ಪ್ಲೇಬಾಯ್ ಪತ್ರಿಕೆಯಲ್ಲಿ ಶೆರ್ಲಿನ್ ನೀಲಿ ಚಿತ್ರಗಳು!

ಬಾಲಿವುಡ್ ಐಟಂ ಬಾಂಬ್ ಶೆರ್ಲಿನ್ ಚೋಪ್ರಾ ವೃತ್ತಿಜೀವನದಲ್ಲಿ ಇನ್ನೊಂದು ಮೈಲಿಗಲ್ಲನ್ನು ತಲುಪಿದ್ದಾರೆ. ಇಷ್ಟು ದಿನ ಆಕೆ ರಾಷ್ಟ್ರಮಟ್ಟದಲ್ಲಿ ತಮ್ಮ ಮಾದಕತೆಯನ್ನು ಪ್ರದರ್ಶಿಸುವ ಮೂಲಕ ಸುದ್ದಿ ಮಾಡಿದ್ದರು. ಈಗ ಏಕ್ ದಂ ಆಕೆಯ ಪ್ರತಿಷ್ಠೆ ಅಂತಾರಾಷ್ಟ್ರೀಯ ಮಟ್ಟಕ್ಕೇರಿದೆ. ಇದಕ್ಕೆ ಕಾರಣವಾಗಿರುವುದು 'ಪ್ಲೇಬಾಯ್' ನೀಲಿ ಪತ್ರಿಕೆ.

ಪುರುಷರ ನಿಯತಕಾಲಿಕೆ 'ಪ್ಲೇಬಾಯ್' ಹೆಸರು ಕೇಳಿದರೆ ಸಾಕು ಎಂಥವರಿಗೂ ಕಿವಿ ನಿಮಿರುತ್ತದೆ. ಸಾಮಾನ್ಯವಾಗಿ ಓದುಗರ ಕೈಗೆ 'ಪ್ಲೇಬಾಯ್' ಪತ್ರಿಕೆ ಸಿಗುತ್ತಿದ್ದಂತೆ ಮಧ್ಯದ ಪುಟಕ್ಕೆ ಸರಸರ ಸರಿಯುತ್ತಾರೆ. ಮಧ್ಯದ ಪುಟದಲ್ಲಿ ಈ ಬಾರಿ ಯಾವ ಕಾಮಿನಿ ದರ್ಶನ ನೀಡಿರಬಹುದು ಎಂಬ ಕುತೂಹಲ ಓದುಗನದು.

ಗ್ಯಾಲರಿ: ಶೆರ್ಲಿನ್ ಚೋಪ್ರಾ

ಪತ್ರಿಕೆಗಾಗಿ ನಡೆದ ಫೋಟೋ ಶೂಟ್ ದೃಶ್ಯಗಳನ್ನು ನೀವಿಲ್ಲಿ ಕಾಣಬಹುದು. ಈ ಫೋಟೋಗಳನ್ನು ತನ್ನ ಟ್ವಿಟ್ಟರ್ ಖಾತೆಯಲ್ಲಿ ಹಾಕುವ ಮೂಲಕ ಪಡ್ಡೆಗಳ ಬಿಪಿ ರೈಸ್ ಮಾಡಿದ್ದಾರೆ. ಕೇವಲ ಸ್ವಲ್ಪ ಸಮಯ ಮಾತ್ರ ಈ ಫೋಟೋಗಳನ್ನು ಪ್ರದರ್ಶಿಸಿ ಬಳಿಕ ಡಿಲೀಟ್ ಮಾಡಿದ್ದಾರೆ.

ಆಕೆ ಡಿಲೀಟ್ ಮಾಡುವಷ್ಟರಲ್ಲಾಗಲೆ ಲಕ್ಷಾಂತರ ಪ್ರೇಮಿಗಳು ಈ ಫೋಟೋಗಳನ್ನು ಡೌನ್ ಲೋಡ್ ಮಾಡಿಕೊಂಡಾಗಿತ್ತು. ಈಕೆಯ ಮೂಲ ಹೆಸರು ಮೋನಾ ಚೋಪ್ರಾ. ಹುಟ್ಟಿದ್ದು ಹೈದರಾಬಾದಿನಲ್ಲಿ. ಸ್ಥಳೀಯ ಸ್ಟಾನ್ಲಿ ಶಾಲೆಯಲ್ಲಿ ಎಬಿಸಿಡಿ ಕಲಿತ ಈಕೆ ಅರ್ಧಕ್ಕೆ ವಿದ್ಯಾಭ್ಯಾಸಕ್ಕೆ ತಿಲಾಂಜಲಿ ನೀಡಿದ್ದರು.

ಸಣ್ಣ ಪುಟ್ಟ ಪಾತ್ರಗಳನ್ನು ಮಾಡಿಕೊಂಡಿದ್ದ ಈಕೆಗೆ ಹೇಳಿಕೊಳ್ಳುವಂತಹ ಅವಕಾಶಗಳು ಬರಲಿಲ್ಲ. ಆಲ್ಬಂಗಳನ್ನು ಮಾಡಿ ಪ್ರಚಾರ ಗಿಟ್ಟಿಸಿದರು. ಹಾಟ್ ಫೋಟೋಗಳಿಂದ ಬಾಲಿವುಡ್ ನಿರ್ಮಾಪಕರ ಗಮನಸೆಳೆಯುವ ಪ್ರಯತ್ನ ಮಾಡಿದರು.

ಈಕೆಯ ಆಸ್ತಿಪಾಸ್ತಿಯನ್ನು ನೋಡಿದ ಬಾಲಿವುಡ್ ನಿರ್ಮಾಪಕರು ರತ್ನಗಂಬಳಿ ಹಾಸಿ ಅವಕಾಶ ಕೊಟ್ಟರು. ಅಲ್ಲಿಂದ ಈಕೆ ಹಿಂತಿರುಗಿ ನೋಡಲಿಲ್ಲ. ಈಕೆಯ ಚಿತ್ರಗಳು ಹೇಳಿಕೊಳ್ಳುವಂತಹ ಸದ್ದು ಮಾಡದಿದ್ದರೂ ಈಕೆ ಮಾತ್ರ ಆಗಾಗ ಸದ್ದು ಮಾಡುತ್ತಲೇ ಇದ್ದಾರೆ.

ಈ ಹಿಂದೊಮ್ಮೆ ಶೆರ್ಲಿನ್ ಸಾಮಾಜಿಕ ಜಾಲತಾಣ ಟ್ವಿಟ್ಟರ್ ನಲ್ಲಿ ತಮ್ಮದೇ ಆದ ನಗ್ನ ಫೋಟೋವನ್ನು ತೇಲಿಬಿಟ್ಟಿದ್ದರು. ನನ್ನ ಸಂಗ್ರಹಲ್ಲಿದ್ದ ಫೋಟೋವನ್ನು ಗೆಳೆಯರು ಹಾಗೂ ಅಭಿಮಾನಿಗಳ ಜೊತೆ ಹಂಚಿಕೊಳ್ಳಬೇಕು ಅನ್ನಿಸಿತು ಹಾಗಾಗಿ ಟ್ವಿಟ್ಟರ್ ನಲ್ಲಿ ಫೋಟೋ ಹಾಕಿದ್ದೇನೆ ಎಂದಿದ್ದರು ಶೆರ್ಲಿನ್.(ಏಜೆನ್ಸೀಸ್)