'ಡಿನ್ನರ್' ಅಂದ್ರೆ 'ಮಂಚಕ್ಕೆ ಬಾ' ಎನ್ನುವುದು ಗೊತ್ತಿರಲಿಲ್ಲ: ಚಿತ್ರರಂಗದ ಕಾಮಪುರಾಣ ಬಿಚ್ಚಿಟ್ಟ 'ಕಾಮಸೂತ್ರ' ನಟಿ

ಕೆಚ್ಚ ಅನುಭವದ ಬಗ್ಗೆ ಶರ್ಲಿನ್ ಮಾತು

ಕಾಸ್ಟಿಂಗ್ ಕೌಚ್ ಎನ್ನುವುದು ಚಿತ್ರರಂಗದ ಒಂದು ಭಾಗವಾಗಿದೆ. ಅನೇಕ ನಟಿಯರಿಗೆ ಈ ಅನುಭವವಾಗಿದೆ. ಅವಕಾಶ ನೀಡುವುದಾಗಿ ಹೇಳಿ ಮಂಚಕ್ಕೆ ಕರೆಯುವ ಕೆಟ್ಟ ವ್ಯವಸ್ಥೆಯ ಬಗ್ಗೆ ಅನೇಕ ನಟಿಯರು ಸಿಡಿದೆದ್ದಿದ್ದಾರೆ. ಮೀ ಟೂ ಅಭಿಯಾನದ ಮೂಲಕ ಅನೇಕ ಕಾಸ್ಟಿಂಗ್ ಕೌಚ್ ಪ್ರಕರಣಗಳು ಬಹಿರಂಗವಾಗಿವೆ. ಸಾಕಷ್ಟು ನಟಿಯರು ತಮಗಾದ ಕೆಟ್ಟ ಅನುಭವನ್ನು ಬಹಿರಂಗಪಡಿಸುತ್ತಿದ್ದಾರೆ. ಈಗ ನಟಿ ಶರ್ಲಿನ್ ಚೋಪ್ರಾ ಕೂಡ ಚಿತ್ರರಂಗದಲ್ಲಿ ಅನುಭವಿಸಿದ ಕಾಸ್ಟಿಂಗ್ ಕೌಚ್ ಬಗ್ಗೆ ಮಾತನಾಡಿದ್ದಾರೆ.

ಡಿನ್ನರ್ ಪದದ ನಿಜವಾದ ಅರ್ಥ ಗೊತ್ತಿರಲಿಲ್ಲ

ಚಿತ್ರರಂಗದ ಆರಂಭಿಕ ದಿನಗಳಲ್ಲಿ ಶರ್ಲಿನ್ ತುಂಬಾ ಕಷ್ಟ ಅನುಭವಿಸಿದ್ದಾರೆ. "ಮೊದಲು ನಿರ್ಮಾಪಕರು ಡಿನ್ನರ್ ಗೆ ಕರೆಯುತ್ತಿದ್ದರು. ಆದರೆ ಅವರ ನೈಜ ಉದ್ದೇಶ ಏನು ಎನ್ನುವುದು ನನಗೆ ಮೊದಲು ಗೊತ್ತಿರಲಿಲ್ಲ. ಡಿನ್ನರ್ ನ ನಿಜವಾದ ಅರ್ಥ ತಿಳಿಯಲು ತುಂಬಾ ಸಮಯಬೇಕಾಯಿತು" ಎಂದು ಹೇಳಿದ್ದಾರೆ.

ಡಿನ್ನರ್ ಅಂದರೆ "ನನ್ನ ಬಳಿಗೆ ಬಾ ಬೇಬಿ" ಎಂದರ್ಥ

ಎಲ್ಲಾ ನಟಿಯರ ಕನಸಿನಂತೆ ಚಿತ್ರರಂಗದಲ್ಲಿ ದೊಡ್ಡ ನಟಿಯಾಗಿ ಗುರುತಿಸಿಕೊಳ್ಳಬೇಕು ಎನ್ನುವ ಆಸೆ ಶರ್ಲಿನ್ ಗೂ ಇತ್ತು. "ವೃತ್ತಿ ಜೀವನದ ಆರಂಭದಲ್ಲಿ ನಿರ್ಮಾಪಕರೊಬ್ಬರು ನನ್ನ ಸಂಪರ್ಕ ಮಾಡುವುದಾಗಿ ಹೇಳಿದರು. ಅಲ್ಲದೆ ರಾತ್ರಿ 11 ಗಂಟೆ ಅಥವಾ 12ಗಂಟೆಗೆ ಡಿನ್ನರ್ ಗೆ ಆಹ್ವಾನಿಸಿದರು. ಈ ರೀತಿಯ ಅನುಭವ ನಾಲ್ಕೈದು ಬಾರಿಯಾಗಿದೆ. ಆ ನಂತರ ಗೊತ್ತಾಯಿತು, ಡಿನ್ನರ್ ಅಂದರೆ ಕಾಂಪ್ರುಮೈಸ್ ಆಗುವುದು ಎಂದು. ಡಿನ್ನರ್ ಎಂದರೆ "ನನ್ನ ಬಳಿಗೆ ಬಾ ಬೇಬಿ" ಎಂದರ್ಥ ಎಂದು" ಶರ್ಲಿನ್ ಹೇಳಿದ್ದಾರೆ.

ಶರ್ಲಿನ್ ಪ್ರತಿಕ್ರಿಯೆ ಹೀಗಿರುತ್ತಿತ್ತು

"ನಂತರ ಡಿನ್ನರ್ ಗೆ ಯಾರಾದರು ಕರೆದರೆ ಇಂಟ್ರಸ್ಟ್ ಇಲ್ಲ ಎಂದು ನೇರವಾಗಿ ಹೇಳುವುದನ್ನು ಕಲಿತುಕೊಂಡೆ. ಡಯಟ್ ಮಾಡುತ್ತಿದ್ದೀನಿ ಡಿನ್ನರ್ ಮಾಡಲ್ಲ ಎನ್ನುತ್ತಿದ್ದೆ" ಎಂದು ಹೇಳುವ ಮೂಲಕ ಚಿತ್ರರಂಗದಲ್ಲಿ ಅನುಭವಿಸಿದ ಕೆಟ್ಟ ಅನುಭವದ ಬಗ್ಗೆ ಶರ್ಲಿನ್ ಮನ ಬಿಚ್ಚಿಮಾತನಾಡಿದ್ದಾರೆ.

ಕಾಮಸೂತ್ರ ಸಿನಿಮಾ ನಂತರ ಸಿನಿಮಾ ಮಾಡಿಲ್ಲ

ಶರ್ಲಿನ್ ಗೆ ದೊಡ್ಡ ಮಟ್ಟದ ಖ್ಯಾತಿ ತಂದುಕೊಟ್ಟ ಸಿನಿಮಾ ಕಾಮಸೂತ್ರ. 2014ರಲ್ಲಿ ರಿಲೀಸ್ ಆದಾ ಸಿನಿಮಾವಿದು. ಆ ನಂತರ ಶರ್ಲಿನ್ ಸಿನಿಮಾದಲ್ಲಿ ಕಾಣಿಸಿಕೊಂಡಿಲ್ಲ. 2016ರಲ್ಲಿ ವಿಶೇಷ ಪಾತ್ರದ ಮೂಲಕ ತೆರೆಮೇಲೆ ಬಂದಿದ್ದರು. ಆ ನಂತರ ಶಾರ್ಟ್ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದಾರೆ. ಅದೂ ಬಿಟ್ಟರೆ ಶರ್ಲಿನ್ ಮತ್ತೆ ಸಿನಿಮಾದಲ್ಲಿ ಬಣ್ಣಹಚ್ಚಿಲ್ಲ.