25,000 ಸಿನಿಮಾ ಕಾರ್ಮಿಕರಿಗೆ ಸಹಾಯ ಮಾಡಲು ಮುಂದಾದ ಸಲ್ಮಾನ್ ಖಾನ್

25,000 ಜನರಿಗೆ ನೆರವು

'ದಿನಗೂಲಿ ಕಾರ್ಮಿಕರಿಗೆ ಸಹಾಯ ಮಾಡಲು ಸಲ್ಮಾನ್ ಅವರ ಬೀಯಿಂಗ್ ಹ್ಯೂಮನ್ ಫೌಂಡೇಷನ್ ಮುಂದೆ ಬಂದಿದೆ. ನಮ್ಮಲ್ಲಿ ಸುಮಾರು ಐದು ಲಕ್ಷ ದಿನಗೂಲಿ ಕಾರ್ಮಿಕರಿದ್ದಾರೆ. ಅವರಲ್ಲಿ 25,000 ಜನರಿಗೆ ನೆರವಿನ ಅತಿ ಅಗತ್ಯವಿದೆ. ಈ ಎಲ್ಲ ಕಾರ್ಮಿಕರ ಅಗತ್ಯಗಳನ್ನು ತಾವೇ ಪೂರೈಸುವುದಾಗಿ ಬೀಯಿಂಗ್ ಹ್ಯೂಮನ್ ತಿಳಿಸಿದೆ' ಎಂದು ತಿಳಿಸಿದ್ದಾರೆ.

ಖಾತೆಗಳಿಗೆ ನೇರವಾಗಿ ಹಣ

ಈ 25,000 ಕಾರ್ಮಿಕರ ಖಾತೆಯ ವಿವರಗಳನ್ನು ಅವರು ಕೇಳಿದ್ದಾರೆ. ಅವರಿಗೆ ನೇರವಾಗಿ ಹಣ ತಲುಪುವುದನ್ನು ಖಾತರಿಪಡಿಸಿಕೊಳ್ಳಲು ಅವರು ಬಯಸಿದ್ದಾರೆ ಎಂದು ತಿವಾರಿ ಹೇಳಿದ್ದಾರೆ. ಇದರಿಂದ ಭಾರಿ ಸಂಖ್ಯೆಯ ಕಾರ್ಮಿಕರ ಜೀವನೋಪಾಯಕ್ಕೆ ಸಲ್ಮಾನ್ ಖಾನ್ ನೆರವಾಗಲಿದ್ದಾರೆ.

ಐ ಸ್ಟ್ಯಾಂಡ್ ವಿತ್ ಹ್ಯುಮಾನಿಟಿ

ಕರಣ್ ಜೋಹರ್, ಕಿಯಾರಾ ಅಡ್ವಾಣಿ, ಆಯುಷ್ಮಾನ್ ಖುರಾನಾ, ತಾಪ್ಸಿ ಪನ್ನು ಮುಂತಾದ ಬಾಲಿವುಡ್ ಸೆಲೆಬ್ರಿಟಿಗಳು 'ಐ ಸ್ಟ್ಯಾಂಡ್ ವಿತ್ ಹ್ಯುಮಾನಿಟಿ' ಚಟುವಟಿಕೆಗೆ ಬೆಂಬಲ ನೀಡುವುದಾಗಿ ಘೋಷಿಸಿದ್ದಾರೆ. ಭಾರತೀಯ ಚಲನಚಿತ್ರ ಮತ್ತು ಟೆಲಿವಿಷನ್ ಉದ್ಯಮ, ಆರ್ಟ್ ಆಫ್ ಲಿವಿಂಗ್ ಫೌಂಡೇಷನ್, ಅಂತಾರಾಷ್ಟ್ರೀಯ ಮಾನವೀಯ ಮೌಲ್ಯಗಳ ಸಂಘಟನೆ ಜತೆಗೂಡಿ ಈ ಚಟುವಟಿಕೆ ಆರಂಭಿಸಿವೆ.

ನಿರ್ಮಾಪಕರ ಪರಿಹಾರ ನಿಧಿ

ಸಿನಿಮಾ, ಟೆಲಿವಿಷನ್ ಮತ್ತು ವೆಬ್ ಪ್ರೊಡಕ್ಷನ್ಸ್ ಕ್ಷೇತ್ರಗಳಲ್ಲಿನ ದಿನಗೂಲಿ ಕಾರ್ಮಿಕರಿಗೆ ಸಹಾಯ ಮಾಡುವ ಸಲುವಾಗಿ ಪರಿಹಾರ ನಿಧಿಯನ್ನು ಸ್ಥಾಪಿಸುವುದಾಗಿ ಪ್ರೊಡ್ಯೂಸರ್ಸ್ ಗಿಲ್ಡ್ ಆಫ್ ಇಂಡಿಯಾ ಮಾರ್ಚ್ 18ರಂದು ತಿಳಿಸಿತ್ತು. ಸುಧೀರ್ ಮಿಶ್ರಾ, ವಿಕ್ರಮಾದಿತ್ಯ ಮೋಟ್ವಾನಿ ಮತ್ತು ಅನುರಾಗ್ ಕಶ್ಯಪ್ ನೇತೃತ್ವದಲ್ಲಿ ಈ ಕಾರ್ಯ ಆರಂಭವಾಗಿತ್ತು.