ಅಲ್ಲು ಅರ್ಜುನ್‌ನನ್ನು ಹೊಗಳಿದ್ದೇಕೆ ಸಲ್ಮಾನ್; ಸ್ಟೈಲಿಶ್ ಸ್ಟಾರ್ ಪ್ರತಿಕ್ರಿಯೆ ಏನು?

ಅಲ್ಲು ಅರ್ಜುನ್‌ಗೆ ಸಲ್ಮಾನ್ ಖಾನ್ ಟ್ವೀಟ್

ಸದ್ಯ ರಾಧೆ ಚಿತ್ರದ ಸೀಟಿಮಾರ್ ಹಾಡು ತೆರೆಗೆ ಬಂದಿದೆ. ಈ ಹಾಡು ದುವ್ವಾಡ ಜಗನ್ನಾಥ್ ಸಿನಿಮಾದ ಧಾಟಿಯಲ್ಲಿದೆ. ಹಾಡು ರಿಲೀಸ್ ಆದ ಬಳಿಕ ಸಲ್ಮಾನ್ ಖಾನ್ ಟ್ವೀಟ್ ಮಾಡಿ, 'ಧನ್ಯವಾದ ಅಲ್ಲು ಅರ್ಜುನ್. ಸೀಟಿಮಾರ್ ಹಾಡಿನಲ್ಲಿ ನಿಮ್ಮ ಡಾನ್ಸ್, ನಿಮ್ಮ ಸ್ಟೈಲ್ ಅದ್ಭುತವಾಗಿದೆ. ಸುರಕ್ಷಿತವಾಗಿರಿ ಸಹೋದರ' ಎಂದು ಹೇಳಿದ್ದಾರೆ.

ಸಲ್ಲುಗೆ ಧನ್ಯವಾದ ತಿಳಿಸಿದ ಅಲ್ಲು ಅರ್ಜುನ್

ಸಲ್ಮಾನ್ ಖಾನ್ ಪ್ರೀತಿಯ ಮಾತುಗಳಿಗೆ ಅಲ್ಲು ಅರ್ಜುನ್ ಕೂಡ ಅಷ್ಟೇ ಪ್ರೀತಿಯ ಪ್ರತಿಕ್ರಿಯೆ ನೀಡಿದ್ದಾರೆ. ಧನ್ಯವಾದಗಳು ಸಲ್ಮಾನ್ ಗಾರು. ನಿಮ್ಮಿಂದ ಈ ಅಭಿನಂದನೆಗಳನ್ನು ಸ್ವೀಕರಿಸಲು ತುಂಬಾ ಖುಷಿಯಾಗುತ್ತೆ. ತೆರೆಮೇಲೆ ಮ್ಯಾಜಿಕ್ ಮಾಡುವುದನ್ನು ನೋಡಿ ಅಭಿಮಾನಿಗಳು ಶಿಳ್ಳೆ ಹೊಡೆಯುವುದನ್ನು ನೋಡಲು ಕಾತರನಾಗಿದ್ದೇನೆ. ನಿಮ್ಮ ಪ್ರೀತಿಗೆ ಧನ್ಯವಾದಗಳು' ಎಂದು ಬರೆದುಕೊಂಡಿದ್ದಾರೆ.

ಹಿಂದಿ ವರ್ಷನ್ ಹಾಡಿಗೂ ದೇವಿಶ್ರೀ ಪ್ರಸಾದ್ ಸಂಗೀತ

ವಿಶೇಷ ಎಂದರೆ ದುವ್ವಾಡ ಜಗನ್ನಾಥ ಚಿತ್ರಕ್ಕೆ ಸಂಗೀತ ಸಂಯೋಜನೆ ಮಾಡಿರುವ ಖ್ಯಾತ ಸಂಗೀತ ನಿರ್ದೇಶಕ ದೇವಿಶ್ರೀ ಪ್ರಸಾದ್, ಹಿಂದಿ ವರ್ಷನ್ ಸೀಟಿಮಾರ್‌ಗೂ ಸಂಗೀತ ಸಂಯೋಜನೆ ಮಾಡಿದ್ದಾರೆ.

Recommended Video

ಅಪ್ಪು ಜೊತೆ ಪವನ್ ಮಾಡ್ತಿರೋ ಚಿತ್ರದ ಸ್ಪೆಷಾಲಿಟಿ | Filmibeat Kannada

ಹಿಂದಿ ಸೀಟಿಮಾರ್ ನಲ್ಲಿ ಸಲ್ಮಾನ್ ಜೊತೆ ದಿಶಾ ನಟನೆ

ಅಂದಹಾಗೆ ತೆಲುಗಿನ ಸೀಟಿಮಾರ್ ಹಾಡಿನಲ್ಲಿ ಅಲ್ಲು ಅರ್ಜುನ್ ಜೊತೆ ನಟಿ ಪೂಜಾ ಹೆಗ್ಡೆ ಹೆಜ್ಜೆ ಹಾಕಿದ್ದಾರೆ. ಹಿಂದಿಯ ಸೀಟಿಮಾರ್‌ನಲ್ಲಿ ಸಲ್ಮಾನ್ ಖಾನ್ ಜೊತೆ ನಟಿ ದಿಶಾ ಪಟಾನಿ ಕಾಣಿಸಿಕೊಂಡಿದ್ದಾರೆ. ಸದ್ಯ ಟ್ರೈಲರ್ ಮತ್ತು ಹಾಡಿನ ಮೂಲಕ ಕುತೂಹಲ ಮೂಡಿಸಿರುವ ರಾಧೆ ಸಿನಿಮಾ ಮುಂದಿನ ತಿಂಗಳು ಒಟಿಟಿಯಲ್ಲಿ ತೆರೆಗೆ ಬರುತ್ತಿದೆ.