ಕೊರೊನಾ ಸಂಕಷ್ಟಕ್ಕೆ 25 ಕೋಟಿ ಕೊಟ್ಟಿದ್ದಕ್ಕೆ ಅಕ್ಷಯ್ ಕುಮಾರ್ ವಿರುದ್ಧ ಗರಂ ಆದ ಶತೃಘ್ನ ಸಿನ್ಹಾ

ಹೆಸರು ಹೇಳದೆ ಅಕ್ಷಯ್ ಮೇಲೆ ವಾಗ್ದಾಳಿ

ಮಾಜಿ ಕೇಂದ್ರ ಸಚಿವ, ಬಾಲಿವುಡ್‌ನ ಹಿರಿಯ ನಟರೂ ಆಗಿರುವ ಶತೃಘ್ನ ಸಿನ್ಹಾ ಅವರು ಅಕ್ಷಯ್ ಕುಮಾರ್ ಹೆಸರು ಹೇಳದೆ, ಅಕ್ಷಯ್ ಕುಮಾರ್ ದೇಣಿಗೆ ನೀಡಿರುವ ಬಗ್ಗೆ ತೀವ್ರ ಟೀಕೆ ಮಾಡಿದ್ದಾರೆ.

ಸಂದರ್ಶನವೊಂದರಲ್ಲಿ ಶತೃಘ್ನ ಸಿನ್ಹಾ ಮಾತು

ಸಂದರ್ಶನವೊಂದರಲ್ಲಿ ಮಾತನಾಡಿದ ಶತೃಘ್ನ ಸಿನ್ಹಾ, 'ಎಷ್ಟು ದೊಡ್ಡ ಮೊತ್ತದ ಹಣ ಕೊಟ್ಟಿರಿ ಎಂದು ನೋಡಿ ನಿಮಗೆ ಸಮಾಜದ ಮೇಲೆ ಇರುವ ಕಾಳಜಿಯನ್ನು ಅಳೆಯುವಂತಿಲ್ಲ, 25 ಕೋಟಿ ಹಣ ಕೊಟ್ಟವರಿಗೆ ಹೆಚ್ಚು ಕಾಳಜಿ ಇದೆ ಎಂದು ಹೇಳಲು ಸಾಧ್ಯವಿಲ್ಲ, ಒಬ್ಬ ವ್ಯಕ್ತಿ ಎಷ್ಟು ದೊಡ್ಡ ಮೊತ್ತದ ಹಣ ಕೊಟ್ಟಿದ್ದಾನೆ ಎಂದು ಅಳೆದು ಆತನ ಗುಣ ತೀರ್ಮಾನ ಮಾಡುವುದು ಸರ್ವತಾ ಸಮ್ಮತವಲ್ಲ ಎಂದು ಶತೃಘ್ನ ಸಿಂಹಾ ಹೇಳಿದ್ದಾರೆ.

ಪ್ರಚಾರ ಪಡೆಯುವುದಕ್ಕೆ ಶತೃಘ್ನ ಸಿನ್ಹಾ ಗರಂ

ದೇಣಿಗೆ ಕೊಟ್ಟಿದ್ದನ್ನು ಸಾಮಾಜಿಕ ಜಾಲತಾಣದಲ್ಲಿ ಹಾಕಿಕೊಂಡು ಪ್ರಚಾರ ಪಡೆಯುವ ಬಗ್ಗೆಯೂ ಶತೃಘ್ನ ಸಿಂಹ ಗರಂ ಆಗಿದ್ದಾರೆ, ದೇಣಿಗೆ ನೀಡುವುದು ಆ ವ್ಯಕ್ತಿಯ ಖಾಸಗಿ ವಿಷಯ, ಅದನ್ನು ಸಾಮಾಜಿಕ ಜಾಲತಾಣದಲ್ಲಿ ಹಾಕಿಕೊಂಡು ಪ್ರಚಾರ ಪಡೆಯುವುದು, ತಾನು ಮತ್ತೊಬ್ಬನಿಗಿಂತ ಶ್ರೇಷ್ಠ ಎಂದು ಬಿಂಬಿಸಿಕೊಳ್ಳುವುದು ಸೂಕ್ತವಲ್ಲ ಎಂದು ಶತೃಘ್ನ ಸಿನ್ಹಾ ಹೇಳಿದ್ದಾರೆ.

ಶತೃಘ್ನ ಸಿನ್ಹಾ ಹೇಳಿಕೆಗೆ ಭಾರಿ ವಿರೋಧ

ಆದರೆ ಶತೃಘ್ನ ಸಿಂಹ ಹೇಳಿಕೆಗೆ ವಿರೋಧಗಳು ವ್ಯಕ್ತವಾದಾಗ ತಮ್ಮ ಮಾತಿಗೆ ಸ್ಪಷ್ಟನೆ ನೀಡಿರುವ ಶತೃಘ್ನ ಸಿನ್ಹಾ, ನಾನು ಹಾಗೆ ಮಾತನಾಡುವುದಾಗಿ ಅಕ್ಷಯ್ ಕುಮಾರ್ ಅವರನ್ನು ಮನಸ್ಸಿನಲ್ಲಿಟ್ಟುಕೊಂಡು ಮಾತನಾಡಿರಲಿಲ್ಲ, ನನ್ನ ಮಾತಿಗೂ ಅಕ್ಷಯ್ ಕುಮಾರ್‌ ಗೂ ಸಂಬಂಧಿವಿಲ್ಲ ಎಂದಿದ್ದಾರೆ.

ಹಲವು ನಟರು ದೇಣಿಗೆ ನೀಡಿದ್ದಾರೆ

ನಟ ಅಕ್ಷಯ್ ಕುಮಾರ್ ಅವರು ಪ್ರಧಾನಿ ಪರಿಹಾರ ನಿಧಿಗೆ 25 ಕೋಟಿ ದೇಣಿಗೆ ನೀಡಿದ್ದಾರೆ. ಶಾರುಖ್ ಖಾನ್, ಸಲ್ಮಾನ್ ಖಾನ್, ಅಮಿತಾಬ್ ಬಚ್ಚನ್ ಇನ್ನೂ ಹಲವರು ಕೊರೊನಾ ವಿರುದ್ಧ ಹೋರಾಟಕ್ಕೆ ಹಣದ ನೆರವು ನೀಡಿದ್ದಾರೆ.