ಬಾಲಿವುಡ್ ನಟಿ ಶಿಲ್ಪಾ ಶೆಟ್ಟಿ ಮನೆಯಲ್ಲಿ ಗಣೇಶ ಸಂಭ್ರಮ

ಕೊರೊನಾ ವೈರಸ್ ನಡುವೆಯೂ ಗಣೇಶ ಚತುರ್ಥಿ ಹಬ್ಬವನ್ನು ಆಚರಿಸಲು ಮುಂಬೈ ನಗರ ಸಜ್ಜಾಗುತ್ತಿದೆ. ಬಾಲಿವುಡ್‌ನಲ್ಲಿ ಈ ಸಂಭ್ರಮ ಶುರುವಾಗಿದೆ. ಬಾಲಿವುಡ್ ನಟಿ ಶಿಲ್ಪಾ ಶೆಟ್ಟಿ ಎರಡು ದಿನ ಮುಂಚೆಯೇ ಗಣೇಶ ವಿಗ್ರಹವನ್ನು ಮನೆಗೆ ತೆಗೆದುಕೊಂಡಿದ್ದಾರೆ.

Recommended Video

ಗಣೇಶನ ವಿಗ್ರಹವನ್ನು ತೆಗೆದುಕೊಂಡು ಹೋಗಲು ಸ್ವತಃ ಶಿಲ್ಪಾ ಶೆಟ್ಟಿ ಅವರೇ ಹೋಗಿದ್ದರು. ಗುಲಾಬಿ ಮತ್ತು ಹಳದಿ ಬಣ್ಣದ ಸಾಂಪ್ರದಾಯಿಕ ಬಟ್ಟೆ ಧರಿಸಿದ್ದರು. ಕೊರೊನಾ ಭೀತಿಯಿಂದ ಮಾಸ್ಕ್ ಮತ್ತು ಗ್ಲೌಸ್ ಸಹ ತೊಟ್ಟಿದ್ದರು.

ಶಿಲ್ಪಾ ಶೆಟ್ಟಿ ಕುಟುಂಬಕ್ಕೆ ಈ ವರ್ಷದ ಗಣೇಶ ಹಬ್ಬ ವಿಶೇಷವಾಗಿರಲಿದೆ. ಏಕಂದ್ರೆ, ಶಿಲ್ಪಾ ಶೆಟ್ಟಿಯ ಮಗಳು ಸಮೀಷಾಗೆ ಇದು ಮೊದಲ ಗಣೇಶ ಹಬ್ಬ. ಹಾಗಾಗಿ, ಮನೆಯಲ್ಲಿ ಸಂಭ್ರಮ ಸ್ವಲ್ಪ ಜೋರಾಗಿರಲಿದೆ.

ಪ್ರತಿ ವರ್ಷ ಶಿಲ್ಪಾ, ಅವರ ಪತಿ ರಾಜ್ ಕುಂದ್ರಾ ಮತ್ತು ಮಗ ವಿಯಾನ್ ಗಣೇಶ ಚತುರ್ಥಿಯನ್ನು ಆಚರಿಸುತ್ತಿದ್ದರು. ಇನ್ನು ಕಳೆದ ವರ್ಷ ಶಿಲ್ಪಾ ಶೆಟ್ಟಿ, ಪತಿ ಹಾಗೂ ಮಗ ಮುಂಬೈನ ನಿವಾಸದಲ್ಲಿ ಆಚರಿಸಿದ್ದನ್ನು ಸ್ಮರಿಸಬಹುದು.