Don't Miss!
- Sports DC vs GT IPL 2024: ಅಕ್ಷರ್, ರಿಷಭ್ ಶೈನಿಂಗ್; ಗುಜರಾತ್ ವಿರುದ್ಧ ಡೆಲ್ಲಿ ಜಯಭೇರಿ
- News ದ್ವೇಷ ಉತ್ತೇಜಿಸುವ ಪೋಸ್ಟ್: ಕರ್ನಾಟಕ ಬಿಜೆಪಿ ವಿರುದ್ಧ ದೂರು ದಾಖಲಿಸಿದ ಚುನಾವಣಾ ಆಯೋಗ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Lifestyle 613 ದಿನ ಕೊರೊನಾ ವಿರುದ್ಧ ಹೋರಾಡಿ ವೃತಪಟ್ಟ ವ್ಯಕ್ತಿ..!
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ನಿರ್ಮಾಣವಾಗುತ್ತಿದೆ 22 ವರ್ಷ ಹಿಂದಿನ ಸಿನಿಮಾದ ಮುಂದಿನ ಭಾಗ!
ಬಾಹುಬಲಿ ಬಿಡುಗಡೆ ಆದ ಎರಡು ವರ್ಷದೊಳಗೆ ಬಾಹುಬಲಿ 2 ಬಿಡುಗಡೆ ಆಯಿತು. ಕೆಜಿಎಫ್ ಬಿಡುಗಡೆ ಆದ ಮೂರು ವರ್ಷದಲ್ಲಿ ಕೆಜಿಎಫ್ 2 ಬಿಡುಗಡೆ ಆಗುತ್ತಿದೆ. ಹೀಗೆ ಒಂದು ಸಿನಿಮಾದ ಮುಂದುವರೆದ ಭಾಗ ಹೆಚ್ಚೆಂದರೆ ಮೂರು ವರ್ಷದ ಒಳಗೆ ಬಿಡುಗಡೆ ಆಗುವುದು ಸಾಮಾನ್ಯ.
ಆದರೆ ಬಾಲಿವುಡ್ನ ನಿರ್ದೇಶಕರೊಬ್ಬರು, 22 ವರ್ಷ ಹಳೆಯ ಸಿನಿಮಾದ ಮುಂದುವರೆದ ಭಾಗವನ್ನು ಈಗ ನಿರ್ದೇಶಿಸಲು ತಯಾರಿ ನಡೆಸಿದ್ದಾರೆ.
22 ವರ್ಷದ ಹಿಂದೆ 1999 ರಲ್ಲಿ ಬಿಡುಗಡೆ ಆಗಿ ಭಾರಿ ಹೆಸರು ಗಳಿಸಿದ 'ಸರ್ಫರೋಶ್' ಸಿನಿಮಾದ ಮುಂದುವರೆದ ಭಾಗ ನಿರ್ದೇಶಿಸಲಿದ್ದಾರೆ ನಿರ್ದೇಶಕ ಜಾನ್ ಮ್ಯಾಥ್ಯೂ ಮತ್ತನ್. 22 ವರ್ಷದ ಹಿಂದೆ ಇವರೇ ಸರ್ಫರೋಶ್ ಸಿನಿಮಾ ನಿರ್ದೇಶಿಸಿದ್ದರು.
ಅಮೀರ್ ಖಾನ್, ಸೊನಾಲಿ ಬೇಂದ್ರೆ, ನಾಸಿರುದ್ಧೀನ್ ಶಾ ನಟಿಸಿದ್ದ ಈ ಸಿನಿಮಾ ಭಾರಿ ಹಿಟ್ ಆಗಿತ್ತು. ಅಷ್ಟು ಮಾತ್ರವೇ ಅಲ್ಲದೆ ರಾಷ್ಟ್ರ ಪ್ರಶಸ್ತಿಗೂ ಭಾಜನವಾಗಿತ್ತು. ಇಂದಿಗೂ ಈ ಸಿನಿಮಾವನ್ನು ನೆನಪಿಸಿಕೊಳ್ಳುವವರಿದ್ದಾರೆ.
'ಸರ್ಫರೋಶ್ 2' ನಿರ್ದೇಶಿಸಲಿದ್ದಾರೆ ಮ್ಯಾಥ್ಯು
ಉಗ್ರಗಾಮಿ, ಪೊಲೀಸ್, ಪ್ರೀತಿ, ಸಂಗೀತ ಇತರೆ ವಿಷಯಗಳಿಗೆ ಹೆಚ್ಚು ಪ್ರಾಧಾನ್ಯತೆ ನೀಡಲಾಗಿದ್ದ ಈ ಸಿನಿಮಾದ ಮುಂದುವರೆದ ಭಾಗವನ್ನು 'ಸರ್ಫರೋಶ್ 2' ಹೆಸರಿನಲ್ಲಿ ನಿರ್ದೇಶಿಸುತ್ತಾರಂತೆ ಮ್ಯಾಥ್ಯು.
'ಸರ್ಫರೋಶ್ 2' ಸಿನಿಮಾದಲ್ಲಿ ಜಾನ್ ಅಬ್ರಹಾಂ ನಟಿಸಲಿದ್ದರು
'ಸರ್ಫರೋಶ್ 2' ಸಿನಿಮಾದಲ್ಲಿ ಜಾನ್ ಅಬ್ರಹಾಂ ನಟಿಸಲಿದ್ದಾರೆ. ಸಿನಿಮಾವನ್ನು ನಿರ್ಮಾಣ ಸಹ ಅವರೇ ಮಾಡುತ್ತಾರೆ ಎನ್ನುವ ಸುದ್ದಿಗಳು 2018 ರಲ್ಲಿ ಹರಿದಾಡಿತ್ತು. ಆದರೆ ಆ ನಂತರ ನಿರ್ದೇಶಕ ಮ್ಯಾಥ್ಯು ಆ ಪ್ರಾಜೆಕ್ಟ್ನಿಂದ ಹೊರಬಂದರು.
ಸಿಆರ್ಪಿಎಫ್ ಯೋಧರಿಗೆ ಸಿನಿಮಾ ಅರ್ಪಣೆ
ಆದರೆ ಗೋವಾ ಸಿನಿಮಾ ಉತ್ಸವದಲ್ಲಿ ಈ ಬಗ್ಗೆ ಮಾತನಾಡಿರುವ ಮ್ಯಾಥ್ಯು, 'ಸರ್ಫರೋಶ್ 2 ಸಿನಿಮಾದ ಚಿತ್ರಕತೆಯನ್ನು ಆರು ಬಾರಿ ತಿದ್ದಿದ್ದೇನೆ. ಆ ಸಿನಿಮಾವನ್ನು ನಾನು ಸಿಆರ್ಪಿಎಫ್ ಯೋಧರಿಗೆ ಅರ್ಪಿಸಲಿದ್ದೇನೆ' ಎಂದಿದ್ದಾರೆ ಮ್ಯಾಥ್ಯು.
Recommended Video
ಆಂತರಿಕ ಭದ್ರತೆ ಬಗ್ಗೆ ಸರ್ಫರೋಶ್ 2 ಸಿನಿಮಾ
1999 ರಲ್ಲಿ ಬಿಡುಗಡೆ ಆಗಿದ್ದ 'ಸರ್ಫರೋಶ್' ಸಿನಿಮಾವು ಉಗ್ರಗಾಮಿಗಳ ಕುರಿತಾಗಿ ಇತ್ತು. ಮೆಡಿಕಲ್ ವಿದ್ಯಾರ್ಥಿಯೊಬ್ಬ ಶಿಕ್ಷಣ ಅರ್ಧಕ್ಕೆ ಮೊಟಕುಗೊಳಿಸಿ ಪೊಲೀಸ್ ನೌಕರಿಗೆ ಸೇರಿ ಹೇಗೆ ಉಗ್ರಗಾಮಿಗಳ ವಿರುದ್ಧ ಹೋರಾಡುತ್ತಾನೆ ಎಂಬುದು ಕತೆಯಾಗಿತ್ತು. ಹೊಸ ಸರ್ಫರೋಶ್ 2 ಸಿನಿಮಾ ಆಂತರಿಕ ಭದ್ರತೆ ಕುರಿತಾಗಿ ಇರುತ್ತದೆ ಎಂದಿದ್ದಾರೆ ನಿರ್ದೇಶಕ.