ನೀರಸವಾದ ಸಲ್ಮಾನ್ ಖಾನ್ 'ಕಿಸಿ ಕಾ ಭಾಯ್ ಕಿಸಿ ಕಿ ಜಾನ್' ಟೈಟಲ್ ಟೀಸರ್!

ಸಲ್ಲು ಸಿನಿಪಯಣಕ್ಕೆ 34 ವರ್ಷ!

ನಟ ಸಲ್ಮಾನ್ ಖಾನ್ ಸಿನಿಮಾರಂಗದಲ್ಲಿ 34 ವರ್ಷ ಮುಗಿಸಿದ ಪ್ರಯುಕ್ತ ತಮ್ಮ ಮುಂದಿನ ಚಿತ್ರ 'ಕಿಸಿ ಕಾ ಭಾಯ್ ಕಿಸಿ ಕಿ ಜಾನ್' ಸಿನಿಮಾ ಫಸ್ಟ್ ಲುಕ್ ಈ ಹಿಂದೆಯೇ ಹಂಚಿಕೊಂಡಿದ್ದರು. "34 ವರ್ಷಗಳ ಹಿಂದೆ ಈಗ ಮತ್ತು 34 ವರ್ಷಗಳ ನಂತರವೂ, ನನ್ನ ಜೀವನದ ಪ್ರಯಾಣವು 2 ಪದಗಳಿಂದ ಆಗಿದೆ. ಆಗ ನನ್ನೊಂದಿಗೆ ಇದ್ದಕ್ಕಾಗಿ ಧನ್ಯವಾದಗಳು ಮತ್ತು ನನ್ನೊಂದಿಗೆ ಈಗ ನೀವೂ ಇರುವುದಕ್ಕಾಗಿ ಧನ್ಯವಾದಗಳು. ಇದನ್ನು ನಾನು ನಿಜವಾಗಿಯೂ ಪ್ರಶಂಸಿಸುತ್ತೇನೆ" ಎಂದು ಟ್ವಿಟ್ಟರ್‌ನಲ್ಲಿ ಬರೆದುಕೊಂಡಿದ್ದರು.

'ಕಿಸಿ ಕಾ ಭಾಯ್ ಕಿಸಿ ಕಿ ಜಾನ್' ಟೈಟಲ್ ಟೀಸರ್!

ನಟ ಸಲ್ಮಾನ್ ಖಾನ್ ನಟನೆಯ ಮುಂದಿನ ಸಿನಿಮಾ 'ಕಿಸಿ ಕಾ ಭಾಯ್ ಕಿಸಿ ಕಿ ಜಾನ್'. ಈ ಚಿತ್ರದ ಟೈಟಲ್ ಈಗ ಅಧಿಕೃತವಾಗಿ ಲಾಂಚ್ ಆಗಿದೆ. ಪುಟ್ಟದೊಂದು ಟೀಸರ್ ಮೂಲಕ ಟೈಟಲ್ ರಿವೀಲ್ ಆಗಿದೆ. ಟೀಸರ್ ಆರಂಭದಲ್ಲಿ ನಟ ಸಲ್ಮಾನ್ ಖಾನ್ ಬೈಕ್ ರೈಡ್ ಮಾಡುತ್ತಿರುತ್ತಾರೆ. ನಂತರ ಸಲ್ಮಾನ್ ಖಾನ್ ನಡೆದುಕೊಂಡು ಹೋಗುವ ದೃಶ್ಯಗಳು ಇವೆ. ಟೀಸರ್ ಅಂತ್ಯದಲ್ಲಿ 'ಕಿಸಿ ಕಾ ಭಾಯ್ ಕಿಸಿ ಕಿ ಜಾನ್' ಎನ್ನುವ ಟೈಟಲ್ ರಿವೀಲ್ ಆಗುತ್ತದೆ.

ಸಲ್ಮಾನ್ ಖಾನ್ ಲುಕ್ ಮಾತ್ರವೇ ಕಿಕ್!

'ಕಿಸಿ ಕಾ ಭಾಯ್ ಕಿಸಿ ಕಿ ಜಾನ್' ಟೀಸರ್ ಅಷ್ಟೇನು ಅದ್ಬುತ ಎನಿಸಲ್ಲ. ಈ ಟೀಸರನ್‌ನಲ್ಲಿ ಕೇವಲ ಸಲ್ಮಾನ್ ಖಾನ್ ಅವ್ರ ಪಾತ್ರ ಮತ್ತು ಅವ್ರ ಹೊಸ ಲುಕ್ ಪರಿಚಯಿಸಲಾಗಿದೆ. ಸಲ್ಮಾನ್ ಖಾನ್ ಕಾಸ್ಟ್ಯೂಂ, ಆ್ಯಕ್ಸಸರೀಸ್, ಹೇರ್ ಸ್ಟೈಲ್, ಇವೇ ಇಡೀ ಟ್ರೈಲರ್‌ನಲ್ಲಿ ತುಂಬಿ ಹೋಗಿವೆ. ಇದರಲ್ಲಿ ಭಿನ್ನ ಎನಿಸುವುದು ಕೇವಲ ಸಲ್ಮಾನ್ ಖಾನ್ ಉದ್ದನೆಯ ಹೇರ್ ಸ್ಟೈಲ್ ಮಾತ್ರವೇ. ಹಾಗಾಗಿ ಸಲ್ಮಾನ್ ಖಾನ್ ಹೊಸ ಅವತಾರ ಪರಿಚಯಿಸಲೆಂದೇ ಈ ಟೀಸರ್ ಮಾಡಲಾಗಿದೆ.

ಸಲ್ಲುಗೆ ನಾಯಕಿಯಾದ ಪೂಜಾ ಹೆಗ್ಡೆ!

ಈ ಚಿತ್ರದಲ್ಲಿ ನಟ ಸಲ್ಮಾನ್ ಖಾನ್ ಜೊತೆಗೆ ಸೌತ್ ತಾರೆಯರು ಇದ್ದಾರೆ. ತೆಲುಗು ನಟ ವೆಂಕಟೇಶ್ ಮತ್ತು ನಟಿ ಪೂಜಾ ಹೆಗ್ಡೆ ಈ ಚಿತ್ರದಲ್ಲಿ ಪ್ರಮುಖ ಪಾತ್ರಗಳಲ್ಲಿ ಇದ್ದಾರೆ. ಫರ್ಹಾದ್ ಸಮ್‌ಜೀ ಈ ಚಿತ್ರದ ನಿರ್ದೇಶನದ ಜವಾಬ್ದಾರಿ ಹೊತ್ತಿದ್ದಾರೆ. 'ಕಿಸಿ ಕಿ ಭಾಯ್ ಕಿಸಿ ಕಿ ಜಾನ್' ಚಿತ್ರವನ್ನು ಬಿಟ್ಟರೆ 'ಟೈಗರ್ 3', 'ಕಿಕ್ 2' ಸಿನಿಮಾಗಳು ಸಲ್ಮಾನ್ ಖಾನ್ ಕೈಯಲ್ಲಿ ಇವೆ.