ಸೆನ್ಸಾರ್ ಮಂಡಳಿ ಕೆಂಗಣ್ಣಿಗೆ ಗುರಿಯಾದ ಕತ್ರಿನಾ ಕೈಫ್ 'ಬ್ರಾ'

'ಬ್ರಾ'ವನ್ನು ಕೆಕ್ಕರಿಸಿ ನೋಡಿದ ಸೆನ್ಸಾರ್ ಮಂಡಳಿ

'ಉಡ್ತಾ ಪಂಜಾಬ್' ಚಿತ್ರದಲ್ಲಿ ಡ್ರಗ್ಸ್ ಸೆನ್ಸಾರ್ ಮಂಡಳಿ ಕೆಂಗಣ್ಣಿಗೆ ಗುರಿಯಾದ್ರೆ, 'ಬಾರ್ ಬಾರ್ ದೇಖೊ' ಚಿತ್ರದಲ್ಲಿ ಕತ್ರಿನಾ ಹಾಕಿದ್ದ 'ಬ್ರಾ' ಯಾಕೋ ಸೆನ್ಸಾರ್ ಮಂಡಳಿಗೆ ಇಷ್ಟವಾಗಿಲ್ಲವಂತೆ.[ಮಾಜಿ ಪ್ರೇಮಿಗಳಿಗೆ ದಕ್ಕಿದ ವರ್ಷದ ಸುಂದರ-ಸುಂದರಿ ವೋಗ್ ಬ್ಯೂಟಿ ಪ್ರಶಸ್ತಿ]

'ಆ' ದೃಶ್ಯಕ್ಕೆ ಕತ್ತರಿ

'ಬಾರ್ ಬಾರ್ ದೇಖೊ' ಚಿತ್ರದಲ್ಲಿ 'ಬ್ರಾ' ತೋರಿಸುವ ದೃಶ್ಯವೊಂದಿದ್ದು, ಆ ದೃಶ್ಯಕ್ಕೆ ಕತ್ತರಿ ಹಾಕಲು ಸೆನ್ಸಾರ್ ಮಂಡಳಿ ಚಿತ್ರತಂಡಕ್ಕೆ ಸಲಹೆ ನೀಡಿದೆ. ಅಷ್ಟಕ್ಕೂ ಕತ್ರಿನಾ ಹಾಕಿರುವ ಆ 'ಬ್ರಾ'ದಲ್ಲಿ ಅಂತಹ ವಿಶೇಷತೆ ಏನಿದೆ ಅನ್ನೋದು ಸದ್ಯಕ್ಕೆ ಚಿತ್ರತಂಡದ ಮುಂದಿರುವ ಪ್ರಶ್ನೆ.[ಕತ್ರಿನಾ ಕೈಫ್ 33: ಏಳು-ಬೀಳುಗಳ ಜರ್ನಿಯ ಬಗ್ಗೆ ಒಂದಿಷ್ಟು]

ಸಮಸ್ಯೆ ತಂದೊಡ್ಡಿದ 'ಸವಿತಾ ಭಾಬಿ'

ಚಿತ್ರದಲ್ಲಿ ಎಲ್ಲೋ ಒಂದು ಕಡೆ ಪ್ರೇಕ್ಷಕರಲ್ಲಿ ಅಶ್ಲೀಲ ಭಾವ ಮೂಡಿಸುವ 'ಸವಿತಾ ಭಾಬಿ' ಎಂಬ ಪೋರ್ನ್ ಗ್ರಾಫಿಕ್ಸ್ ಮಹಿಳೆಯ ಹೆಸರನ್ನು ಬಳಸಿರೋದು ಯಾಕೋ ಸೆನ್ಸಾರ್ ಮಂಡಳಿಗೆ ಸರಿ ಕಾಣಲಿಲ್ಲ. ಆದ್ದರಿಂದ ಆ ದೃಶ್ಯಕ್ಕೆ ಹಾಗೂ ಪದಕ್ಕೆ ಕತ್ತರಿ ಪ್ರಯೋಗ ಮಾಡಲು ಸೆನ್ಸಾರ್ ಮಂಡಳಿ ಸೂಚಿಸಿದೆ.

ಚಿತ್ರಕ್ಕೆ 'ಯು/ಎ' ಪ್ರಮಾಣಪತ್ರ

'ಬ್ರಾ' ಮತ್ತು 'ಸವಿತಾ ಭಾಬಿ' ಎರಡು ವಿಚಾರಕ್ಕೆ ಕತ್ತರಿ ಹಾಕಿ ನಂತರ ಸಿನಿಮಾ ರಿಲೀಸ್ ಮಾಡಿ ಅಂತ ಸೆನ್ಸಾರ್ ಮಂಡಳಿ 'ಯು/ಎ' ಪ್ರಮಾಣ ಪತ್ರ ನೀಡಿದೆ ಕಳುಹಿಸಿದೆ.

ಗರಂ ಆದ ಚಿತ್ರತಂಡ

ಸೆನ್ಸಾರ್ ಮಂಡಳಿಯ ಈ ಧೋರಣೆಗೆ ಚಿತ್ರತಂಡ ಕೊಂಚ ಗರಂ ಆಗಿದೆ. ಮಹಿಳೆಯರ ಒಳ ಉಡುಪಾದ 'ಬ್ರಾ' ತೋರಿಸುವುದರಲ್ಲಿ ಅಂತಹ ತಪ್ಪೇನಿದೆ?, ಸೆನ್ಸಾರ್ ಮಂಡಳಿ ಇನ್ನೂ ಪುರಾತನ ಕಾಲದಲ್ಲಿಯೇ ಬದುಕುತ್ತಿದೆ ಎಂದು ಚಿತ್ರತಂಡ ಸೆನ್ಸಾರ್ ಮಂಡಳಿ ವಿರುದ್ಧ ಕಿಡಿಕಾರಿದೆ.

ಕಾಜೋಲ್ ತೋರಿಸಿರಲಿಲ್ಲವೇ.?

ಈ ಮೊದಲು 1995 ರಲ್ಲಿ ಬಿಡುಗಡೆ ಆದ ಶಾರುಖ್ ಖಾನ್ ಮತ್ತು ಕಾಜೋಲ್ ನಟಿಸಿದ 'ದಿಲ್ ವಾಲೆ ದುಲ್ಹನಿಯಾ ಲೇ ಜಾಯೆಂಗೆ' ಚಿತ್ರದಲ್ಲಿ ಕೂಡ ಕಾಜೋಲ್ ಅವರು 'ಬ್ರಾ' ತೋರಿಸುವ ದೃಶ್ಯ ಇತ್ತು. ಆದರೆ ನಮ್ಮ ಚಿತ್ರಕ್ಕೆ ಕತ್ತರಿ ಪ್ರಯೋಗ ಮಾಡಲು ಹೇಳಿದ್ದು ಎಷ್ಟು ಸರಿ, ಎಂದು ಚಿತ್ರತಂಡ ಸೆನ್ಸಾರ್ ಮಂಡಳಿ ವಿರುದ್ಧ ಉರಿದು ಬಿದ್ದಿದೆ.

ಟ್ವಿಟ್ಟರ್ ಸವಿತಾ ಭಾಬಿ ಟ್ರೆಂಡ್

'ಬಾರ್ ಬಾರ್ ದೇಖೊ' ಚಿತ್ರದ ಸೆನ್ಸಾರ್ ಸಮಸ್ಯೆಯಿಂದ ಟ್ವಿಟ್ಟರ್ ನಲ್ಲಿ ಸವಿತಾ ಭಾಬಿ ಫುಲ್ ಟ್ರೆಂಡ್ ಆಗಿದ್ದಾರೆ. ಎಲ್ಲರೂ ಟ್ವಿಟ್ಟರ್ ತುಂಬಾ ಸವಿತಾ ಭಾಬಿ ಬಗ್ಗೆನೇ ಮಾತು-ಕತೆ ನಡೆಸಿದ್ದಾರೆ.

ಮುಂದಿನ ವಾರ ರಿಲೀಸ್

ನಿತ್ಯಾ ಮೆಹ್ರಾ ನಿರ್ದೇಶನದ 'ಬಾರ್ ಬಾರ್ ದೇಖೊ' ಮುಂದಿನ ವಾರ (ಸೆಪ್ಟೆಂಬರ್ 9) ದಂದು ಎಲ್ಲಾ ಕಡೆ ಗ್ರ್ಯಾಂಡ್ ಆಗಿ ತೆರೆ ಕಾಣಲಿದೆ. ಈಗಾಗಲೆ ಚಿತ್ರದ 'ಕಾಲಾ ಚಷ್ಮಾ' ಹಾಡು ಸಖತ್ ರೆಸ್ಪಾನ್ಸ್ ಗಿಟ್ಟಿಸಿಕೊಂಡಿದೆ.