ಪತಿ ಪರ ನಿಂತ ಶಿಲ್ಪಾ: ಕುಂದ್ರಾ ನಿರ್ಮಿಸಿದ್ದು ಅಶ್ಲೀಲ ವಿಡಿಯೋಗಳಲ್ಲ ಎಂದ ನಟಿ

ಉದ್ಯಮದ ಪಾಲುದಾರಳಲ್ಲ ಎಂದ ಶಿಲ್ಪಾ ಶೆಟ್ಟಿ

ರಾಜ್ ಕುಂದ್ರಾ ಎರೊಟಿಕಾ ಮಾದರಿಯ ವಿಡಿಯೋ ನಿರ್ಮಾಣ ಮಾಡುತ್ತಿರುವ ವಿಷಯ ನನಗೆ ತಿಳಿದಿತ್ತು ಎಂದು ಸಹ ಶಿಲ್ಪಾ ಶೆಟ್ಟಿ ಹೇಳಿದ್ದಾರೆ. ಆದರೆ ಆ ಉದ್ಯಮಕ್ಕೆ ನಾನು ಪಾಲುದಾರಳಾಗಿರಲಿಲ್ಲ ಎಂದು ಸಹ ತಿಳಿಸಿದ್ದಾರೆ ಶಿಲ್ಪಾ ಶೆಟ್ಟಿ.

ಹಲವು ಒಟಿಟಿಗಳು, Appಗಳು ಸಾಫ್ಟ್ ಪೋರ್ನ್ ವಿಡಿಯೋ ಒದಗಿಸುತ್ತವೆ

ಸಾಫ್ಟ್ ಪೋರ್ನ್ ಮಾದರಿಯ ವಿಡಿಯೋಗಳನ್ನು ಒದಗಿಸುವ ಹಲವಾರು ಆಪ್‌ಗಳು ಭಾರತದಲ್ಲಿ ಕಾರ್ಯ ನಿರ್ವಹಿಸುತ್ತಿವೆ. ಆಲ್ಟ್ ಬಾಲಾಜಿ ಎಂಬ ಒಟಿಟಿ ಇದೇ ರೀತಿಯ ಕಂಟೆಂಟ್‌ಗಳಿಗೆ ಜನಪ್ರಿಯವಾಗಿದೆ. ಕಾನೂನಿನ ಪ್ರಕಾರವು ಈ ರೀತಿಯ ವಿಡಿಯೋಗಳ ನಿರ್ಮಾಣ ಹಾಗೂ ಮಾರಾಟ ತಪ್ಪಲ್ಲ. ಆದರೆ ಪೋರ್ನ್ ವಿಡಿಯೋ ನಿರ್ಮಾಣ ಹಾಗೂ ಮಾರಾಟ ಶಿಕ್ಷಾರ್ಹ ಅಪರಾಧವಾಗಿದೆ.

ವಂಚನೆ ಪ್ರಕರಣ ಸಹ ದಾಖಲಾಗಿದೆ

ರಾಜ್‌ ಕುಂದ್ರಾ ಮೇಲೆ ಕೇವಲ ಅಶ್ಲೀಲ ವಿಡಿಯೋ ನಿರ್ಮಾಣದ ಪ್ರಕರಣ ಮಾತ್ರವೇ ದಾಖಲಾಗಿಲ್ಲ ಅದರ ಜೊತೆಗೆ ವಂಚನೆ ಪ್ರಕರಣವೂ ದಾಖಲಾಗಿದೆ. ಆಡಿಷನ್ ಹೆಸರಲ್ಲಿ ನಟಿಯರ, ಮಾಡೆಲ್‌ಗಳ ಅಶ್ಲೀಲ ವಿಡಿಯೋಗಳನ್ನು ಮಾಡಿ ಅದನ್ನು ಅವರ ಅನುಮತಿಗೆ ವಿರುದ್ಧವಾಗಿ ಮಾರಾಟ ಮಾಡಿದ್ದಾರೆ ಎಂಬ ಆರೋಪವೂ ರಾಜ್ ಕುಂದ್ರಾ ಮೇಲೆ ಇದೆ. ಒಂದೊಮ್ಮೆ ರಾಜ್ ಕುಂದ್ರಾ ಪೋರ್ನ್ ವಿಡಿಯೋ ನಿರ್ಮಾಣ ಮಾಡಿಲ್ಲ, ಕೇವಲ ಸಾಫ್ಟ್ ಪೋರ್ನ್ ವಿಡಿಯೋ ನಿರ್ಮಾಣ ಮಾಡಿದ್ದಾರೆ ಎಂದಾದರೂ ವಂಚನೆ ಪ್ರಕರಣದಲ್ಲಿ ರಾಜ್ ಕುಂದ್ರಾ ಸಿಕ್ಕಿ ಬೀಳುವ ಸಾಧ್ಯತೆ ಇದೆ.

Recommended Video

ಹುಡುಗರನ್ನ ಹೊಗಳಿರೋ ಸಾಂಗ್ ನ ಇದುವರೆಗೂ ಯಾರು ಮಾಡಿಲ್ಲ

ಜುಲೈ 19ರಂದು ರಾಜ್ ಕುಂದ್ರ ಬಂಧನವಾಗಿದೆ

ಜುಲೈ 19 ರಂದು ರಾಜ್ ಕುಂದ್ರಾ ಅನ್ನು ಮುಂಬೈ ಪೊಲೀಸರು ಬಂಧಿಸಿದ್ದಾರೆ. ನ್ಯಾಯಾಲಯವು ರಾಜ್ ಕುಂದ್ರಾ ಅವರನ್ನು ಜುಲೈ 27ರ ವರೆಗೆ ಪೊಲೀಸರ ವಶಕ್ಕೆ ನೀಡಿದೆ. ರಾಜ್ ಕುಂದ್ರಾ ಈ ಅಶ್ಲೀಲ ವಿಡಿಯೋ ಉದ್ಯಮದಿಂದ ದಿನಕ್ಕೆ 6 ರಿಂದ 8 ಲಕ್ಷ ಹಣ ಸಂಪಾದನೆ ಮಾಡುತ್ತಿದ್ದರು ಎನ್ನಲಾಗಿದೆ.