ಕಂಠಪೂರ್ತಿ ಕುಡಿದು ರಾತ್ರಿ ಶ್ರೀದೇವಿ ಇದ್ದ ಕೊಠಡಿಗೆ ನುಗ್ಗಿದ್ದರು ಸಂಜಯ್ ದತ್

ಹಿಮ್ಮತ್ ವಾಲಾ ಚಿತ್ರೀಕರಣ

ಈ ಘಟನೆ 1983ರಲ್ಲಿ 'ಹಿಮ್ಮತ್ ವಾಲಾ' ಚಿತ್ರದ ಚಿತ್ರೀಕರಣದ ಸಂದರ್ಭದಲ್ಲಿ ನಡೆದಿತ್ತು. ತೆಲುಗಿನ ರೀಮೇಕ್ ಚಿತ್ರವಾಗಿದ್ದ ಇದನ್ನು ಕೆ. ರಾಘವೇಂದ್ರ ರಾವ್ ನಿರ್ದೇಶಿಸಿದ್ದರು. ಜೀತೇಂದ್ರ, ಅಮ್ಜದ್ ಖಾನ್ ಮುಂತಾದವರು ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದರು.

ಕುಡಿದು ಬಾಗಿಲು ಬಡಿದಿದ್ದ ದತ್

ಶ್ರೀದೇವಿ ತಾವು ಇರುವ ನಗರದಲ್ಲಿಯೇ ಶೂಟಿಂಗ್ ಮಾಡುತ್ತಿದ್ದಾರೆ ಎನ್ನುವುದು ಸಂಜಯ್ ದತ್ ಅವರಿಗೆ ಗೊತ್ತಾಗಿತ್ತು. ಅವರನ್ನು ಭೇಟಿಯಾಗುವ ಸಲುವಾಗಿ ಅವರು ಉಳಿದುಕೊಂಡಿದ್ದ ಹೋಟೆಲ್‌ಗೆ ತೆರಳಿದ್ದರು. ಅವರಿದ್ದ ಕೊಠಡಿಯ ಬಾಗಿನ್ನು ದಡ ದಡನೆಯ ಬಡಿಯತೊಡಗಿದ್ದರು. ತಾನೇನು ಮಾಡುತ್ತಿದ್ದೇನೆ ಎನ್ನುವುದು ಅವರಿಗೇ ಅರಿವಿರಲಿಲ್ಲ. ಏಕೆಂದರೆ ಅವರು ವಿಪರೀತ ಕುಡಿದಿದ್ದರು. ಶ್ರೀದೇವಿ ಬಾಗಿಲು ತೆರೆದಾಗ ಸಂಜಯ್ ದತ್ ಒಳಗೆ ನುಗ್ಗಲು ಪ್ರಯತ್ನಿಸಿದ್ದರು. ಸಂಜಯ್ ದತ್ ಸ್ಥಿತಿ ಕಂಡು ಬೆದರಿದ ಶ್ರೀದೇವಿ ಹೇಗೋ ಕಷ್ಟಪಟ್ಟು ಬಾಗಿಲು ಹಾಕಿ ಅವರು ಒಳಗೆ ಬರದಂತೆ ನೋಡಿಕೊಂಡಿದ್ದರು.

ದತ್ ಕಂಡರೆ ಹೆದರುತ್ತಿದ್ದ ಶ್ರೀದೇವಿ

ಆಸಕ್ತಿಕರ ಸಂಗತಿಯೆಂದರೆ ಇದನ್ನು ಸಂಜಯ್ ದತ್ ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದರು. ಕುಡಿದ ಅಮಲಿನಲ್ಲಿದ್ದ ತಾವು ಶ್ರೀದೇವಿ ಅವರೊಂದಿಗೆ ಹೇಗೆ ವರ್ತಿಸಿದ್ದೆ ಎನ್ನುವುದೂ ನೆನಪಿಸಿಕೊಳ್ಳುವುದಿಲ್ಲ ಎಂದಿದ್ದರು. ಈ ಘಟನೆ ಶ್ರೀದೇವಿ ಅವರ ಮನಸಿನಲ್ಲಿ ಗಾಢ ಪರಿಣಾಮ ಬೀರಿತ್ತು. ಸಂಜಯ್ ದತ್ ಜತೆ ಮುಂದೆ ಸಿನಿಮಾ ಮಾಡಲೂ ಅವರು ಹೆದರುತ್ತಿದ್ದರಂತೆ.

ಜತೆಯಾದ ದತ್-ಶ್ರೀದೇವಿ

ಕ್ರಮೇಣ ಸಮಯ ಎಲ್ಲವನ್ನೂ ತಿಳಿಗೊಳಿಸಿತು. ಹತ್ತು ವರ್ಷದ ಬಳಿಕ ಸಂಜಯ್ ದತ್ ಮತ್ತು ಶ್ರೀದೇವಿ 1993ರಲ್ಲಿ 'ಗುಮ್ರಾ' ಚಿತ್ರದಲ್ಲಿ ಮೊದಲ ಬಾರಿಗೆ ತೆರೆ ಹಂಚಿಕೊಂಡಿದ್ದರು. ಮಹೇಶ್ ಭಟ್ ನಿರ್ದೇಶನದ ಈ ಚಿತ್ರದಲ್ಲಿ ಶ್ರೀದೇವಿ ನಟನೆಗೆ ಮೆಚ್ಚುಗೆ ವ್ಯಕ್ತವಾಗಿತ್ತು. ಹಾಡುಗಳೂ ಹಿಟ್ ಆಗಿದ್ದವು. ಆದರೆ ಸಿನಿಮಾ ಬಾಕ್ಸಾಫೀಸ್‌ನಲ್ಲಿ ದೊಡ್ಡ ಸಂಚಲನ ಮೂಡಿಸುವಲ್ಲಿ ವಿಫಲವಾಯಿತು.