Don't Miss!
- News Reliance: ರಿಲಯನ್ಸ್ ಎಂದು ಹೆಸರು ಬರಲು ಕಾರಣವೇನು? ಇಲ್ಲಿದೆ ಇಂಟ್ರಸ್ಟಿಂಗ್ ಮಾಹಿತಿ
- Technology ಸದ್ಯ ನೀವೇನಾದರೂ ಹೊಸ ರೆಡ್ಮಿ ಫೋನ್ ಖರೀದಿಸ್ತೀರಾ?..ಹಾಗಿದ್ರೆ, ಇಲ್ಲಿ ಗಮನಿಸಿ!
- Lifestyle ದುಬೈ ಪ್ರವಾಹದ ವೈರಲ್ ವೀಡಿಯೋಗಳು: ಒಂದೊಂದು ದೃಶ್ಯವೂ ಬದುಕಿನ ಪಾಠ ಹೇಳುತ್ತೆ
- Finance Binance: ಫೈನ್ ಕಟ್ಟಿ ಭಾರತಕ್ಕೆ ಮರಳಿ ಬರಲಿದೆ ಕ್ರಿಫ್ಟೋಕರೆನ್ಸಿ ವಿನಿಮಯ ಕೇಂದ್ರ!
- Automobiles Tata: ಮಧ್ಯಮ ವರ್ಗದವರಿಗೆ ಸಿಹಿಸುದ್ದಿ.. ಮುಂಬರಲಿರುವ ಟಾಟಾ ಕಾರುಗಳಿವು, ಒಂದಕ್ಕಿಂತ ಒಂದು ಭರ್ಜರಿಯಾಗಿವೆ!
- Sports ಟಿ20 ವಿಶ್ವಕಪ್ ಬಗ್ಗೆ ಸ್ಪಷ್ಟನೆ ಕೇಳಿದ ವಿರಾಟ್ ಕೊಹ್ಲಿ; ಕಹಾನಿ ಮೇ ಟ್ವಿಸ್ಟ್ ನೀಡಿದ ಬಿಸಿಸಿಐ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸಲ್ಮಾನ್ ಖಾನ್ ಜೊತೆ ಸಿನಿಮಾ ಮಾಡಿ ತಪ್ಪು ಮಾಡಿದೆ: ನಟಿ ಜರೀನ್
ಬಾಲಿವುಡ್ನ ಸೂಪರ್ ಸ್ಟಾರ್ ನಟ ಸಲ್ಮಾನ್ ಖಾನ್ ಜೊತೆಗೆ ಸಿನಿಮಾ ಮಾಡಲು ನಟಿಯರು ತುದಿಗಾಲಲ್ಲಿ ನಿಂತಿದ್ದಾರೆ. ಆದರೆ ನಟಿ ಜರೀನ್ ಖಾನ್ ಮಾತ್ರ ''ಸಲ್ಮಾನ್ ಖಾನ್ ಜೊತೆ ಸಿನಿಮಾ ಮಾಡಿ ತಪ್ಪು ಮಾಡಿದೆ'' ಎಂದಿದ್ದಾರೆ.
ನಟಿ ಜರೀನ್ ಖಾನ್, ಸಲ್ಮಾನ್ ಖಾನ್ ಜೊತೆಗೆ 'ವೀರ್' ಸಿನಿಮಾದಲ್ಲಿ ನಟಿಸಿದ್ದರು. ಅದು ಅವರ ಮೊದಲ ಸಿನಿಮಾ. ಆದರೆ ಆ ಸಿನಿಮಾ ಬಾಕ್ಸ್ಆಫೀಸ್ನಲ್ಲಿ ಇನ್ನಿಲ್ಲದಂತೆ ನೆಲ ಕಚ್ಚಿತು.
ಈ ಬಗ್ಗೆ ಇತ್ತೀಚಿನ ಸಂದರ್ಶನವೊಂದರಲ್ಲಿ ಮಾತನಾಡಿರುವ ಜರೀನ್ ಖಾನ್, ''ಆ ಸಿನಿಮಾ ನನಗೆ ಉಲ್ಟಾ ಹೊಡೆಯಿತು (ಬ್ಯಾಕ್ಫೈರ್). ಆ ಸಿನಿಮಾ ಬಿಡುಗಡೆ ಆದ ಬಳಿಕ ನನ್ನ ನಿರೀಕ್ಷೆಗಳೆಲ್ಲ ಹುಸಿಯಾಯಿತು. ಆ ಸಿನಿಮಾದಿಂದ ದೊಡ್ಡ ಪಾಠವನ್ನು ನಾನು ಕಲಿತೆ'' ಎಂದಿದ್ದಾರೆ ಜರೀನ್.
ಹಲವರು ನನ್ನನ್ನು ಟೀಕಿಸಿದರು: ಜರೀನ್
''ಆ ಸಿನಿಮಾ ಬಿಡುಗಡೆ ಆದ ಬಳಿಕ ನನ್ನನ್ನು ಹಲವು ವಿಧವಾಗಿ ಟೀಕಿಸಿದರು. ನನ್ನ ಲುಕ್ಸ್, ನನ್ನ ಮುಖ, ನನ್ನ ತೂಕ, ನಟನೆ, ಸಿನಿಮಾದಲ್ಲಿ ನಾನು ನಿರ್ವಹಿಸಿದ್ದ ಪಾತ್ರ ಎಲ್ಲದರ ಬಗ್ಗೆಯೂ ಟೀಕೆಗಳು ಬಂದವು. ಅದು ಬಹಳ ವಿಚಿತ್ರ ಅನುಭವ ನನಗೆ ಬಹಳ ನಿರಾಸೆಯಾಗಿತ್ತು'' ಎಂದಿದ್ದಾರೆ ನಟಿ.
ನನ್ನ ಕರಿಯರ್ ಮುಗಿಯಿತು ಎಂದುಕೊಂಡಿದ್ದೆ: ಜರೀನ್
''ಆ ಸಿನಿಮಾ ಬಳಿಕ ಹಲವು ಸಮಯ ನನಗೆ ಬೇರೆ ಯಾವುದೇ ಸಿನಿಮಾಗಳು ಸಿಗಲಿಲ್ಲ. ನನ್ನ ಕರಿಯರ್ ಮುಗಿಯಿತು ಎಂದುಕೊಂಡಿದ್ದೆ. ಸಿನಿಮಾದಲ್ಲಿ ನಟಿಸಿ ತಪ್ಪು ಮಾಡಿದೆ ಎಂಭ ಭಾವ ಬಂದಿತ್ತು. ಆದರೆ ಆ ಸಿನಿಮಾದಿಂದ ಹಲವು ಪಾಠಗಳನ್ನು ಕಲಿತೆ'' ಎಂದಿದ್ದಾರೆ ಜರೀನ್ ಖಾನ್.
ಕ್ಯಾಮೆರಾ ಎಲ್ಲಿದೆ ಎಂಬುದೂ ಗೊತ್ತಿರಲಿಲ್ಲ: ಜರೀನ್
''ಆ ಸಿನಿಮಾ ಮಾಡಬೇಕಾದರೆ ನಾನೆಷ್ಟು ಅನನುಭವಿ ಆಗಿದ್ದೆನೆಂದರೆ ಮೊದಲ ದಿನದ ಚಿತ್ರೀಕರಣದ ಸಮಯದಲ್ಲಿ ಕ್ಯಾಮೆರಾ ಎಲ್ಲಿದೆ ಎಂಬುದು ಸಹ ನನಗೆ ಗೊತ್ತಿರಲಿಲ್ಲ. ಅನುಭವಿಗಳೇ ಇದ್ದ ತಂಡದಲ್ಲಿ ನಾನೊಬ್ಬಳು ಅನನುಭವಿ ಸೇರಿಕೊಂಡಿದ್ದೆ. ಆದರೆ ಹಲವು ವಿಷಯಗಳನ್ನು ಆ ಚಿತ್ರತಂಡ ನನಗೆ ಕಲಿಸಿತು'' ಎಂದಿದ್ದಾರೆ ಜರೀನ್.
Recommended Video
ತೆಲುಗಿನಲ್ಲಿಯೂ ಒಂದು ಸಿನಿಮಾದಲ್ಲಿ ನಟನೆ
ಮಾಡೆಲಿಂಗ್ ಮಾಡುತ್ತಿದ್ದ ಜರೀನ್ ಖಾನ್ ಅನ್ನು 'ವೀರ್' ಸಿನಿಮಾಕ್ಕೆ ಸಲ್ಮಾನ್ ಖಾನ್ ಆಯ್ಕೆ ಮಾಡಿಕೊಂಡಿದ್ದರು. ಆಗ ಜರೀನ್ ಅನ್ನು ಕತ್ರೀನಾ ಕೈಫ್ಗೆ ಹೋಲಿಸಲಾಗುತ್ತಿತ್ತು. ಜರೀನ್ ಥೇಟ್ ಕತ್ರೀನಾ ಕೈಫ್ ರೀತಿಯೇ ಕಾಣಿಸುತ್ತಿದ್ದರು. 'ವೀರ್' ಸಿನಿಮಾ ಬಿಡುಗಡೆ ಆದ ಬಹುತೇಕ ಎರಡು ವರ್ಷದ ಬಳಿಕ ಅವರಗೆ 'ಹೌಸ್ಫುಲ್' ಸಿನಿಮಾದಲ್ಲಿ ಅವಕಾಶ ಸಿಕ್ಕಿತು. ಕೆಲವು ಬಾಲಿವುಡ್ ಸಿನಿಮಾಗಳಲ್ಲಿ ನಟಿಸಿರುವ ಈ ನಟಿ ತೆಲುಗಿನಲ್ಲಿಯೂ ಒಂದು ಸಿನಿಮಾದಲ್ಲಿ ನಟಿಸಿದ್ದಾರೆ.