Don't Miss!
- News ನೇಹಾ ಹತ್ಯೆ: ಶೀಘ್ರವೇ ನ್ಯಾಯದಾನ ಎಂದ ಸಚಿವ: ವಿಶೇಷ ಕೋರ್ಟ್ಗೆ 'ನೇಹಾ' ಹೆಸರಿಡಲು ಮನವಿ
- Lifestyle ರೆಸಿಪಿ: ಮಾವಿನ ಕಾಯಿ ತುರಿದು ಮಾಡುವ ಉಪ್ಪಿನಕಾಯಿ, ಎಣ್ಣೆ ಬಳಸಿಲ್ಲ, ವರ್ಷದವರೆಗೆ ಇಡಲೂ ಬಹುದು
- Technology Google: ಗೂಗಲ್ ಪಿಕ್ಸೆಲ್ 8a ಬೆಲೆ ಮಾಹಿತಿ ಲೀಕ್! ಈ ಫೋನ್ ಫೀಚರ್ಸ್ ಏನು?
- Automobiles ಯುವಕರಿಗೆ ಸಿಹಿಸುದ್ದಿ: ಕೈಗೆಟುಕುವ ಬೆಲೆ, ಮಾಸ್ ಲುಕ್ನಲ್ಲಿ ಬರುತ್ತಿದೆ ಹೊಸ ಬಜಾಜ್ ಪಲ್ಸರ್ 400 ಬೈಕ್
- Finance ಇನ್ಮುಂದೆ ನಿಮ್ಮ ಜಮೀನಿನಲ್ಲಿ ನೀವು ಮನೆ ಕಟ್ಟೋದಕ್ಕೂ ಸರ್ಕಾರದ ಅನುಮತಿ ಅಗತ್ಯ, ಏನಿದು ಹೋಸ ನಿಯಮ?
- Sports IPL 2024: ಆರ್ಸಿಬಿ ಕಪ್ ಗೆಲ್ಲದಿರಲು ಅತಿಯಾದ ಪಾರ್ಟಿ ಕಾರಣವೇ?; ರೈನಾ ಬಿಚ್ಚಿಟ್ಟ ಸತ್ಯ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕೊರೊನಾ ಅಪಾಯ: ನಮಸ್ಕಾರ ಅನ್ನಿ, ಕೈ ಕುಲುಕಬೇಡಿ ಎಂದ ಗಣೇಶ್, ಸಲ್ಮಾನ್
ಈಗ ದೇಶದಾದ್ಯಂತ ಕೊರೊನಾ ವೈರಸ್ನದ್ದೇ ಮಾತು. ಬಾಲಿವುಡ್ ಸೇರಿದಂತೆ ಎಲ್ಲ ಚಿತ್ರರಂಗಗಳಲ್ಲಿಯೂ ಇದರ ಕುರಿತು ಚರ್ಚೆ ನಡೆಯುತ್ತಿದೆ. ಸಾರ್ವಜನಿಕ ಸ್ಥಳದಲ್ಲಿ ಹೇಗಿರಬೇಕು, ಹೇಗೆ ಆರೋಗ್ಯ ಕಾಪಾಡಿಕೊಳ್ಳಬೇಕು ಎಂದು ಸ್ಟಾರ್ಗಳು ಸಾಮಾಜಿಕ ಜಾಲತಾಣಗಳ ಮೂಲಕ ಅಭಿಮಾನಿಗಳಿಗೆ ಸಲಹೆ ನೀಡುತ್ತಿದ್ದಾರೆ.
ಮನೆಯಿಂದ ಹೊರಗೆ ಹಾಗೂ ಒಳಗೆ ಹೆಚ್ಚು ಜಾಗರೂಕತೆ ಹಾಗೂ ಸುರಕ್ಷಿತರಾಗಿರಿ ಎಂದು ಸೆಲೆಬ್ರಿಟಿಗಳು ಕೋರುತ್ತಿದ್ದಾರೆ. ಪರಸ್ಪರ ಭೇಟಿಯಾದಾಗ ಅಪ್ಪಿಕೊಳ್ಳುವ ಹಾಗೂ ಕೈಕುಲುಕುವ ಬದಲು 'ನಮಸ್ತೆ' ಹೇಳಿ ಎಂದು ನಟ ಅನುಪಮ್ ಖೇರ್ ಹೇಳಿದ್ದರು. ಅದೇ ರೀತಿ ನಟ ಸಲ್ಮಾನ್ ಖಾನ್ ಕೂಡ ನಮಸ್ತೆ ಅಥವಾ ಸಲಾಮ್ ಹೇಳುವಂತೆ ಮನವಿ ಮಾಡಿದ್ದಾರೆ.
ಕೊರೊನಾಗೆ ಬೆದರಿದ ಬಾಲಿವುಡ್ ಮಂದಿ: ಪ್ಯಾರಿಸ್ಗೆ ಹೋಗೊಲ್ಲ ಎಂದ ದೀಪಿಕಾ
ಈ ಆತಂಕದ ಸಂದರ್ಭದಲ್ಲಿ ನಿಮ್ಮ ನಿಮ್ಮ ಸಂಸ್ಕೃತಿಗೆ ಬದ್ಧರಾಗಿರಿ ಎಂದು ಸಲ್ಮಾನ್ ತಮ್ಮ ಅಭಿಮಾನಿಗಳು ಹಾಗೂ ಅನುಯಾಯಿಗಳಿಗೆ ಹೇಳಿದ್ದಾರೆ. 'ನಮಸ್ಕಾರ... ನಮ್ಮ ಸಂಸ್ಕೃತಿಯಲ್ಲಿ ನಮಸ್ತೆ ಅಥವಾ ಸಲಾಮ್ ಇದೆ. ಕೊರೊನಾ ವೈರಸ್ ಭೀತಿ ನಿವಾರಣೆಯಾಗುವವರೆಗೂ ಕೈ ಕುಲುಕಿಸುವುದು ಅಥವಾ ಅಪ್ಪುಗೆ ನೀಡುವುದನ್ನು ಬಿಡಿ' ಎಂದು ಸಲ್ಮಾನ್ ಖಾನ್ 'ನಮಸ್ತೆ' ಪೋಸ್ನ ಫೋಟೊದೊಂದಿಗೆ ಸಲಹೆ ನೀಡಿದ್ದಾರೆ.
ಎಂದಿನಂತೆ ಸಲ್ಮಾನ್ ಈ ಸಲಹೆ ನೀಡುವಾಗಲೂ ತಮ್ಮ ದೇಹ ಪ್ರದರ್ಶಿಸುವುದನ್ನು ಮರೆತಿಲ್ಲ. ಜಿಮ್ನಲ್ಲಿ ವರ್ಕೌಟ್ ಮಾಡುವ ಸಂದರ್ಭದಲ್ಲಿ ತಮ್ಮ ಕಟ್ಟು ಮಸ್ತಾದ ದೇಹವನ್ನು ಪ್ರದರ್ಶಿಸುತ್ತಲೇ ಸಲ್ಮಾನ್ ಕಾಳಜಿಯುಕ್ತ ಸಲಹೆ ನೀಡಿದ್ದಾರೆ.
ನಮಸ್ಕಾರ 🙏🙏🙏 pic.twitter.com/OP0Zb1zjRQ
— Ganesh (@Official_Ganesh) March 4, 2020
ಕೊರೊನಾ ಭೀತಿಯ ನಡುವೆಯೂ ಯೂರೋಪ್ ಗೆ ಹಾರಿದ ನಟ ಪ್ರಭಾಸ್
ಗೋಲ್ಡನ್ ಸ್ಟಾರ್ ಗಣೇಶ್ ಕೂಡ ಪ್ರಸ್ತುತದ ಸನ್ನಿವೇಶದಲ್ಲಿ ಹಸ್ತಲಾಘವದಿಂದ ದೂರ ಉಳಿಯುವುದು ಒಳ್ಳೆಯದು ಎಂಬುದನ್ನು ವಿವರಿಸುವ ವಿಡಿಯೋವನ್ನು 'ನಮಸ್ಕಾರ'ದೊಂದಿಗೆ ಹಂಚಿಕೊಂಡಿದ್ದಾರೆ. ಜನರು ತಮ್ಮ ಜೀವಮಾನದಲ್ಲಿ ಸರಾಸರಿ 15 ಸಾವಿರ ಬಾರಿ ಹಸ್ತಲಾಘವ ಮಾಡುತ್ತಾರೆ. ಆದರೆ ಹೆಚ್ಚಿನವರು ಅದರ ಬಳಿಕ ತಮ್ಮ ಕೈಗಳನ್ನು ತೊಳೆಯುವುದಿಲ್ಲ. ಹಸ್ತಲಾಘವದಿಂದ ಯಾವ ಸಮಸ್ಯೆಗಳು ಎದುರಾಗಬಹುದು ಎಂಬುದನ್ನು ವಿಡಿಯೋದಲ್ಲಿ ವಿವರಿಸಲಾಗಿದೆ.