'ಸಂಜು' ನಾಗಾಲೋಟವನ್ನ ಹಿಡಿದು ನಿಲ್ಲಿಸುವ ತಾಕತ್ತು ಯಾರಿಗೂ ಇಲ್ಲ ಬಿಡಿ.!

ಒಂದು ವಾರದಲ್ಲಿ ಇನ್ನೂರು ಕೋಟಿ ಕಲೆಕ್ಷನ್

ನೀವು ನಂಬಿದ್ರೂ, ಬಿಟ್ಟರೂ ಇದೇ ಸತ್ಯ. ಒಂದು ವಾರದಲ್ಲಿ 'ಸಂಜು' ಸಿನಿಮಾ ಬರೋಬ್ಬರಿ 200 ಕೋಟಿ ಕಲೆಕ್ಷನ್ ಮಾಡಿದೆ. ಮೊದಲ ವಾರಾಂತ್ಯದಲ್ಲಿಯೇ 100 ಕೋಟಿ ಕಲೆಕ್ಟ್ ಮಾಡುವಲ್ಲಿ ಯಶಸ್ವಿ ಆದ 'ಸಂಜು' ಒಂದು ವಾರ ಮುಗಿಯುವ ಹೊತ್ತಿಗೆ ಒಟ್ಟಾರೆ 200 ಕೋಟಿ ಗಳಿಸಿದೆ.

'ಸಂಜು' ವಿಮರ್ಶೆ: ರಣ್ಬೀರ್-ರಾಜಕುಮಾರ್ ಹಿರಾನಿಯ 'ಮಾಸ್ಟರ್ ಪೀಸ್'!

ಇಲ್ಲಿಯವರೆಗಿನ ಕಲೆಕ್ಷನ್ ಎಷ್ಟು.?

ಸದ್ಯದವರೆಗೂ 'ಸಂಜು' ಚಿತ್ರ 271.08 ಕೋಟಿ ರೂಪಾಯಿ ಕಮಾಯಿ ಮಾಡಿದೆ. ಹೀಗೇ ಹೋಗುತ್ತಿದ್ದರೆ, ಇನ್ನೆರಡು ಮೂರು ದಿನಗಳಲ್ಲಿ 'ಸಂಜು' 300 ಕೋಟಿ ಕ್ಲಬ್ ಸೇರುವುದು ಪಕ್ಕಾ.

'ಸಂಜು': ನಿರ್ದೇಶಕರು ಮುಟ್ಟದ ಸಂಜಯ್ ದತ್ ಬದುಕಿನ 10 ಅಧ್ಯಾಯಗಳು

ರಣ್ಬೀರ್ ಕಪೂರ್ ಗೆ ಅದೃಷ್ಟ ಖುಲಾಯಿಸಿತು.!

ಸತತ ಸೋಲು ಕಂಡಿದ್ದ ರಣ್ಬೀರ್ ಕಪೂರ್ ವೃತ್ತಿ ಬದುಕಿಗೆ ದೊಡ್ಡ ತಿರುವು ಕೊಟ್ಟ ಸಿನಿಮಾ 'ಸಂಜು'. ಈ ಚಿತ್ರದಲ್ಲಿ ಸಂಜಯ್ ದತ್ ಪಾತ್ರಕ್ಕೆ ನ್ಯಾಯ ಒದಗಿಸಿರುವ ರಣ್ಬೀರ್ ಕಪೂರ್ ಗೆ ಅದೃಷ್ಟ ಖುಲಾಯಿಸಿದೆ. ಅವಕಾಶಗಳು ಹುಡುಕಿಕೊಂಡು ಬರುತ್ತಿವೆ.

ಹ್ಯಾಟ್ರಿಕ್ ಹಿಟ್

ರಾಜಕುಮಾರ್ ಹಿರಾನಿ ಹಾಗೂ ಸಂಜಯ್ ದತ್ ಕಾಂಬಿನೇಶನ್ ನ ಹ್ಯಾಟ್ರಿಕ್ ಹಿಟ್ ಸಿನಿಮಾ ಇದು. 'ಮುನ್ನಾಭಾಯಿ ಎಂ.ಬಿ.ಬಿ.ಎಸ್' ಹಾಗೂ 'ಲಗೇ ರಹೋ ಮುನ್ನಾಭಾಯಿ' ಚಿತ್ರಗಳಲ್ಲಿ ಸಂಜಯ್ ದತ್ ಹಾಗೂ ರಾಜಕುಮಾರ್ ಹಿರಾನಿ ಕಾಂಬಿನೇಶನ್ ಹಿಟ್ ಆಗಿತ್ತು. ಇದೀಗ ಸಂಜಯ್ ದತ್ ಜೀವನಾಧಾರಿತ ರಾಜಕುಮಾರ್ ಹಿರಾನಿ ನಿರ್ದೇಶನದ 'ಸಂಜು' ಕೂಡ ಬ್ಲಾಕ್ ಬಸ್ಟರ್ ಆಗಿದೆ.