ಕಲೆಕ್ಷನ್ ನಲ್ಲಿ ಹೊಸ ದಾಖಲೆ ಬರೆದ 'ಸಂಜು': ಎರಡು ದಿನಕ್ಕೆ ಗಳಿಸಿದ್ದೆಷ್ಟು.?

'ಸಂಜು' ಫಸ್ಟ್ ಡೇ ಕಲೆಕ್ಷನ್ ಎಷ್ಟು.?

ರಣ್ಬೀರ್ ಕಪೂರ್ ಅಭಿನಯದ 'ಸಂಜು' ಸಿನಿಮಾ ಮೊದಲ ದಿನವೇ ಬಾಕ್ಸ್ ಆಫೀಸ್ ನಲ್ಲಿ ದಾಖಲೆ ನಿರ್ಮಾಣ ಮಾಡಿದೆ. ಫಸ್ಡ್ ಡೇ 34.7 ಕೋಟಿ ಗಳಿಸುವ ಮೂಲಕ ರಣ್ಬೀರ್ ಕಪೂರ್ ಸಿನಿಮಾ ಈ ವರ್ಷದ ಅತಿ ದೊಡ್ಡ ಹಿಟ್ ಸಿನಿಮಾ ಎನಿಸಿಕೊಂಡಿದೆ.

ರಣ್ಬೀರ್ ವೃತ್ತಿ ಜೀವನದ ಬೆಸ್ಟ್

ಇದುವರೆಗೂ ರಣ್ಬೀರ್ ಅಭಿನಯದ ಚಿತ್ರಗಳಲ್ಲಿ 'ಸಂಜು' ಸಿನಿಮಾ ಮೊದಲ ಅತಿ ಹೆಚ್ಚು ಹಣ ಗಳಿಸಿದ ದಾಖಲೆ ಮಾಡಿದೆ. ಇದಕ್ಕು ಮುಂಚೆ 'Besharam' 21 ಕೋಟಿ, 'ಹೇ ಜವಾನಿ ಹೇ ದಿವಾನಿ' 19.4 ಕೋಟಿ ಹಾಗೂ 'ಹೇ ದಿಲ್ ಹೈ ಮುಷ್ಕಿಲ್' ಚಿತ್ರ 13 ಕೋಟಿ ಗಳಿಸಿ ಅತ್ಯುತ್ತಮ ಕೆಲಕ್ಷನ್ ಮಾಡಿದ ಚಿತ್ರಗಳಾಗಿದ್ದವು. ಇದೀಗ, 'ಸಂಜು' ಸಿನಿಮಾ ಈ ಎಲ್ಲ ದಾಖಲೆಗಳನ್ನ ಉಡೀಸ್ ಮಾಡಿದೆ.

'ರೇಸ್' ದಾಖಲೆ ಉಡೀಸ್

ಇತ್ತೀಚಿಗಷ್ಟೆ ತೆರೆಕಂಡಿದ್ದ 'ರೇಸ್ 3' ಸಿನಿಮಾ ಮೊದಲ ದಿನ 29 ಕೋಟಿ ಗಳಿಸಿ ಈ ವರ್ಷದ ದೊಡ್ಡ ಸಿನಿಮಾ ಆಗಿತ್ತು. ಆದ್ರೀಗ, 'ಸಂಜು' ಸಲ್ಮಾನ್ ಅಭಿನಯಿಸಿದ್ದ 'ರೇಸ್' ಚಿತ್ರವನ್ನೇ ಹಿಂದಿಕ್ಕಿದೆ. ಈ ಮೂಲಕ ಈ ವರ್ಷ ಮೊದಲ ದಿನ ಅತಿ ಹೆಚ್ಚು ಹಣ ಗಳಿಸಿದ ಚಿತ್ರಗಳ ಪೈಕಿ 'ಸಂಜು' ಮೊದಲ ಸ್ಥಾನದಲ್ಲಿದೆ.

ಈ ವರ್ಷ ಅತಿ ಹೆಚ್ಚು ಗಳಿಸಿದ್ದ ಚಿತ್ರಗಳು

ಸಲ್ಮಾನ್ ಖಾನ್ 'ರೇಸ್-3' 29 ಕೋಟಿ, ಟೈಗರ್ ಶ್ರಾಫ್ ಅಭಿನಯದ 'ಭಾಗಿ-2' 25 ಕೋಟಿ, ದೀಪಿಕಾ ಪಡುಕೋಣೆ ಅಭಿನಯದ 'ಪದ್ಮಾವತ್' 19 ಕೋಟಿ, 'ವೀರ್ ದೆ ವೆಡ್ಡಿಂಗ್' 10 ಕೋಟಿ, 'ಪ್ಯಾಡ್ ಮ್ಯಾನ್' 10 ಕೋಟಿ ಗಳಿಸುವ ಮೂಲಕ ಮೊದಲ ದಿನದ ಕಲೆಕ್ಷನ್ ನಲ್ಲಿ ದಾಖಲೆ ಬರೆದಿತ್ತು. ಇದೀಗ, ಸಂಜು 34 ಕೋಟಿ ಗಳಿಸಿ ಎಲ್ಲವನ್ನ ಹಿಂದಿಕ್ಕಿ ಟಾಪ್ ಗೆ ಹೋಗಿದೆ.

ನೂರು ಕೋಟಿ ಕ್ಲಬ್ ಗೆ 'ಸಂಜು'.!

ಇನ್ನು ಮೊದಲ ದಿನವೇ ದೊಡ್ಡ ಮೊತ್ತ ಗಳಿಸಿರುವ 'ಸಂಜು' ಎರಡನೇ ದಿನವೂ ತನ್ನ ಯಶಸ್ವಿ ಬೇಟೆಯನ್ನ ಮುಂದುವರಿಸಿದೆ. ಸದ್ಯದ ಮಾಹಿತಿ ಪ್ರಕಾರ ಎರಡನೇ ದಿನವೂ ಸುಮಾರು 30 ಕೋಟಿವರೆಗೂ ಗಳಿಕೆ ಕಂಡಿರಬಹುದು ಎನ್ನಲಾಗಿದೆ. ಆದ್ರೆ, ಖಚಿತ ಮಾಹಿತಿ ಸಿಕ್ಕಿಲ್ಲ. ಒಟ್ನಲ್ಲಿ ಮೊದಲ ಮೂರು ದಿನಗಳಲ್ಲೇ 'ಸಂಜು' ನೂರು ಕೋಟಿ ಕ್ಲಬ್ ಗೆ ಸೇರೋ ಎಲ್ಲ ಲಕ್ಷಣಗಳು ಇದೆ.