ಭಾರಿ ಮೊತ್ತಕ್ಕೆ ಸೇಲ್ ಆದ ಸಲ್ಮಾನ್ ಖಾನ್‌ ಹೊಸ ಸಿನಿಮಾ

ಝೀ ಸ್ಟುಡಿಯೋ ಜೊತೆ ಭಾರಿ ಮೊತ್ತದ ಒಪ್ಪಂದ

ಝೀ ಸ್ಟುಡಿಯೋ ಜೊತೆಗೆ ಭಾರಿ ಮೊತ್ತದ ಒಪ್ಪಂದವನ್ನು ಸಲ್ಮಾನ್ ಖಾನ್ ಮಾಡಿಕೊಂಡಿದ್ದಾರೆ. 'ರಾಧೆ' ಸಿನಿಮಾದ ಸ್ಯಾಟಲೈಟ್ ಹಕ್ಕು ಹಾಗೂ ಚಿತ್ರಮಂದಿರಗಳಲ್ಲಿ ಬಿಡುಗಡೆ ಮಾಡುವ ಹಕ್ಕನ್ನು ಝೀ ಸ್ಟುಡಿಯೋಸ್‌ ಗೆ ಬರೋಬ್ಬರಿ 230 ಕೋಟಿ ರೂಪಾಯಿಗೆ ಮಾರಲಿದ್ದಾರಂತೆ ಸಲ್ಮಾನ್ ಖಾನ್!

ಚಿತ್ರಮಂದಿದಲ್ಲಿ ಬಿಡುಗಡೆ ಆಗಲಿದೆ 'ರಾಧೆ'

ಸಲ್ಮಾನ್ ಅಭಿಮಾನಿಗಳಿಗೆ ನೆಮ್ಮದಿ ಸುದ್ದಿಯೆಂದರೆ, ರಾಧೆ ಸಿನಿಮಾವು ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆಗುವುದು ಪಕ್ಕಾ. ಝೀ ಸ್ಟುಡಿಯೋಸ್‌ ನವರು ಚಿತ್ರದ ಸ್ಯಾಟಲೈಟ್, ಡಿಜಿಟಲ್ ಹಕ್ಕು ಖರೀದಿಸುವ ಜೊತೆಗೆ ವಿತರಣೆ ಹಕ್ಕನ್ನು ಸಹ ಖರೀದಿಸಿದ್ದಾರೆ. ಹಾಗಾಗಿ ಸಿನಿಮಾವು ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆಗುವುದು ಪಕ್ಕಾ ಎನ್ನಲಾಗುತ್ತಿದೆ.

ಯಶ್‌ ರಾಜ್‌ ಫಿಲಮ್ಸ್‌ಗೆ ಮಾರಲು ಯೋಜಿಸಲಾಗಿತ್ತು

ಈ ಮೊದಲು ಸಿನಿಮಾದ ವಿತರಣೆ ಹಕ್ಕನ್ನು ಯಶ್ ರಾಜ್ ಫಿಲಮ್ಸ್‌ಗೆ ಮಾರಾಟ ಮಾಡಲಾಗುತ್ತದೆ ಎನ್ನಲಾಗಿತ್ತು. ಆದರೆ ಯಶ್‌ ರಾಜ್ ಫಿಲಮ್ಸ್‌, ಸಿನಿಮಾದ ವಿತರಣೆ ಮಾಡುವ ನಿರ್ಧಾರದಿಂದ ಹಿಂದೆ ಸರಿದ ಕಾರಣ, ವಿತರಣೆ ಹಕ್ಕನ್ನು ಝೀ ಗೆ ಮಾರಾಟ ಮಾಡಲಾಗಿದೆ.

ಪ್ರಭುದೇವಾ ನಿರ್ದೇಶನ ಮಾಡಿದ್ದಾರೆ

ಸಲ್ಮಾನ್ ಖಾನ್ ನಾಯಕನಾಗಿ ನಟಿಸಿರುವ ಈ ಸಿನಿಮಾದಲ್ಲಿ ಮೇಘಾ ಆಕಾಶ್ ಮತ್ತು ದಿಶಾ ಪಟಾನಿ ನಾಯಕಿಯರಾಗಿದ್ದಾರೆ. ಜೊತೆಗೆ ರಣದೀಪ್ ಹೂಡಾ, ಜಾಕಿ ಶ್ರಾಫ್ ಅವರುಗಳು ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಸಿನಿಮಾವನ್ನು ಪ್ರಭುದೇವಾ ನಟಿಸುತ್ತಿದ್ದಾರೆ.