ದೀಪಿಕಾ ಪಡುಕೋಣೆ ಜೊತೆ ಸಿನಿಮಾ ಮಾಡಲು ಸಂಜಯ್ ಲೀಲಾ ಬನ್ಸಾಲಿ ನಿರಾಕರಿಸಲು ಕಾರಣವೇನು?

ದ್ರೌಪದಿ ಸಿನಿಮಾ ನಿರಾಕಸಿದ ಸಂಜಯ್

ದೀಪಿಕಾ ಪಡುಕೋಣೆ ನಟಿಸುತ್ತಿದ್ದಾರೆ ಎಂದು ಹೇಳಲಾಗುತ್ತಿರುವ ದ್ರೌಪದಿ ಸಿನಿಮಾಗೆ ಸಂಜಯ್ ಲೀಲಾ ಬನ್ಸಾಲಿ ನಿರ್ದೇಶನ ಮಾಡಿದರೆ ಉತ್ತಮ ಎಂದು ಸಿನಿಮಾತಂಡ ಭಾವಿಸಿತ್ತು. ಅಲ್ಲದೆ ದೀಪಿಕಾಗೂ ಬನ್ಸಾಲಿ ನಿರ್ದೇಶನ ಮಾಡಬೇಕು ಎನ್ನುವ ಆಸೆಯಿದೆಯಂತೆ. ಆದರೆ ದೀಪಿಕಾ ಅವರ ದ್ರೌಪದಿ ಸಿನಿಮಾ ಮಾಡಲು ಸಂಜಯ್ ಲೀಲಾ ಬನ್ಸಾಲಿ ನಿರಾಕರಿಸಿದ್ದಾರೆ. ಈ ವಿಚಾರ ಈಗ ದೀಪಿಕಾಗೆ ಶಾಕ್ ನೀಡಿದೆ ಎನ್ನುವ ಸುದ್ದಿ ಬಾಲಿವುಡ್ ಅಂಗಳದಲ್ಲಿ ಹರಿದಾಡುತ್ತಿದೆ.

ಗಂಗೂಬಾಯಿ ಸಿನಿಮಾದಲ್ಲಿ ಬನ್ಸಾಲಿ ಬ್ಯುಸಿ

ಸಂಜಯ್ ಲೀಲಾ ಬನ್ಸಾಲಿ ಸದ್ಯ ಅಲಿಯಾ ಭಟ್ ನಾಯಕಿಯಾಗಿ ನಟಿಸುತ್ತಿರುವ ಗಂಗೂಬಾಯ್ ಕಾತಿಯಾವಾಡಿ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ಈ ಸಿನಿಮಾ ಬಳಿಕ ಬೈಜು ಬಾವ್ರಾ ಸಿನಿಮಾ ಕೈಗೆತ್ತಿಕೊಳ್ಳಲಿದ್ದಾರೆ. ಎರಡು ಸಿನಿಮಾಗಳಲ್ಲಿ ಬ್ಯುಸಿರುವುದಾಗಿ ಕಾರಣ ನೀಡಿ ಸಂಜಯ್ ಲೀಲಾ ಬನ್ಸಾಲಿ, ದೀಪಿಕಾ ಸಿನಿಮಾವನ್ನು ನಿರ್ದೇಶನ ಮಾಡಲು ನಿರಾಕರಿಸಿದ್ದಾರೆ.

ಇಬ್ಬರ ಮುನಿಸಿಗೆ ಕಾರಣವೇಣು?

ಸಂಜಯ್ ಲೀಲಾ ಬನ್ಸಾಲಿ ಮತ್ತು ದೀಪಿಕಾ ನಡುವೆ ಉತ್ತಮ ಬಾಂಧವ್ಯವಿತ್ತು. ದೀಪಿಕಾಗೆ, ಬನ್ಸಾಲಿ ಗುರುವಿನ ಹಾಗೆ ಇದ್ದರು. ಆದರೀಗ ಇಬ್ಬರ ನಡುವೆ ವೈಮಸ್ಸು ಮೂಡಿದೆ. ಇವರ ಮುನಿಸಿಗೆ ಕಾರಣವಾಗಿದ್ದು, ಗಂಗೂಬಾಯಿ ಸಿನಿಮಾ ಎನ್ನಲಾಗುತ್ತಿದೆ. ಚಿತ್ರದಲ್ಲಿ ದೀಪಿಕಾಗೆ ವಿಶೇಷ ಹಾಡು ನೀಡಿದ್ದರಂತೆ. ಆದರೆ ದೀಪಿಕಾ ಈ ಹಾಡಿನಲ್ಲಿ ಕಾಣಿಸಿಕೊಳ್ಳಲು ನಿರಾಕರಿಸಿದ್ದಾರೆ. ಇದು ಬನ್ಸಾಲಿ ಅವರ ಅಸಮಾಧಾನಕ್ಕೆ ಕಾರಣವಾಗಿದೆ. ಈ ವಿಚಾರ ಈಗ ಇಬ್ಬರ ನಡುವಿನ ಶೀತಲ ಸಮರಕ್ಕೆ ಕಾರಣವಾಗಿದೆ ಎನ್ನುವ ಸುದ್ದಿ ಹರಿದಾಡುತ್ತಿದೆ.

Recommended Video

Aunty Preethse ಸಿನಿಮಾ ಮಾಡೋಕೆ ಮುನಿರತ್ನಗೆ ಖುಷ್ಬು ಹಾಕಿದ ಷರತ್ತುಗಳೇನು? | Filmibeat Kannada

ಬನ್ಸಾಲಿ ಕನಸಿನ ಸಿನಿಮಾದಲ್ಲಿ ಇರ್ತಾರಾ ದೀಪಿಕಾ?

ಆದರೆ ಇನ್ನು ಕೆಲವರ ಪ್ರಕಾರ ಸಂಜಯ್ ಲೀಲಾ ಬನ್ಸಾಲಿ ಅವರ ಕನಸಿನ ಬಹುನಿರೀಕ್ಷೆಯ ಬೈಜು ಬಾವ್ರಾ ಚಿತ್ರದಲ್ಲಿ ದೀಪಿಕಾ ಕಾಣಿಸಿಕೊಳ್ಳಲಿದ್ದಾರೆ ಎನ್ನುವ ಸುದ್ದಿ ಹರಿದಾಡುತ್ತಿದೆ. ಆದರೆ ಇದು ಎಷ್ಟರ ಮಟ್ಟಿಗೆ ನಿಜ ಎಂದು ಕಾದು ನೋಡಬೇಕು. ಆದರೆ ಚಿತ್ರಾಭಿಮಾನಿಗಳು ದೀಪಿಕಾ ಮತ್ತು ಸಂಜಯ್ ನೀಲಾ ಬನ್ಸಾಲಿ ಕಾಂಬಿನೇಷನ್‌ನ ಸಿನಿಮಾಗಾಗಿ ಕಾತುರದಿಂದ ಕಾಯುತ್ತಿದ್ದಾರೆ.