'ಒಂದು ರಾತ್ರಿ ಕಾಂಪ್ರಮೈಸ್ ಆಗು' ಎಂದ ನಿರ್ಮಾಪಕನಿಗೆ ಚಳಿ ಬಿಡಿಸಿದ್ದ ನಟಿ ಶ್ರುತಿ ಮರಾಠೆ

ಮಂಚಕ್ಕೆ ಕರೆದಿದ್ದ ಆ ನಿರ್ಮಾಪಕ ಯಾರು?

16 ವರ್ಷದಿಂದ ಚಿತ್ರರಂಗದಲ್ಲಿ ತೊಡಗಿಕೊಂಡಿರುವ ಶ್ರುತಿ ಮರಾಠೆ ಅವರಿಗೆ ನಿರ್ಮಾಪಕನೊಬ್ಬ ಸಿನಿಮಾದಲ್ಲಿ ನಾಯಕಿ ಪಾತ್ರ ನೀಡುತ್ತೇನೆ ಆದ್ರೆ, ನೀನು ನನ್ನ ಜೊತೆ ಕಾಂಪ್ರಮೈಸ್ ಆಗಬೇಕು, ಒಂದು ರಾತ್ರಿ ನನ್ನ ಜೊತೆ ಮಲಗಬೇಕು' ಎಂದು ಕೇಳಿದ್ದನಂತೆ. ಆದ್ರೆ, ಆ ನಿರ್ಮಾಪಕ ಯಾರು ಎಂದು ಹೆಸರು ಹೇಳಿಲ್ಲ. ಮರಾಠಿ, ಕನ್ನಡ, ತಮಿಳು ಸಿನಿಮಾದಲ್ಲಿ ನಟಿಸಿರುವ ಶ್ರುತಿ ಮರಾಠೆ ಈ ವಿಷ್ಯವನ್ನೀಗ ಕಾರ್ಯಕ್ರಮವೊಂದರಲ್ಲಿ ಬಹಿರಂಗಪಡಿಸಿದ್ದಾರೆ.

ಆತನಿಗೆ ಚಳಿ ಬಿಡಿಸಿದ್ದ ಶ್ರುತಿ

ಆಮಿಷ ತೋರಿದ ಆ ನಿರ್ಮಾಪಕನಿಗೆ ಶ್ರುತಿ ಮರಾಠೆ ಸರಿಯಾಗಿ ತಿರುಗೇಟು ನೀಡಿದ್ರಂತೆ. ''ನಾನು ನಿನ್ನ ಜೊತೆ ಮಲಗಿದರೇ ಹೀರೋಯಿನ್ ಮಾಡ್ತಿಯಾ, ಹಾಗಾದ್ರೆ, ನಿನ್ನ ಜೊತೆ ಮುಲಗುವ ಯಾರನ್ನ ಹೀರೋ.....'' ಎಂದು ಪ್ರಶ್ನಿಸಿದ್ದರಂತೆ. ಇದರಿಂದ ಒಂದು ಕ್ಷಣ ಆ ನಿರ್ಮಾಪಕ ಕಂಗಾಲಾದನು ಎಂದು ಶ್ರುತಿ ಹೇಳಿಕೊಂಡಿದ್ದಾರೆ.

ಆಪ್ತರ ಬಳಿ ಅಳಲು ತೊಡಿಕೊಂಡ ನಟಿ

ನಂತರ ಈ ವಿಷ್ಯವನ್ನ ತನ್ನ ಆಪ್ತರ ಬಳಿ ಹೇಳಿಕೊಂಡರಂತೆ. ಈ ಪ್ರಾಜೆಕ್ಟ್ ಬಿಟ್ಟುಬಿಡು ಎಂದು ಸ್ನೇಹಿತರು ಸಲಹೆ ನೀಡಿದ ಬಳಿಕ, ಸುಮ್ಮನಾದರಂತೆ. ತಮ್ಮ ಸಿನಿ ಜರ್ನಿಯಲ್ಲಿ ತಾನು ಅನುಭವಿಸಿದ ಇಂತಹ ಕೆಲವು ಘಟನೆಗಳ ಬಗ್ಗೆಯೂ ನಟಿ ಶ್ರುತಿ ಮರಾಠೆ ಹೇಳಿಕೊಂಡಿದ್ದಾರೆ. ಧೈರ್ಯದಿಂದ ಇಂತಹ ಸಂಕಷ್ಟಗಳನ್ನ ಎದುರಿಸಿ ಮುನ್ನುಗ್ಗುವಂತಹ ಸ್ಥಿತಿಯನ್ನ ಎಲ್ಲ ಮಹಿಳೆಯರ ಹೊಂದಿರಬೇಕು ಎಂದು ಕೂಡ ಸಲಹೆ ನೀಡಿದ್ದಾರೆ.

ಕನ್ನಡದಲ್ಲೂ ನಟಿಸಿದ್ದಾರೆ ಶ್ರುತಿ ಮರಾಠೆ

32 ವರ್ಷದ ಶ್ರುತಿ ಮರಾಠೆ, ತಾನು 16ನೇ ವಯಸ್ಸಿನಲ್ಲಿದ್ದಾಗಲೇ ಬಣ್ಣದ ಲೋಕಕ್ಕೆ ಕಾಲಿಟ್ಟಿದ್ದರಂತೆ. ಮರಾಠಿ, ತಮಿಳು, ಹಿಂದಿ ಹಾಗೂ ಕನ್ನಡದ ಒಂದು ಸಿನಿಮಾದಲ್ಲಿ ನಟಿಸಿದ್ದಾರೆ. 2017ರಲ್ಲಿ ತೆರೆಕಂಡಿದ್ದ 'ಆಡು ಆಟ ಆಡೂ' ಎಂಬ ಕನ್ನಡ ಸಿನಿಮಾದಲ್ಲಿ ಶ್ರುತಿ ನಾಯಕಿಯಾಗಿ ಅಭಿನಯಿಸಿದ್ದಾರೆ.