ಪಠಾಣ್ ಕುತಂತ್ರಕ್ಕೆ ಸಿಲುಕಿ ಒಂದು ಟಿಕೆಟ್ ಕೊಂಡರೆ ಮತ್ತೊಂದು ಟಿಕೆಟ್ ಉಚಿತ ಎಂದು ಘೋಷಿಸಿದ ಚಿತ್ರತಂಡ!

ಕಡಿಮೆ ಬೆಲೆಗೆ ಟಿಕೆಟ್ ಘೋಷಿಸಿದ ಪಠಾಣ್

ಮೇಲೆ ಹೇಳಿದಂತ ಶೆಹ್ಜಾದ ಚಿತ್ರದ ಬಿಡುಗಡೆ ದಿನ ಪಠಾಣ್ ಚಿತ್ರತಂಡ ಕೇವಲ 110 ರೂಪಾಯಿಗಳಿಗೆ ಟಿಕೆಟ್ ಮಾರಾಟ ಮಾಡುವ ಮೂಲಕ ಮಾಸ್ಟರ್ ಪ್ಲಾನ್ ಮಾಡಿದೆ. ಹೀಗೆ ಕಡಿಮೆ ಬೆಲೆಗೆ ಟಿಕೆಟ್ ನೀಡುವುದರಿಂದ ಸಿನಿ ರಸಿಕರು ತಮ್ಮ ಚಿತ್ರ ನೋಡಲಿದ್ದಾರೆ ಎಂಬುದು ಚಿತ್ರತಂಡದ ಯೋಜನೆಯಾಗಿದೆ. ಇನ್ನು ಹೊಸ ಚಿತ್ರವೊಂದು ಬಿಡುಗಡೆಯಾಗುತ್ತಿರುವ ಇಂತಹ ಆಫರ್ ನೀಡಿ ಪೆಟ್ಟು ನೀಡುವುದು ಸರಿಯಲ್ಲ ಎಂದು ಸಿನಿ ರಸಿಕರು ಪಠಾಣ್ ಚಿತ್ರತಂಡದ ವಿರುದ್ಧ ಕಿಡಿಕಾರಿದ್ದರು.

ಹೊಡೆತ ತಪ್ಪಿಸಿಕೊಳ್ಳಲು ವಿಚಿತ್ರ ಸಾಹಸಕ್ಕೆ ಕೈಹಾಕಿದ ಶೆಹ್ಜಾದ

ಇನ್ನು ಪಠಾಣ್ ಚಿತ್ರ 112 ರೂಪಾಯಿಗಳಿಗೆ ಟಿಕೆಟ್ ನೀಡುವುದಾಗಿ ಘೋಷಿಸಿದ ಬೆನ್ನಲ್ಲೇ ಎಚ್ಚೆತ್ತ ಶೆಹ್ಜಾದ ಚಿತ್ರತಂಡ ಒಂದು ಟಿಕೆಟ್ ಖರೀದಿಸಿದರೆ ಮತ್ತೊಂದು ಟಿಕೆಟ್ ಅನ್ನು ಉಚಿತವಾಗಿ ನೀಡುತ್ತೇವೆ ಎಂದು ಘೋಷಿಸಿದೆ. ದೇಶದ ಯಾವುದೇ ಚಿತ್ರಮಂದಿರದಲ್ಲಿ ಬುಕ್ ಮೈ ಶೋ ಮೂಲಕ ಟಿಕೆಟ್ ಖರೀದಿಸಿದರೂ ಈ ಆಫರ್ ಇದೆ. ದೊಡ್ಡ ನಟನ ಚಿತ್ರ ಸಣ್ಣ ನಟನ ಚಿತ್ರದ ಮೇಲೆ ಈ ರೀತಿಯ ಆಫರ್ ನೀಡಿದ ಪರಿಣಾಮ ಇದೀಗ ಶೆಹ್ಜಾದ ತಂಡ ಇಂತಹ ಕಠಿಣ ನಿರ್ಧಾರವನ್ನು ಕೈಗೊಂಡಿದೆ.

ತೆಲುಗಿನ ರಿಮೇಕ್ ಶೆಹ್ಜಾದ

ಈ ರೀತಿ ಒಂದು ಟಿಕೆಟ್ ಖರೀದಿಸಿದರೆ ಮತ್ತೊಂದು ಟಿಕೆಟ್ ಉಚಿತ ಎಂದು ಘೋಷಣೆ ಮಾಡಿರುವ ಶೆಹ್ಜಾದ ಚಿತ್ರ ತೆಲುಗಿನ ಅಲ್ಲು ಅರ್ಜುನ್ ಹಾಗೂ ಪೂಜಾ ಹೆಗ್ಡೆ ನಟನೆಯ ಅಲಾ ವೈಕುಂಟಪುರಮುಲೋ ರಿಮೇಕ್ ಆಗಿದೆ. ಸದ್ಯ ರಿಮೇಕ್ ಚಿತ್ರಗಳೆಲ್ಲಾ ಮಕಾಡೆ ಮಲಗುತ್ತಿರುವ ಕಾರಣ ರಿಮೇಕ್ ಎಂಬ ಹಿನ್ನಡೆ ಚಿತ್ರಕ್ಕಿದ್ದರೆ, ಪಠಾಣ್ ಚಿತ್ರದ ನಿರ್ಧಾರ ಗಾಯದ ಮೇಲೆ ಬರೆ ಎಳೆದಂತಾಗಿದೆ. ಇನ್ನು ಅಲಾ ವೈಕುಂಟಪುರಮುಲೋ ಚಿತ್ರ ದೊಡ್ಡ ಹಿಟ್ ಆಗಿತ್ತು. ತ್ರಿವಿಕ್ರಮ್ ಶ್ರೀನಿವಾಸ್ ಮೋಡಿ ಮಾಡಿದ್ದರು. ಆದರೆ ಹಿಂದಿ ಸಿನಿ ರಸಿಕರಿಗೆ ಇಷ್ಟವಾಗುತ್ತಾ, ಚಿತ್ರ ಎಲ್ಲಾ ಅಡೆತಡೆಗಳ ವಿರುದ್ಧ ಗೆಲ್ಲುತ್ತಾ ಎಂಬುದೇ ಈಗ ಪ್ರಶ್ನೆಯಾಗಿದೆ.