ರಾಖಿಭಾಯ್‌ಗಿಂತಲೂ ಡೇಂಜರಸ್ ಕೊರೊನಾ: ವ್ಯಾಕ್ಸಿನ್ ಪಡೆದ ಅಧೀರ!

ವ್ಯಾಕ್ಸಿನ್‌ನ ಮೊದಲ ಡೋಸ್‌ ಪಡೆದ ಸಂಜಯ್

ಮುಂಬೈನ ಬಿಕೆಸಿ ವ್ಯಾಕ್ಸಿನ್ ಕೇಂದ್ರದಲ್ಲಿ ಸಂಜಯ್ ದತ್ ಅವರು ವ್ಯಾಕ್ಸಿನ್ ಪಡೆದಿದ್ದಾರೆ. ತಾವು ವ್ಯಾಕ್ಸಿನ್ ಪಡೆದ ಚಿತ್ರವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿರುವ ಸಂಜಯ್ ದತ್, ಕೊರೊನಾ ವಿರದ್ಧ ಹೋರಾಡುತ್ತಿರುವ ವೈದ್ಯಕೀಯ ಸಿಬ್ಬಂದಿಗೆ ಧನ್ಯವಾದ ಹೇಳಿದ್ದಾರೆ.

ವೈದ್ಯ ಧಿರೆಗೆ ಧನ್ಯವಾದ ಹೇಳಿದ ಸಂಜಯ್

'ಇಂದು ಬಿಕೆಸಿ ಕೊರೊನಾ ವ್ಯಾಕ್ಸಿನ್ ಕೇಂದ್ರದಲ್ಲಿ ಮೊದಲ ಡೋಸೇಜ್ ಅನ್ನು ಪಡೆದುಕೊಂಡೆ. ವೈದ್ಯ ಧಿರೆ ಹಾಗೂ ಎಲ್ಲ ವೈದ್ಯಕೀಯ ಸಿಬ್ಬಂದಿಗೆ ನಾನು ಧನ್ಯವಾದ ಹೇಳಲು ಇಚ್ಛಿಸುತ್ತೇನೆ. ಅವರು ಮಾಡುತ್ತಿರುವ ಅದ್ಭುತ ಕಾರ್ಯದ ಬಗ್ಗೆ ನನಗೆ ಪ್ರೀತಿ ಮತ್ತು ಗೌರವ ಇದೆ' ಎಂದಿದ್ದಾರೆ ಸಂಜಯ್ ದತ್.

ಕ್ಯಾನ್ಸರ್ ಗೆದ್ದು ವರ್ಷವಾಗಿಲ್ಲ ಸಂಜಯ್ ದತ್

ಕಳೆದ ವರ್ಷವಷ್ಟೆ ಸಂಜಯ್ ದತ್‌ಗೆ ಶ್ವಾಸಕೋಶದ ಕ್ಯಾನ್ಸರ್ ಆಗಿತ್ತು. ಸಂಜಯ್ ದತ್ ಬದುಕುವುದೇ ಅನುಮಾನ ಎಂಬ ರೀತಿಯಲ್ಲಿ ಕೆಲವು ಮಾಧ್ಯಮಗಳು ವರದಿ ಮಾಡಿದ್ದವು. ಆದರೆ ಸಂಜಯ್ ದತ್ ಕ್ಯಾನ್ಸರ್ ನಿಂದ ಗುಣಮುಖರಾದರು. ಜೊತೆಗೆ ಕೆಜಿಎಫ್ 2 ಸೇರಿದಂತೆ ತಾವು ಒಪ್ಪಿಕೊಂಡಿದ್ದ ಎಲ್ಲ ಸಿನಿಮಾಗಳ ಚಿತ್ರೀಕರಣ ಮುಗಿಸಿದರು.

Recommended Video

Asha Bhat ರಾಬರ್ಟ್ ಚಿತ್ರಕ್ಕೆ ನಾಯಕಿಯಾಗಿ ಆಯ್ಕೆಯಾಗಿದ್ದು ಹೇಗೆ?? | Filmibeat Kannada

ಜುಲೈ 16 ರಂದು ಸಿನಿಮಾ ಬಿಡುಗಡೆ

ಕೆಜಿಎಫ್ 2 ರಲ್ಲಿ ಅಧೀರ ಎಂಬ ಪವರ್‌ಫುಲ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ ಸಂಜಯ್ ದತ್. ಸಿನಿಮಾ ಜುಲೈ 16 ರಂದು ಬಿಡುಗಡೆ ಆಗಲಿದೆ. ಇದರ ನಂತರ ರಣಬೀರ್ ಕಪೂರ್ ಜೊತೆ ನಟಿಸಿರುವ 'ಶಂಶೇರಾ' ಸಿನಿಮಾ ಬಿಡುಗಡೆ ಆಗಲಿದೆ ನಂತರ 'ಪೃಥ್ವಿರಾಜ್' ಸಿನಿಮಾದ ಸರದಿ.