ಭೂಪಾಲ್ ವ್ಯಕ್ತಿಯಿಂದ ಶಾರುಖ್ ಖಾನ್ ವಿರುದ್ಧ ದೂರು

ಭೂಪಾಲ್ ನ ವ್ಯಕ್ತಿಯೊಬ್ಬ VJ-John ಸೇವಿಂಗ್ ಕ್ರೀಮ್ ಬಳಸಿದ ನಂತರ ಸೇವಿಂಗ್ ಕ್ರೀಮ್ ಜಾಹೀರಾತಿನಲ್ಲಿ ಕಾಣಿಸಿಕೊಂಡಿರುವ ಶಾರುಖ್ ಖಾನ್ ವಿರುದ್ಧ ದೂರು ದಾಖಲಿಸಿದ್ದಾರೆ.

ಶಾರುಖ್ ಖಾನ್ ಜಾಹೀರಾತಿನಲ್ಲಿ ಕಾಣಿಸಿಕೊಂಡಿರುವ VJ-John ಸೇವಿಂಗ್ ಕ್ರೀಮ್ ಬಳಸಿದ ನಂತರ ರಾಜ್‌ಕುಮಾರ್ ಪಾಂಡೆ ಎಂಬ ವ್ಯಕ್ತಿ ಭೂಪಾಲ್ ಗ್ರಾಹಕರ ನ್ಯಾಯಾಲಯದಲ್ಲಿ "ನಟ ಶಾರುಖ್ ಖಾನ್ VJ-John ಸೇವಿಂಗ್ ಕ್ರೀಮ್ ಜಾಹಿರಾತಿನಲ್ಲಿ ಕಾಣಿಸಿಕೊಂಡು 'ಭಾರತದ ನಂಬರ್ ಒನ್' ಎಂದು ಹೇಳಿ ಜನರನ್ನು ದಾರಿ ತಪ್ಪಿಸುತ್ತಿದ್ದಾರೆ' ಎಂದು ದೂರು ದಾಖಲಿಸಿದ್ದಾರೆ. ಈ ಕ್ರೀಮ್ ಬಳಸಿ ಸೇವಿಂಗ್ ಮಾಡಿದ ನಂತರ ನಾನು ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದಿದ್ದೇನೆ ಎಂದು ಸಹ ದೂರಿನಲ್ಲಿ ಹೇಳಿದ್ದಾರೆ.

ರಾಜ್‌ಕುಮಾರ್ ಪಾಂಡೆ ಅವರ ದೂರನ್ನು ಪರಿಶೀಲಿಸಿರುವ ಗ್ರಾಹಕರ ನ್ಯಾಯಾಲಯದ ನ್ಯಾಯಾದೀಶ ಕಾಶೀನಾಥ್ ಸಿಂಗ್ ರವರು ಶಾರುಖ್ ಖಾನ್, VJ-John ಸೇವಿಂಗ್ ಕ್ರೀಮ್ ಉತ್ಪಾದನ ಕಂಪನಿ, ಮತ್ತು ಮಧ್ಯ ಪ್ರದೇಶದ 'ಆಹಾರ ಮತ್ತು ಔಷಧಿಗಳ ಇಲಾಖೆ'ಗೆ ನೋಟಿಸ್ ನೀಡಿದ್ದಾರೆ ಎಂದು 'ಹಿಂದುಸ್ತಾನ್ ಟೈಮ್ಸ್' ವರದಿ ಮಾಡಿದೆ. ಆದರೆ ಶಾರುಖ್ ಖಾನ್ ಸೇವಿಂಗ್ ಕ್ರೀಮ್ ನ ಜಾಹಿರಾತಿನಲ್ಲಿ ಕಾಣಿಸಿಕೊಂಡಿದ್ದಾರೆಯೇ ಎಂಬುದನ್ನು ನಾವು ಪರಿಶೀಲನೆ ಮಾಡಿಲ್ಲ ಎಂದು 'ಹಿಂದುಸ್ತಾನ್ ಟೈಮ್ಸ್' ಹೇಳಿದೆ.

ಶಾರುಖ್ ಖಾನ್ ಪ್ರಸ್ತುತ ಇಮ್ತಿಯಾಜ್ ಅಲಿ ನಿರ್ದೇಶನದ 'ಜಬ್ ಹ್ಯಾರಿ ಮೆಟ್ ಸೀಜಲ್' ಚಿತ್ರದ ಪ್ರಮೋಷನ್ ಕಾರ್ಯದಲ್ಲಿ ಬ್ಯುಸಿ ಆಗಿದ್ದಾರೆ.