ನಟಿ ಶ್ವೇತಾ ಮೇಲೆ ಮಗು ಅಪಹರಣದ ಆರೋಪ ಹೊರಿಸಿದ ಎರಡನೇ ಪತಿ

'ಅಕ್ಟೋಬರ್ 25 ರಂದು ಕರೆದುಕೊಂಡು ಹೋಗಿದ್ದಾಳೆ'

ಶ್ವೇತಾ ಗೆ ಕೊರೊನಾ ವೈರಸ್ ಆಗಿದ್ದ ಕಾರಣ ರಿಯಾಂಶ್ ಕಳೆದ ನಲವತ್ತು ದಿನಗಳಿಂದಲೂ ನನ್ನ ಜೊತೆಗೆ ಇದ್ದ. ಆದರೆ ಕಳೆದ ಭಾನುವಾರ ಅಕ್ಟೋಬರ್ 25 ರಂದು ಅವನನ್ನು ಇದ್ದಕ್ಕಿದ್ದಂತೆ ಶ್ವೇತಾ ಕರೆದುಕೊಂಡು ಹೋಗಿದ್ದಾಳೆ. ಆತ ಈಗ ಎಲ್ಲಿದ್ದಾನೋ ಗೊತ್ತಿಲ್ಲ ಎಂದಿದ್ದಾರೆ ಅಭಿನವ್ ಕೊಹ್ಲಿ.

ಶ್ವೇತಾ ತಿವಾರಿ ಎಲ್ಲಿದ್ದಾಳೆಯೋ ಗೊತ್ತಿಲ್ಲ: ಅಭಿನವ್

ಕಳೆದ ಭಾನುವಾರದಿಂದ ಶ್ವೇತಾ ತಿವಾರಿಯನ್ನು ಸಂಪರ್ಕಿಸಲು ಯತ್ನಿಸುತ್ತಿದ್ದೇನೆ, ಆದರೆ ಆಕೆ ನನ್ನ ಕರೆಗಳನ್ನು ಬ್ಲಾಕ್ ಮಾಡಿದ್ದಾಳೆ. ಆಕೆಯ ಮನೆಗೂ ನಾನು ಭೇಟಿ ನೀಡಿದ್ದೆ, ಅಲ್ಲಿಯೂ ಆಕೆ ಇಲ್ಲ, ನನ್ನ ಸಂಪರ್ಕಕ್ಕೂ ಆಕೆ ಸಿಗುತ್ತಿಲ್ಲ ಎಂದಿದ್ದಾರೆ ಅಭಿನವ್ ಕೊಹ್ಲಿ.

ರಾಜಾ ಚೌಧರಿಯೊಂದಿಗೆ ವಿವಾಹ

ನಟಿ ಶ್ವೇತಾ ತಿವಾರಿ 1998 ರಲ್ಲಿ ರಾಜಾ ಚೌಧರಿ ಎಂಬುವರನ್ನು ವಿವಾಹವಾಗಿದ್ದರು ಆತನೊಂದಿಗೆ ಹೆಣ್ಣು ಮಗುವನ್ನು ಸಹ ಪಡೆದರು. ಕುಡಿತದ ದಾಸನಾಗಿದ್ದ ರಾಜಾ ಚೌಧರಿ, ಶ್ವೇತಾ ಮೇಲೆ ಗೃಹ ದೌರ್ಜನ್ಯ ಸಹ ಮಾಡುತ್ತಿದ್ದ ಹಾಗಾಗಿ ಆತನೊಟ್ಟಿಗೆ 2007 ರಲ್ಲಿ ವಿಚ್ಛೇಧನ ಪಡೆದರು ಶ್ವೇತಾ.

Recommended Video

Shivanna, Prabhudeva ಬಿಗ್ ಬಜೆಟ್ ಸಿನಿಮಾಗೆ ಭಟ್ಟರ ಸಾರಥ್ಯ | Filmibeat Kannada

ಅಭಿನವ್‌ ಜೊತೆ 2013 ರಲ್ಲಿ ವಿವಾಹ

ನಂತರ ನಟ ಅಭಿನವ್ ಕೊಹ್ಲಿಯನ್ನು 2013 ರಲ್ಲಿ ವಿವಾಹವಾದರು. ಮೂರು ವರ್ಷ ದಾಂಪತ್ಯದ ನಂತರ ಅಭಿನವ್, ತನ್ನ ಹಾಗೂ ಮಗಳು ಪಲಕ್ ಮೇಲೆ ದೌಜನ್ಯ ಎಸಗಿದ್ದಾರೆ ಎಂದು ದೂರು ನೀಡಿ ಆತನಿಂದಲೂ ವಿಚ್ಛೇಧನ ಪಡೆದರು.