ಬೆಲ್ಜಿಯಂನಲ್ಲಿ 'ಟ್ಯೂಬ್ ಲೈಟ್' ಚಿತ್ರದ ನಾಯಕ ಶಾರುಖ್ ಖಾನ್ ಅಂತೆ!

ಕಳೆದ ಹಲವು ತಿಂಗಳುಗಳಿಂದ ಕುತೂಹಲ ಮೂಡಿಸಿದ್ದ ಸಲ್ಮಾನ್ ಖಾನ್ ಅಭಿನಯದ 'ಟ್ಯೂಬ್ ಲೈಟ್' ಚಿತ್ರ ಕಳೆದ ವಾರವಷ್ಟೇ ಬಿಡುಗಡೆ ಆಗಿದ್ದು, ಭಾರತ ಸಿನಿ ಪ್ರಿಯರ ನಿರೀಕ್ಷೆ ಮಟ್ಟವನ್ನು ತಲುಪುವಲ್ಲಿ ಸೋತಿದೆ. ಅಲ್ಲದೇ ಬಾಕ್ಸ್ ಆಫೀಸ್ ಗಳಿಕೆಯಲ್ಲು ಚಿತ್ರ ಹಿಂದೆಬಿದ್ದಿದೆ. ಚಿತ್ರದ ಬಗೆಗಿನ ಈಗಿನ ಹೊಸ ವಿಷಯ ಏನಂದ್ರೆ ಬೆಲ್ಜಿಯಂನಲ್ಲಿ ಚಿತ್ರದ ನಾಯಕ ಶಾರುಖ್ ಖಾನ್ ಎಂದು ಚಿತ್ರ ಪ್ರದರ್ಶನಕ್ಕೆ ಮುಂದಾಗಿರುವುದು.

ಹೌದು, 'ಟ್ಯೂಬ್‌ ಲೈಟ್' ಚಿತ್ರದ ಉತ್ತಮ ಮಾರುಕಟ್ಟೆಗಾಗಿ ಮತ್ತು ಹೆಚ್ಚು ಜನ ಚಿತ್ರ ನೋಡಲು ಬರಲಿ ಎಂಬ ಕಾರಣಕ್ಕಾಗಿ ಬೆಲ್ಜಿಯಂ ನಲ್ಲಿನ 'Brussels' ಎಂಬ ಥಿಯೇಟರ್ ನವರು ಒಂದು ಸೂಪರ್ ಐಡಿಯಾ ಮಾಡಿದ್ದಾರೆ. ಚಿತ್ರ ಶಾರುಖ್ ಖಾನ್ ಅವರದ್ದು ಎಂದು ಮಾಹಿತಿ ನೀಡಿ ಪ್ರದರ್ಶನಕ್ಕೆ ಮುಂದಾಗಿದ್ದಾರೆ. ಚಿತ್ರದ 'Cast' ಸೆಕ್ಷನ್ ನಲ್ಲಿ ಶಾರುಖ್ ಖಾನ್ ಎಂದು ಮಾಹಿತಿ ನೀಡಿದ್ದಾರೆ. ಆದರೆ ಈ ಚಿತ್ರದ ನಾಯಕ ಸಲ್ಮಾನ್ ಖಾನ್ ಆಗಿದ್ದು, ಶಾರುಖ್ ಖಾನ್ ಕೇವಲ ಗೆಸ್ಟ್ ರೋಲ್ ನಲ್ಲಿ ಕಾಣಿಸಿಕೊಂಡಿದ್ದಾರೆ.

ಆದರೆ ಒಂದಂತು ನಿಜ. ಬಾಲಿವುಡ್ ಬಾದ್ ಶಾ ಶಾರುಖ್ ಖಾನ್ ಸಹ 'ಟ್ಯೂಬ್ ಲೈಟ್' ಚಿತ್ರದ ಬಾಕ್ಸ್ ಆಫೀಸ್ ಸಮಸ್ಯೆಯನ್ನು ಬಗೆಹರಿಸಲು ಸಾಧ್ಯವಾಗುತ್ತಿಲ್ಲ ಎಂಬುದು. 'ಟ್ಯೂಬ್ ಲೈಟ್' ಚಿತ್ರ ಇತ್ತ ಗಟ್ಟಿಯಾದ ಕಥೆಯಿಂದಲೂ ಕೂಡಿಲ್ಲದಿರುವುದು ಮತ್ತು ಸಲ್ಮಾನ್ ಖಾನ್ ಅಭಿನಯವು ಸಹ ಸ್ವಲ್ಪ ಸಪ್ಪೆಯಾಗಿದ್ದು ಪ್ರೇಕ್ಷಕರ ನಿರೀಕ್ಷೆಗೆ ನಿರಾಸೆ ಉಂಟುಮಾಡಿದೆ.

'ಟ್ಯೂಬ್‌ ಲೈಟ್' ಚಿತ್ರಕ್ಕೆ ಕಬೀರ್ ಖಾನ್ ಆಕ್ಷನ್ ಕಟ್ ಹೇಳಿದ್ದಾರೆ. ಚೀನಾ ಮೂಲದ ನಟಿ Zhu Zhu ಮತ್ತು ಸಲ್ಮಾನ್ ಖಾನ್ ಸಹೋದರ ಸೋಹೈಲ್ ಖಾನ್ ರವರು ನಟಿಸಿದ್ದಾರೆ.