Don't Miss!
- News Namma Metro Service Extend: ಲೋಕಸಭಾ ಚುನಾವಣೆಗಾಗಿ ಮೆಟ್ರೋ ಸೇವೆ ವಿಸ್ತರಣೆ, ಗಮನಿಸಿ
- Automobiles Hero: ಮಧ್ಯಮ ವರ್ಗದವರ ನೆಚ್ಚಿನ ಬೈಕ್.. ರೂ.75 ಸಾವಿರ ಬೆಲೆ.. ಮೈಲೇಜ್ನಲ್ಲಿ ಸರಿ ಸಾಟಿಯಿಲ್ಲ!
- Lifestyle 3ನೇ ಬಾರಿ ಬಾಹ್ಯಾಕಾಶಕ್ಕೆ ಹಾರಲು ಮುಂದಾದ ಸುನೀತಾ ವಿಲಿಯಮ್ಸ್..!
- Sports T20 World Cup 2024: ವೀರೇಂದ್ರ ಸೆಹ್ವಾಗ್ ಆಯ್ಕೆಯ ಭಾರತ ತಂಡದಲ್ಲಿ ಪ್ರಮುಖ ಆಟಗಾರರಿಗೆ ಸ್ಥಾನವಿಲ್ಲ!
- Technology Realme: ರಿಯಲ್ಮಿ ನಾರ್ಜೋ 70 5G, ನಾರ್ಜೋ 70x 5G ಸ್ಮಾರ್ಟ್ಫೋನ್ ಲಾಂಚ್! ಸಖತ್ ಫೀಚರ್ಸ್... ಬೆಲೆ ಎಷ್ಟು?
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಉತ್ತರ ದಕ್ಷಿಣ ಒಂದಾದರೆ ₹3000 ರಿಂದ 4000 ಕೋಟಿ ಗಳಿಕೆ ಖಚಿತ ಎಂದ ಸಲ್ಮಾನ್ ಖಾನ್!
ಉತ್ತರ ಸಿನಿಮಾರಂಗ ಅಂದರೆ ಬಾಲಿವುಡ್ ಅನ್ನೋ ಕಲ್ಪನೆ ಇನ್ನೂ ಇದೆ. ಹಾಗೇ ದಕ್ಷಿಣ ಚಿತ್ರರಂಗ ಅಂದರೂ ಅದು ಕೇವಲ ತೆಲುಗು, ತಮಿಳು ಸಿನಿಮಾಗಳು ಅಂತ ಭಾವಿಸಿದವರಿದ್ದರು. ಆದರೆ, 'ಬಾಹುಬಲಿ' ಹಾಗೂ 'ಕೆಜಿಎಫ್ 2' ಸಿನಿಮಾ ಬಳಿಕ ದಕ್ಷಿಣದ ಮಟ್ಟಿಗೆ ಆ ದಾಟಿ ಕಂಡಿತಾ ಬದಲಾಗಿದೆ.
ಆದರೆ, ಬಾಲಿವುಡ್ ತಾರೆಯರು ದಕ್ಷಿಣ ಸಿನಿಮಾದಲ್ಲಿ ನಟಿಸುತ್ತಿದ್ದರು. ಅಂತೆಯೇ ದಕ್ಷಿಣದ ತಾರೆಯರು ಅಪರೂಪಕ್ಕೆ ಬಾಲಿವುಡ್ ಸಿನಿಮಾಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದರು. ಇಷ್ಟು ಬಿಟ್ಟರೆ ವ್ಯವಹಾರಿಕವಾಗಿ ಬಾಲಿವುಡ್ ಮಂದಿ ದಕ್ಷಿಣದ ಜೊತೆ ಸೇರಿಕೊಂಡ ಉದಾಹರಣೆ ತೀರಾ ವಿರಳ.
ಈಗ ಕಾಲ ಬದಲಾಗಿದೆ. ಬಾಲಿವುಡ್ ತಾರೆಯರು ದಕ್ಷಿಣ ಭಾರತದ ನಟರೊಂದಿಗೆ ಕಾಣಿಸಿಕೊಳ್ಳುತ್ತಿದ್ದಾರೆ. ಬಾಲಿವುಡ್ ದಿಗ್ಗಜರು ಕೂಡ ಸೌತ್ ಸ್ಟಾರ್ಗಳ ಜೊತೆ ಮಿಂಗಲ್ ಆಗುತ್ತಿದ್ದಾರೆ. ಸಲ್ಮಾನ್ ಖಾನ್ ಅಂತಹ ಸೂಪರ್ಸ್ಟಾರ್ ದಕ್ಷಿಣದ ಸಿನಿಮಾದಲ್ಲಿ ನಟಿಸಿ ಹೋಗಿದ್ದಾರೆ. ಅದೇ ನಟ ಈಗ ಉತ್ತರ ಹಾಗೂ ದಕ್ಷಿಣ ಚಿತ್ರರಂಗ ಎರಡೂ ಒಂದಾಗಬೇಕು ಎಂದು ಹೇಳಿದ್ದಾರೆ.
ಉತ್ತರ ಹಾಗೂ ದಕ್ಷಿಣ ಚಿತ್ರರಂಗ ಒಂದಾಗಬೇಕು. ಎರಡೂ ಚಿತ್ರರಂಗದ ತಾರೆಯರು ಒಂದು ಸಿನಿಮಾದಲ್ಲಿ ಕಾಣಿಸಿಕೊಂಡರೆ, ಬಾಕ್ಸಾಫೀಸ್ನಲ್ಲಿ ಕೋಟಿಗಟ್ಟಲೆ ಹಣ ಗಳಿಸಬಹುದು ಎಂದು ಸಲ್ಮಾನ್ ಖಾನ್ ಅಭಿಪ್ರಾಯ ಪಟ್ಟಿದ್ದಾರೆ.
"ಬಾಲಿವುಡ್ ಸ್ಟಾರ್ಗಳು ಹಾಲಿವುಡ್ಗೆ ಹೋಗಲು ಇಷ್ಟ ಪಡುತ್ತಾರೆ. ಆದರೆ, ನಾನು ದಕ್ಷಿಣ ಭಾರತದ ಸಿನಿಮಾಗಳಲ್ಲಿ ಕೆಲಸ ಮಾಡಬೇಕು. ಎಲ್ಲರೂ ಒಟ್ಟಾಗೆ ಸೇರಿ ಕೆಲಸ ಮಾಡಿದರೆ ಸಿನಿಮಾದ ಬ್ಯುಸಿನೆಸ್ ಎಷ್ಟಾಗಬಹುದು ಎಂದು ಊಹಿಸಿ. ಒಂದು ಸಿನಿಮಾ ಅಂದಾಜು 300-400 ಕೋಟಿ ರೂಪಾಯಿ ಕಲೆಕ್ಷನ್ ಮಾಡುತ್ತೆ. ಆದರೆ, ಉತ್ತರ ಹಾಗೂ ದಕ್ಷಿಣ ಭಾರತದ ಚಿತ್ರರಂಗ ಒಂದಾದರೆ ಬಾಕ್ಸಾಫೀಸ್ನಲ್ಲಿ 3000-4000 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಬಹುದು" ಎಂದು ಸಲ್ಮಾನ್ ಖಾನ್ ಅಭಿಪ್ರಾಯಪಟ್ಟಿದ್ದಾರೆ.
ಸಲ್ಮಾನ್ ಖಾನ್ ಸದ್ಯ ತೆಲುಗಿನ 'ಗಾಡ್ಫಾದರ್' ಸಿನಿಮಾದಲ್ಲಿ ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಇದು ಮಲಯಾಳಂನಲ್ಲಿ ಮೋಹನ್ ಲಾಲ್ ನಟಿಸಿದ್ದ 'ಲೂಸಿಫರ್' ಸಿನಿಮಾದ ರಿಮೇಕ್. ಮೆಗಾಸ್ಟಾರ್ ಚಿರಂಜೀವಿ ಲೀಡ್ ರೋಲ್ನಲ್ಲಿ ಕಾಣಿಸಿಕೊಂಡಿದ್ದಾರೆ.