ಐಶ್ವರ್ಯಾ ರೈ ಅವರ ಈ ವರ್ತನೆ ಬಗ್ಗೆ ಅಸಮಾಧಾನ ಹೊರಹಾಕಿದ ಅಮಿತಾಬ್ ಬಚ್ಚನ್ ಪುತ್ರಿ ಶ್ವೇತಾ

ಐಶ್ವರ್ಯಾ ಅವರ ಈ ಗುಣ ಅವರ ಅತ್ತಿಗೆ ಇಷ್ಟವಿಲ್ಲವಂತೆ

ಐಶ್ವರ್ಯಾ ರೈ ಅವರ ಕೆಲವು ಗುಣಗಳು ಶ್ವೇತಾ ನಂದ ಅವರಿಗೆ ಇಷ್ಟವಾಗುವುದಿಲ್ಲವಂತೆ. ಈ ಬಗ್ಗೆ ಶ್ವೇತಾ ಬಹಿರಂಗ ಪಡಿಸಿದ್ದಾರೆ. ಐಶ್ವರ್ಯೈ ರೈ ಅವರ ಫೋನ್ ಮತ್ತು ಮೆಸೇಜ್ ಗಳ ಬಗ್ಗೆ ಶ್ವೇತಾ ಅವರಿಗೆ ಹೆಚ್ಚು ಅಸಮಾಧಾನ ಇರುವುದಾಗಿ ಹೇಳಿಕೊಂಡಿದ್ದಾರೆ.

ಫೋನ್ ಮತ್ತು ಮೆಸೇಜ್ ಗಳ ಬಗ್ಗೆ ಅಸಮಾಧಾನ

ಐಶ್ವರ್ಯ ರೈ ಅವರಲ್ಲಿ ನಿಮಗೆ ಇಷ್ಟವಾಗದ ಗುಣ ಯಾವುದು? ಎಂದು ಕರಣ್ ಜೋಹರ್ ಕೇಳಿದ ಪ್ರಶ್ನೆಗೆ ಶ್ವೇತಾ, 'ನಮ್ಮ ಫೋನ್ ಕರೆಗಳಿಗೆ ಮತ್ತು ಮಸೇಜ್ ಗಳಿಗೆ ಪ್ರತಿಕ್ರಿಯೆ ನೀಡಲು ತುಂಬಾ ಸಮಯ ತೆಗೆದುಕೊಳ್ಳುತ್ತಾರೆ. ಅದನ್ನು ನಾನು ದ್ವೇಷಿಸುತ್ತೇನೆ' ಎಂದು ಹೇಳಿದ್ದಾರೆ.

ಐಶ್ವರ್ಯಾ ಒಳ್ಳೆಯ ತಾಯಿ ಎಂದ ಶ್ವೇತಾ

ಅಂದಹಾಗೆ ಐಶ್ವರ್ಯಾ ಅವರನ್ನು ತುಂಬಾ ಇಷ್ಟಪಡುತ್ತಾರೆ ಶ್ವೇತಾ. ಅದೇ ಸಮಯದಲ್ಲಿ ತನ್ನ ನಾದಿನಿಯನ್ನು ಹಾಡಿ ಹೊಗಳಿದ್ದಾರೆ ಶ್ವೇತಾ. ಐಶ್ವರ್ಯಾ ಅವರು ಕುಟುಂಬವನ್ನು ತುಂಬಾ ಪ್ರೀತಿಸುತ್ತಾರೆ ಎಂದಿದ್ದಾರೆ. ಐಶ್ವರ್ಯಾ ತನ್ನ ಪ್ರತಿಭೆ ಮತ್ತು ಕಠಿಣ ಪರಿಶ್ರಮದಿಂದ ಬೆಳೆದು ಬಂದಿದ್ದಾರೆ. ಅವರು ಸ್ವಾವಲಂಬಿ ಮತ್ತು ತುಂಬಾ ಸ್ಟ್ರಾಂಗ್ ಮಹಿಳೆ ಮತ್ತು ಒಳ್ಳೆಯ ತಾಯಿ ಎಂದು ಹಾಡಿ ಹೊಗಳಿದ್ದಾರೆ.

Recommended Video

ಸಂಜಯ್ ದತ್ ದಾಂಪತ್ಯದಲ್ಲಿ ಮತ್ತೆ ಬಿರುಕು ಮೂಡಿದ್ಯಾ..? | Sanjay Dutt | Manyata Sanjay Dutt

ನಾನೀಗ ಎಲ್ಲಿದ್ದೇನೋ ಅಲ್ಲಿ ಸಂತೋಷವಾಗಿದ್ದೀನಿ- ಶ್ವೇತಾ

ಅಮಿತಾಬ್ ಬಚ್ಚನ್ ಪುತ್ರಿ ಶ್ವೇತಾ ಫ್ಯಾಷನ್ ಡಿಸೈನರ್ ಆಗಿ ಗುರುತಿಸಿ ಕೊಂಡಿದ್ದಾರೆ. ಕ್ಯಾಮರಾಗಳಿಗೆ ಭಯ ಪಡುತ್ತೇನೆ ಎಂದು ಹೇಳಿದ್ದರು. ಸಿನಿಮಾದಲ್ಲಿ ನಟಿಸುವ ಬಗ್ಗೆ ಮಾತನಾಡಿದ್ದ ಶ್ವೇತಾ, 'ನಾನು ನಾಯಕಿಯಾಗುವ ಮುಖ ಮತ್ತು ಪ್ರತಿಭೆ ಹೊಂದಿದ್ದೇನೆ ಎಂದು ನಾನು ಭಾವಿಸಿಲ್ಲ. ನಾನು ಈಗ ಎಲ್ಲಿದ್ದೇನೋ ಅಲ್ಲಿ ಸಂತಸದಿಂದ ಇದ್ದೀನಿ' ಎಂದು ಹೇಳಿದ್ದಾರೆ.