Don't Miss!
- Technology iPhones: ಬೇಕಿತ್ತಾ ಇದೆಲ್ಲ? ನಕಲಿ ಐಫೋನ್ ಮೂಲಕ ಆಪಲ್ಗೆ ಪಂಗನಾಮ ಹಾಕಿದವನಿಗೆ ಜೈಲೂಟ
- News Priyank Kharge Life Threat: ಎನ್ಕೌಂಟರ್ ಮಾಡುವುದಾಗಿ ಪ್ರಿಯಾಂಕ್ ಖರ್ಗೆಗೆ ಜೀವ ಬೆದರಿಕೆ!
- Lifestyle ಮದ್ಯದ ಅಮಲಲ್ಲಿ ತೇಲಾಡುತ್ತಿದ್ದ ಶಿಕ್ಷಕನಿಗೆ ಮಕ್ಕಳಿಂದಲೇ ಚಪ್ಪಲಿ ಏಟು..!
- Finance 2.3 ಲಕ್ಷ ರೂಪಾಯಿಗೆ 9 ನಿಂಬೆಹಣ್ಣು ಹರಾಜು, ಏನಿದರ ವಿಶೇಷತೆ ತಿಳಿಯಿರಿ
- Sports RR vs DC: ಐಪಿಎಲ್ನಲ್ಲಿ ಇತಿಹಾಸ ನಿರ್ಮಿಸಲು ಸಜ್ಜಾದ ರಿಷಭ್ ಪಂತ್
- Automobiles ಬುಕ್ ಮಾಡಿದ ರೈಲಿನ ಸೀಟಿನಲ್ಲಿ ಬೇರೆಯವರು ಕೂತಿದ್ರೆ ಏನ್ ಮಾಡಬೇಕು ಗೊತ್ತಾ? ಸಿಂಪಲ್ ಪರಿಹಾರ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ನಲವತ್ತು ವರ್ಷಗಳ ಬಳಿಕ ಪಾಕಿಸ್ತಾನದಲ್ಲಿ ಬಿಗ್ ಬಿ ಚಿತ್ರ
ಬಾಲಿವುಡ್ ನ ಉತ್ಕೃಷ್ಟ ಚಿತ್ರಗಳಲ್ಲಿ ಒಂದಾಗಿರುವ 'ಶೋಲೆ' ಚಿತ್ರ 40 ವರ್ಷಳ ಬಳಿಕ ಪಾಕಿಸ್ತಾನದಲ್ಲಿ ತೆರೆಕಂಡಿದೆ. ಇದೇ ಶುಕ್ರವಾರ (ಏಪ್ರಿಲ್ 17) ತೆರೆಕಂಡ ಚಿತ್ರಕ್ಕೆ ನಿರೀಕ್ಷಿಸಿದಷ್ಟು ಪ್ರತಿಕ್ರಿಯೆ ವ್ಯಕ್ತವಾಗಿಲ್ಲ. ಈ ಚಿತ್ರ 2D ಮತ್ತು 3D ತಂತ್ರಜ್ಞಾನದಲ್ಲಿ ತೆರೆಕಂಡಿದ್ದು ಮೊದಲ ದಿನ ನೀರಸ ಪ್ರತಿಕ್ರಿಯೆ ಸಿಕ್ಕಿದೆ.
ಬಾಲಿವುಡ್ ನಲ್ಲಿ ಸಾರ್ವಕಾಲಿಕ ದಾಖಲೆಗೆ ಪಾತ್ರವಾದ ಈ ಚಿತ್ರದ ದಾಖಲೆಯನ್ನು ಅಳಿಸುವಂತಹ ಇನ್ನೊಂದು ಬಂದಿಲ್ಲ. ಈಗಲೂ ನಂಬರ್ 1 ಸ್ಥಾನದಲ್ಲೇ ವಿರಾಜಮಾನವಾಗಿ ಕೂತಿದೆ. ಅಮಿತಾಬ್ ಬಚ್ಚನ್, ಅಂಜಾದ್ ಖಾನ್ ಅವರಿಗೆ ರಾತ್ರೋರಾತ್ರಿ ತಾರಾ ಪಟ್ಟವನ್ನು ತಂದುಕೊಟ್ಟಂತಹ ಚಿತ್ರ. [ಕಾರ್ಟೂನ್ ರೂಪದಲ್ಲಿ ಎವರ್ ಗ್ರೀನ್ ಚಿತ್ರ 'ಶೋಲೆ']
ಪಾಕಿಸ್ತಾನದ ಲಾಹೋರ್ ಮತ್ತು ಮುಲ್ತಾನ್ ನ ಕೇವಲ ಮೂರು ಥಿಯೇಟರ್ ಗಳಲ್ಲಿ ಶೋಲೆ ಚಿತ್ರ ಬಿಡುಗಡೆಯಾಗಿದೆ. ಪಂಜಾಬ್ ನ ಅತಿದೊಡ್ಡ ಚಿತ್ರಮಂದಿರ 'ಸಿನಿಸ್ಟಾರ್'ನ ಕಾರ್ಯಕಾರಿ ನಿರ್ದೇಶಕರಾದ ಅಲಿ ಚೌದರಿ ಈ ಚಿತ್ರವನ್ನು ಪಾಕಿಸ್ತಾನದಲ್ಲಿ ಬಿಡುಗಡೆ ಮಾಡಿದ್ದಾರೆ.
ಭಾರತೀಯ ಚಲನಚಿತ್ರ ಇತಿಹಾಸದಲ್ಲಿ ಹೊಸ ಶಕೆ ಆರಂಭಿಸಿದ ಚಿತ್ರ 'ಶೋಲೆ'. 70ರ ದಶಕದಲ್ಲಿ ಭಾರತೀಯ ಚಿತ್ರೋದ್ಯಮದ ಎಲ್ಲ ದಾಖಲೆಗಳನ್ನು ಮುರಿದ ಚಿತ್ರ ಇದಾಗಿತ್ತು. ಅಮಿತಾಬ್ ಬಚ್ಚನ್ ಅವರಿಗೆ ಆಂಗ್ರಿ ಎಂಗ್ ಮ್ಯಾನ್ ಪಟ್ಟ ತಂದುಕೊಟ್ಟಂತಹ ಚಿತ್ರ. ಹೊಸ ಹಾಗೂ ಹಳೆ ತಲೆಮಾರಿನ ಪ್ರೇಕ್ಷರಿಬ್ಬರಿಗೂ ಈ ಚಿತ್ರ ಹಾಟ್ ಫೇವರಿಟ್.
ಅಮಿತಾಬ್ ಬಚ್ಚನ್, ಧರ್ಮೇಂದ್ರ ಅವರ ವೃತ್ತಿ ಜೀವನದಲ್ಲೂ ಶೋಲೆ ಹೊಸ ಮೈಲಿಗಲ್ಲು ಸೃಷ್ಟಿಸಿದ ಚಿತ್ರ. ಅಭಿಮಾನಿಗಳ ಪಾಲಿಗಂತೂ ಈ ಚಿತ್ರ ಇಂದಿಗೂ ಹೊಚ್ಚಹೊಸದಾಗಿಯೇ ಕಾಣುತ್ತದೆ. 40 ವರ್ಷಗಳ ಬಳಿಕ ಪಾಕ್ ನಲ್ಲಿ ಬಿಡುಗಡೆಯಾಗಿದೆ. 'ಫಾಸ್ಟ್ ಅಂಡ್ ಫ್ಯೂರಿಯಸ್ 7' ನಂತಹ ಹಾಲಿವುಡ್ ಚಿತ್ರಗಳ ಜೊತೆಗೆ 'ಶೋಲೆ' ಸ್ಪರ್ಧಿಸಲು ಹೆಣಗಾಡುತ್ತಿದೆ. (ಏಜೆನ್ಸೀಸ್)