ಬುರ್ಜ್ ಖಲೀಫಾ ಒಳಗೆ ಶಾರುಖ್ ಖಾನ್ ಹೊಡಿ-ಬಡಿ!

ಭಾರತದ ಮೊದಲ ಸಿನಿಮಾ ಆಗಲಿದೆ 'ಪಠಾಣ್'

ಬುರ್ಜ್ ಖಲೀಫಾ ಒಳಗೆ ಚಿತ್ರೀಕರಣ ಮಾಡುತ್ತಿರುವ ಮೊದಲ ಭಾರತೀಯ ಸಿನಿಮಾ ಎಂಬ ಖ್ಯಾತಿ 'ಪಠಾಣ್' ಗೆ ಸಿಗಲಿದೆ. ಹೆಚ್ಚು ಹಾಲಿವುಡ್ ಸಿನಿಮಾಗಳೂ ಸಹ ಬುರ್ಜ್ ಖಲೀಫಾ ಒಳಗೆ ಚಿತ್ರೀಕರಣ ಮಾಡಿಲ್ಲ. ಮಿಷನ್ ಇಂಪಾಸಿಬಲ್ ಹಾಗೂ ಫಾಸ್ಟ್ ಆಂಡ್ ಫ್ಯೂರಿಯಸ್ ಸಿನಿಮಾಗಳು ಬುರ್ಜ್‌ ಖಲೀಫಾದ ಒಳಗೆ ಚಿತ್ರೀಕರಣ ಮಾಡಿದ್ದವು.

ಪಕ್ಕಾ ಆಕ್ಷನ್ ಸಿನಿಮಾ 'ಪಠಾಣ್'

ಶಾರುಖ್ ಖಾನ್ ಪ್ರಸ್ತುತ ನಟಿಸುತ್ತಿರುವ 'ಪಠಾಣ್' ಸಿನಿಮಾ ಪಕ್ಕಾ ಆಕ್ಷನ್ ಸಿನಿಮಾ ಆಗಿದ್ದು, ಸಿನಿಮಾದಲ್ಲಿ ಗೂಡಚಾರಿ ಪಾತ್ರದಲ್ಲಿ ಶಾರುಖ್ ನಟಿಸುತ್ತಿದ್ದಾರೆ. ಇದೇ ಸಿನಿಮಾದಲ್ಲಿ ಸಲ್ಮಾನ್ ಖಾನ್ ಹಾಗೂ ಹೃತಿಕ್ ರೋಷನ್ ಸಹ ಅತಿಥಿ ಪಾತ್ರದಲ್ಲಿ ನಟಿಸಲಿದ್ದಾರೆ. ದೀಪಿಕಾ ಪಡುಕೋಣೆ ಸಿನಿಮಾದ ನಾಯಕಿಯಾಗಿದ್ದು, ಸಿನಿಮಾವನ್ನು ಸಿದ್ಧಾರ್ಥ್ ಆನಂದ್ ನಿರ್ದೇಶಿಸುತ್ತಿದ್ದಾರೆ.

ಜೂನ್ ವೇಳೆಗೆ ಚಿತ್ರೀಕರಣ ಅಂತ್ಯ

ಇದೇ ಜೂನ್ ವೇಳೆಗೆ ಚಿತ್ರೀಕರಣ ಅಂತ್ಯವಾಗಲಿದ್ದು, ದೀಪಾವಳಿ ಹಬ್ಬದ ವೇಳೆಗೆ ಸಿನಿಮಾವನ್ನು ಬಿಡುಗಡೆ ಮಾಡುವ ಸಂಭವ ಇದೆ. ಈ ಸಿನಿಮಾದ ಬಳಿಕ ರಾಜ್‌ಕುಮಾರ್ ಹಿರಾನಿ ಜೊತೆ ಸಿನಿಮಾ ಮಾಡಲಿದ್ದಾರೆ ಶಾರುಖ್ ಖಾನ್.

Recommended Video

ಸುಶಾಂತ್ ಸಿಂಗ್ ಸಂಬಂಧಿ ಮೆಲೆ ಗುಂಡಿನ ಧಾಳಿ | Filmibeat kannada

ಬುರ್ಜ್ ಖಲೀಫಾ ಮೇಲೆ ಶಾರುಖ್ ಹೆಸರು

ಬುರ್ಜ್‌ ಖಲೀಫಾದ ವತಿಯಿಂದ ಶಾರುಖ್ ಖಾನ್ ಗೆ ಗೌರವ ನೀಡಲಾಗಿತ್ತು. ಬುರ್ಜ್ ಖಲೀಫಾದ ಮೇಲೆ ಶಾರುಖ್ ಖಾನ್ ರ ಚಿತ್ರ, ಹೆಸರು, ಸಿನಿಮಾಗಳ ಕೆಲವು ದೃಶ್ಯಗಳನ್ನು ಪ್ರಸಾರ ಮಾಡಲಾಗಿತ್ತು. ಶಾರುಖ್ ಖಾನ್ ಹುಟ್ಟುಹಬ್ಬಕ್ಕೆ ಹೀಗೆ ಬುರ್ಜ್ ಖಲೀಫಾ ಮೇಲೆ ಶಾರುಖ್ ಹೆಸರು, ಚಿತ್ರ ಪ್ರಕಟಿಸಲಾಗಿತ್ತು. ಶಾರುಖ್ ಅಭಿಮಾನಿಯೊಬ್ಬ ಈ ಉಡುಗೊರೆಯನ್ನು ಶಾರುಖ್‌ಗೆ ನೀಡಿದ್ದರು.