ಮುಖಪುಟ

ಬಾಲಿವುಡ್

ಸಲ್ಮಾನ್ ಖಾನ್ ಮತ್ತು ಸಂಜಯ್ ಲೀಲಾ ಬನ್ಸಾಲಿ ಸಿನಿಮಾ ಮಾಡಲಿ ಎಂದು ಅಭಿಮಾನಿಗಳು ಒತ್ತಾಯ ಮಾಡ್ತಿದ್ರು. ಈ ಬೇಡಿಕೆಯನ್ನ ಪರಿಗಣಿಸಿದ ಈ ಜೋಡಿ 'ಇನ್ಶಲ್ಲಾ' ಎಂಬ ಪ್ರಾಜೆಕ್ಟ್ ಘೋಷಣೆ ಮಾಡಿದ್ರು.

ಸುಮಾರು 20 ವರ್ಷದ ಬಳಿಕ ಸಲ್ಮಾನ್ ಖಾನ್ ಮತ್ತು ಬನ್ಸಾಲಿ ಮತ್ತೆ ಒಂದಾದ್ದನ್ನ ಕಂಡು ಬಾಲಿವುಡ್ ಸಂಭ್ರಮಿಸಿತ್ತು. ಎಲ್ಲ ಅಂದುಕೊಂಡಂತೆ ಆದರೆ 2020ರ ಈದ್ ಹಬ್ಬಕ್ಕೆ ಈ ಸಿನಿಮಾ ತೆರೆಗೆ ಬರಲಿದೆ. ಈ ಮಧ್ಯೆ ಸಲ್ಮಾನ್ ಖಾನ್ ನಿರಾಸೆ ಮೂಡಿಸಿದ್ದಾರೆ.

Mood of the Nation poll: ಮೊದಲ ಸ್ಥಾನ ಉಳಿಸಿಕೊಂಡ ಸಲ್ಮಾನ್ ಖಾನ್

''ಸಂಜಯ್ ಲೀಲಾ ಬನ್ಸಾಲಿ ಜೊತೆಗಿನ ಚಿತ್ರ ಮತ್ತಷ್ಟು ತಡವಾಗಬಹುದು. ಸದ್ಯದ ಪರಿಸ್ಥಿತಿಯಲ್ಲಿ 2020ರ ಈದ್ ಹಬ್ಬಕ್ಕೆ ಈ ಚಿತ್ರವನ್ನ ನೀರಿಕ್ಷೆ ಮಾಡುವುದು ಬೇಡ'' ಎಂದು ಸಲ್ಮಾನ್ ಖಾನ್ ಟ್ವಿಟ್ಟರ್ ನಲ್ಲಿ ಪ್ರಕಟಿಸಿದ್ದಾರೆ. ಈ ಮೂಲಕ ಅಭಿಮಾನಿಗಳಿಗೆ ನಿರಾಸೆ ಎದುರಾಗಿದೆ.

ಆದ್ರೆ, ಯಾಕೆ ದಿಢೀರ್ ಅಂತ ಈ ನಿರ್ಧಾರ ಮಾಡಿದ್ರು ಎಂಬುದರ ಬಗ್ಗೆ ಯಾವುದೇ ಸ್ಪಷ್ಟನೆ ನೀಡಿಲ್ಲ. ಇನ್ನುಳಿದಂತೆ ಸಲ್ಮಾನ್ ಖಾನ್ ಅವರ ಉಳಿದ ಪ್ರಾಜೆಕ್ಟ್ ಗಳು ಮುಂದುವರಿಯಲಿದೆ.

'ಸುದೀಪ್ ದಬಾಂಗ್-3 ಚಿತ್ರದ ಸರ್ಪ್ರೈಸ್ ಎಲಿಮೆಂಟ್' ಎಂದ ಬಾಲಿವುಡ್ ನಟ

ಅಂದ್ಹಾಗೆ, ಬನ್ಸಾಲಿ ಮತ್ತು ಸಲ್ಮಾನ್ ಜೋಡಿಯ ಈ ಚಿತ್ರದಲ್ಲಿ ಆಲಿಯಾ ಭಟ್ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಸಲ್ಮಾನ್ ಖಾನ್ ಜೊತೆಯಲ್ಲಿ ಆಲಿಯಾಗೆ ಮೊದಲ ಸಿನಿಮಾ ಇದು. ಹೀಗಾಗಿ, ಈ ಜೋಡಿಯ ಮೇಲೆ ಹೆಚ್ಚು ನಿರೀಕ್ಷೆ ಇದೆ.

ಉಳಿದಂತೆ ಸಲ್ಮಾನ್ ಅಭಿನಯದ 'ಭಾರತ್' ಸಿನಿಮಾ ಬಾಕ್ಸ್ ಆಫೀಸ್ ನಲ್ಲಿ ಒಳ್ಳೆಯ ಬಿಸಿನೆಸ್ ಕಂಡಿದೆ. ಈಗ 'ದಬಾಂಗ್-3 ಚಿತ್ರದ ಚಿತ್ರೀಕರಣ ಮುಗಿದಿದೆ. ಡಿಸೆಂಬರ್ 20ಕ್ಕೆ ಈ ಚಿತ್ರ ಬಿಡುಗಡೆಯಾಗಲಿದೆ. ಮತ್ತೊಂದೆಡೆ ಆಲಿಯಾ ಕೂಡ ಸಾಲು ಸಾಲು ಪ್ರಾಜೆಕ್ಟ್ ಗಳಲ್ಲಿ ನಟಿಸುತ್ತಿದ್ದು, ಬ್ರಹ್ಮಾಸ್ತ್ರ, ಸಡಕ್, ಆರ್.ಆರ್.ಆರ್ ಚಿತ್ರದಲ್ಲಿ ನಾಯಕಿಯಾಗಿದ್ದಾರೆ.