For Quick Alerts
ALLOW NOTIFICATIONS  
For Daily Alerts

ಸಲ್ಲೂ ಮಿಯಾ ಕೈ ಹಿಡಿದ 'ರಿಮೇಕ್ ' ದೇವ

By Mahesh
|

ಬಾಲಿವುಡ್ 'ಟೈಗರ್' ಸಲ್ಮಾನ್ ಖಾನ್ ಮತ್ತೊಮ್ಮೆ ರಿಮೇಕ್ ಚಿತ್ರದತ್ತ ಕಣ್ಣು ಹಾಯಿಸಿದ್ದಾರೆ. ತೆಲುಗಿನ 'ಕಿಕ್' ಚಾಲ್ತಿಯಲ್ಲಿರುವಂತೆಯೇ ದಕ್ಷಿಣ ಭಾರತದ ವೆರೈಟಿ ಸ್ಟಾರ್ ಸೂರ್ಯ ಅಭಿನಯದ 'ಅಯನ್' ಚಿತ್ರವನ್ನು ಬಾಲಿವುಡ್ ಗೆ ತರಲಾಗುತ್ತಿದೆ. ಸೂರ್ಯ ಹಾಗೂ ತಮನ್ನಾ ಅಭಿನಯಿಸಿದ ಅಯನ್ ಚಿತ್ರ ಗಳಿಕೆಯಲ್ಲೂ ಜನಪ್ರಿಯತೆಯಲ್ಲೂ ಉತ್ತಮ ಅಂಕಗಳಿಸಿ ಪಾಸ್ ಆಗಿತ್ತು.

ಈಗ ಸಲ್ಮಾನ್ ಖಾನ್ ಗೆ ಈ ಚಿತ್ರ ಹೇಳಿ ಮಾಡಿಸಿದ ಹಾಗೆ ಇದೆ ಎಂದು ರಿಮೇಕ್ ಚಿತ್ರ ನಿರ್ದೇಶಕ ಪ್ರಭುದೇವ ಅವರಿಗೆ ಅನಿಸಿಬಿಟ್ಟಿದೆ. ಸಲ್ಮಾನ್ ಖಾನ್ ಗಾಗಿ ದಕ್ಷಿಣ ಭಾರತದ ಚಿತ್ರಗಳನ್ನು ಸಾಲು ಸಾಲಾಗಿ ಹಿಂದಿಗೆ ತರಲು ಪ್ರಭುದೇವ 'ರೆಡಿ' ಆಗುತ್ತಿದ್ದಾರೆ.

ತೆಲುಗಿನ ಪೊಕಿರಿ ಚಿತ್ರ ಹಿಂದಿಯಲ್ಲಿ ವಾಂಟೆಡ್ ಆಗಿ ಹಿಟ್ ಆಗಿದ್ದೇ ತಡ ಸಲ್ಮಾನ್ ಗಾಗಿ ಪ್ರಭುದೇವ ತೆಲುಗು, ತಮಿಳು ಚಿತ್ರಗಳ ರೈಟ್ ಪಡೆಯುತ್ತಿದ್ದಾರೆ.

ಲಭ್ಯ ಮಾಹಿತಿಯಂತೆ ಸಲ್ಮಾನ್ ಖಾನ್ ಅವರಿಗಾಗಿ ತಮಿಳಿನ ಅಯನ್ ಅಲ್ಲದೆ, ಸಂಥಿಂಗ್ ಸಂಥಿಂಗ್, ಉನ್ನಕುಂ ಎನ್ನಕುಂ ಅಲ್ಲದೆ ನೀ ವಸ್ತಾನಂಟೆ ನೇ ಒದ್ದಾಂಟಾನಾ(ತೆಲುಗು) ಚಿತ್ರ ಕೂಡ ಕಾದಿದೆ. ಈ ಪೈಕಿ ಉನ್ನಕುಂ ಚಿತ್ರಕ್ಕೆ ಗಿರೀಶ್ ಕುಮಾರ್ ಎಂಬ ಹೊಸ ಯುವಕನೊಂದಿಗೆ ಶ್ರುತಿ ಹಾಸನ್ ಕುಣಿಸಲು ಪ್ರಭು ಸಿದ್ಧತೆ ನಡೆಸಿದ್ದಾರೆ ಎಂಬ ಸುದ್ದಿಯಿದೆ.

ಈ ನಡುವೆ ಸಲ್ಮಾನ್ ಖಾನ್ 'ಕಿಕ್' ಚಿತ್ರದ ನಾಯಕಿ ಸ್ಥಾನಕ್ಕಾಗಿ ಬೆಂಗಳೂರಿನ ಅನುಷ್ಮಾ ಶರ್ಮ ಹಾಗೂ ದೀಪಿಕಾ ಪಡುಕೋಣೆ ನಡುವೆ ತೀವ್ರ ಪೈಪೋಟಿ ನಡೆದಿದೆಯಂತೆ. ಖಾಲಿ ಕುಳಿತಿರುವ ಅನುಷ್ಕಾಳಿಗೆ ಈ ಪಾತ್ರ ಒಲಿಯುವ ಸಾಧ್ಯತೆಯೂ ಇದೆ ಎನ್ನಲಾಗಿದೆ.

ಪ್ರಭುದೇವ ಯಶಸ್ಸು: 2005 ರಲ್ಲಿ ನೀ ವಸ್ತಾನಂಟೆ ನೇ ಒದ್ದಾಂಟಾನಾ ಎಂಬ ರೀಮಿಕ್ಸ್ ಚಿತ್ರ ಮಾಡಿ ಗೆದ್ದಿದ್ದ ಪ್ರಭುದೇವ ರಾತ್ರಿ ಕಳೆದು ಬೆಳಕು ಹರಿಯುವುದರೊಳಗೆ ನಿರ್ದೇಶಕನ ಕ್ಯಾಪ್ ಧರಿಸಿ ಮಿಂಚಿಬಿಟ್ಟರು.

ನಂತರ ಪೌರ್ಣಮಿ, ಪೊಕಿರಿ, ವಾಂಟೆಂಡ್, ರೌಡಿ ರಾಥೋರ್ ಹೆಸರು ತಂದು ಕೊಟ್ಟಿದೆ. ಶಹೀದ್ ಕಪೂರ್, ಕತ್ರೀನಾ ಕೈಫ್ ಹಾಕಿಕೊಂಡು ನಮಕ್ ಎಂಬ ಚಿತ್ರ ನಿರ್ದೇಶಿಸುವುದಾಗಿ ಕೂಡಾ ಪ್ರಭು ಘೋಷಿಸಿದ್ದಾರೆ.

English summary
Bollywood superstar Salman Khan's love for remake movie continues, as he has reportedly given nod for yet another remake of successful South movie. The buzz is that the actor will be starring in the Hindi version of Tamil superhit movie Ayan, which starred Surya (Rakta Chatrira fame).

Kannada Photos

Go to : More Photos
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more