'ಸಾಹೋ' ನಾಯಕಿಯ ಸಂಭಾವನೆ ಕಂಡು ಸೌತ್ ನಟಿಯರು ಉರಿದು ಬೀಳುತ್ತಿದ್ದಾರೆ.!

'ಸಾಹೋ'ಗೆ ನಾಯಕಿ ಸಿಕ್ಕಾಯ್ತು

ಪ್ರಭಾಸ್ ಅಭಿನಯಿಸುತ್ತಿರುವ 'ಸಾಹೋ' ಚಿತ್ರಕ್ಕೆ ನಾಯಕಿಯ ಆಯ್ಕೆ ಅಂತಿಮವಾಗಿದೆ. ಈ ಮೂಲಕ ಅನುಷ್ಕಾ ಶೆಟ್ಟಿ ಜಾಗವನ್ನ ತುಂಬಲು ಬಾಲಿವುಡ್ ಸುಂದರಿಯ ಆಗಮನವಾಗಿದೆ.

ಪ್ರಭಾಸ್ ಜೊತೆ ಶ್ರದ್ಧಾ ಡ್ಯುಯೆಟ್

'ಸಾಹೋ' ಚಿತ್ರದಲ್ಲಿ ನಟ ಪ್ರಭಾಸ್ ಜೊತೆ ಬಾಲಿವುಡ್ ಸುಂದರಿ ಶ್ರದ್ಧಾ ಕಪೂರ್ ಜೋಡಿಯಾಗಲಿದ್ದಾರೆ. ಈ ಸುದ್ದಿ ಅಧಿಕೃತವೆಂದು ತೆಲುಗು ಹಾಗೂ ಹಿಂದಿ ಪತ್ರಿಕೆಗಳು ವರದಿ ಮಾಡಿವೆ.

ಶ್ರದ್ಧಾ ಸಂಭಾವನೆ ಎಷ್ಟು?

ಶ್ರದ್ಧಾ ಕಪೂರ್ 'ಸಾಹೋ' ಚಿತ್ರದಲ್ಲಿ ನಟಿಸಲು ದೊಡ್ಡ ಮೊತ್ತವನ್ನ ಸಂಭಾವನೆಯಾಗಿ ನೀಡಲಾಗಿದೆಯಂತೆ. ಇದುವರೆಗೂ ದಕ್ಷಿಣ ಭಾರತದ ನಟಿಯರ ಪೈಕಿ ಯಾರೋಬ್ಬರಿಗೂ ಇಷ್ಟೊಂದು ಮೊತ್ತ ನೀಡಿಲ್ಲವಂತೆ. ಹೌದು, ಶ್ರದ್ಧಾಗೆ ಈ ಚಿತ್ರಕ್ಕಾಗಿ 6 ಕೋಟಿ ಸಂಭಾವನೆ ನೀಡಲಾಗುತ್ತಿದೆಯಂತೆ. ಈ ವಿಷ್ಯ ಕೇಳಿದ ಸೌತ್ ನಟಿಯರು ಉರಿದು ಬೀಳುತ್ತಿದ್ದಾರೆ.

ಶ್ರದ್ಧಾಗೂ ಮೊದಲಿದ್ದ ನಟಿಯರು

ಶ್ರದ್ಧಾ ಕಪೂರ್ ಗೂ ಮೊದಲೂ ಈ ಚಿತ್ರದಲ್ಲಿ ಅನುಷ್ಕಾ ಶೆಟ್ಟಿ ಅಭಿನಯಿಸಬೇಕಿತ್ತು. ಆದ್ರೆ, ಕಾರಣಾಂತರಗಳಿಂದ ಈ ಚಿತ್ರದಿಂದ ಅನುಷ್ಕಾ ಹಿಂದೆ ಸರಿದರು. ನಂತರ ಕತ್ರಿನಾ ಕೈಫ್, ಪೂಜಾ ಹೆಗಡೆ, ರಕುಲ್ ಪ್ರೀತ್ ಸಿಂಗ್ ಹೆಸರು ಕೇಳಿ ಬಂದಿತಾದರೂ ಅಂತಿಮವಾಗಿರಲಿಲ್ಲ. ಈಗ ಶ್ರದ್ಧಾ ಕಪೂರ್ ಗೆ ಅವಕಾಶ ಸಿಕ್ಕಿದೆ.

ತೆಲುಗು-ಹಿಂದಿಯಲ್ಲಿ 'ಸಾಹೋ'

ಅಂದ್ಹಾಗೆ, ಸಾಹೋ ಚಿತ್ರ ತೆಲುಗು ಮತ್ತು ಹಿಂದಿಯಲ್ಲಿ ಏಕಕಾಲದಲ್ಲಿ ತಯಾರಾಗುತ್ತಿದೆ. ಇನ್ನು ಸಾಹೋ ಪ್ರಭಾಸ್ ಅಧಿಕೃತವಾಗಿ ಅಭಿನಯದ ಮೊದಲ ಹಿಂದಿ ಸಿನಿಮಾ ಎನ್ನಲಾಗುತ್ತಿದೆ. ಸುಜಿತ್ ಈ ಚಿತ್ರವನ್ನ ನಿರ್ದೇಶನ ಮಾಡುತ್ತಿದ್ದಾರೆ.