೀತಿಯ ಪಾತ್ರ ಮಾಡಿದ್ದರು. ಈಗ ಮತ್ತೆ ಅದೇ ರೌಡಿ ಪೊಲೀಸ್ ಮಾದರಿಯ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಸಿನಿಮಾದಲ್ಲಿ ಆಕ್ಷನ್ ಜೊತೆಗೆ ಹಾಸ್ಯ ಮಾಡುವ ಜವಾಬ್ದಾರಿಯನ್ನೂ ಸಲ್ಮಾನ್ ಅವರೇ ವಹಿಸಿಕೊಂಡಿದ್ದಾರೆ ಎಂಬ ಅನುಮಾನ ಟ್ರೇಲರ್ನ ಕೆಲವು ದೃಶ್ಯಗಳಿಂದ ಬರುತ್ತದೆ.
ಇನ್ನುಳಿದಂತೆ ಟ್ರೇಲರ್ನಲ್ಲಿ ಸಿನಿಮಾದ ವಿಲನ್ ರಣದೀಪ್ ಹೂಡಾ ಗಮನ ಸೆಳೆಯುತ್ತಾರೆ. ಜೊತೆಗೆ ನಟಿ ದಿಶಾ ಪಟಾನಿ, ಜಾಕ್ವೆಲಿನ್ ಫರ್ನಾಂಡೀಸ್ ಅವರುಗಳು ತಮ್ಮ ಗ್ಲಾಮರ್ನ ಝಲಕ್ ಅನ್ನು ಟ್ರೇಲರ್ನಲ್ಲಿ ತೋರಿಸಿದ್ದಾರೆ. ಆಕ್ಷನ್ ದೃಶ್ಯಗಳು ಹಾಗೂ ಕೆಲವು ಪಂಚಿಂಗ್ ಡೈಲಾಗ್ಗಳು ಸಹ ಟ್ರೇಲರ್ನಲ್ಲಿವೆ.
Recommended Video
ಸಿನಿಮಾದ ನಿರ್ಮಾಣವನ್ನು ಸಲ್ಮಾನ್ ಖಾನ್, ಸೋಹೆಲ್ ಖಾನ್, ಅತುಲ್ ಅಗ್ನಿಹೋತ್ರಿ, ನಿಖಿಲ್ ನಮಿತ್ ಮಾಡಿದ್ದಾರೆ. ಸಿನಿಮಾದ ನಿರ್ದೇಶನ ಮಾಡಿರುವುದು ಪ್ರಭು ದೇವಾ. ಸಿನಿಮಾವು ಮೇ 13 ರಂದು ಚಿತ್ರಮಂದಿರ ಹಾಗೂ ಒಟಿಟಿಯಲ್ಲಿ ಒಟ್ಟಿಗೆ ಬಿಡುಗಡೆ ಆಗಲಿದೆ.