Don't Miss!
- News Everest Fish Curry Masala: ಎವರೆಸ್ಟ್ ಫಿಶ್ ಕರಿ ಮಸಾಲೆ ಬ್ಯಾನ್: ಕಾರಣ ಇಲ್ಲಿದೆ
- Lifestyle ನೀವು ಸಹ ಈ ಶರ್ಬತ್ನ ರುಚಿ ಸವಿದಿದ್ದೀರಾ..? ಮರೆಯಾಯ್ತು ಈ ಹಳೆಯ ನೆನಪು
- Automobiles ಕಂಪನಿಗೆ 140ರ ಸಂಭ್ರಮ: ಕೇವಲ 140 ವಿಶೇಷ ಆವೃತ್ತಿಗಳು ನಿರ್ಮಾಣ: ಬುಕಿಂಗ್ ಆರಂಭ
- Sports LSG vs CSK IPL 2024: ಲಕ್ನೋ vs ಚೆನ್ನೈ ಮಹಾಕದನ; ಟಾಸ್ ವರದಿ, ಆಡುವ 11ರ ಬಳಗ
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
Lucky Ali on Halal Row: ಹಲಾಲ್ ಮಾಂಸ ಮುಸ್ಲಿಮೇತರರಿಗೆ ಅಲ್ಲ: ಗಾಯಕ ಲಕ್ಕಿ ಅಲಿ
ರಾಜ್ಯದಲ್ಲಿ ಆರಂಭವಾದ ಹಲಾಲ್ ಮಾಂಸದ ವಿರುದ್ಧ ಅಭಿಯಾನ ದೇಶದೆಲ್ಲೆಡೆ ವ್ಯಾಪಿಸಿದ್ದು, ಈ ವಿಷಯಕ್ಕೆ ಸಂಬಂಧಿಸಿದಂತೆ ಖ್ಯಾತ ಬಾಲಿವುಡ್ ಗಾಯಕ ಲಕ್ಕಿ ಅಲಿ ಪ್ರತಿಕ್ರಿಯಿರಿಸಿದ್ದಾರೆ. 'ಹಲಾಲ್' ಕಡ್ಡಾಯವಾಗಿ ಮುಸ್ಲಿಮೇತರರಿಗೆ ಅಲ್ಲ' ಎಂದಿದ್ದಾರೆ.
''ಭಾರತದ ಪ್ರಿಯ ಸೋದರ, ಸೋದರಿಯರೆ, ನೀವೆಲ್ಲ ಚೆನ್ನಾಗಿದ್ದೀರೆಂದು ಭಾವಿಸಿದ್ದೇನೆ. ನಾನಿಂದು ಒಂದು ವಿಷಯವನ್ನು ನಿಮಗೆ ವಿವರಿಸಲಿಕ್ಕಿದ್ದೇನೆ. 'ಹಲಾಲ್' ಖಂಡಿತವಾಗಿ ಇಸ್ಲಾಮೇತರರಿಗೆ ಅಲ್ಲ. ಇಸ್ಲಾಂ ಪಾಲಿಸುವಾತ ಹಲಾಲ್ ಅಲ್ಲದ ವಸ್ತುಗಳನ್ನು ಖರೀದಿಸುವುದಿಲ್ಲ. ಜ್ಯುಯಿಷ್ ಜನರಿಗೆ ಚೆನ್ನಾಗಿ ಅರ್ಥವಾಗುತ್ತಿದೆ. ಅವರು ಹಲಾಲ್ ಅನ್ನೇ ಹೋಲುವ ಕೋಶರ್ ಪದ್ಧತಿ ಪಾಲಿಸುತ್ತಾರೆ. ಕೋಶರ್ ನಿಯಮದ ಅನುಸಾರ ತಯಾರಿಸಲಾದ ಆಹಾರವನ್ನಷ್ಟೆ ಅವರು ಸೇವಿಸುತ್ತಾರೆ'' ಎಂದಿದ್ದಾರೆ ಲಕ್ಕಿ ಅಲಿ.
''ಸಂಸ್ಥೆಗಳು ಮುಸ್ಲಿಂ, ಜ್ಯುಯಿಷ್ ಜನರು ಸೇರಿದಂತೆ ಎಲ್ಲರಿಗೂ ತಮ್ಮ ಉತ್ಪನ್ನ ಮಾರಾಟ ಮಾಡಬೇಕಾಗಿರುವ ಕಾರಣ ಅವರು ಹಲಾಲ್ ಸರ್ಟಿಫಿಕೇಟ್ ಹಾಗೂ ಕೋಶರ್ ಸರ್ಟಿಫಿಕೇಟ್ ಪಡೆದು ಅದರ ನಿಯಮಗಳ ರೀತಿಯಲ್ಲಿಯೇ ಆಹಾರ ಉತ್ಪಾದಿಸಿ ಮಾರಾಟ ಮಾಡುತ್ತಾರೆ. ಇಸ್ಲಾಮೇತರರಿಗೆ ಹಲಾಲ್ ಅಥವಾ ಕೋಶರ್ ವಸ್ತುಗಳನ್ನು ಖರೀದಿಸುವುದು ಇಷ್ಟವಿಲ್ಲದಿದ್ದಲ್ಲಿ ಖರೀದಿಸುವುದು ಬೇಡ. ಕಂಪೆನಿಗಳು ಸಹ ಹಲಾಲ್, ಕೋಶರ್ ಸರ್ಟಿಫೈಡ್ ಎಂದು ಮುದ್ರಿಸುವುದು ಬೇಡ'' ಎಂದು ಸಲಹೆ ನೀಡಿದ್ದಾರೆ ಗಾಯಕ ಲಕ್ಕಿ ಅಲಿ.
''ಆದರೆ ಹಾಗೊಂದು ವೇಳೆ ಕಂಪೆನಿಗಳು ಹಲಾಲ್, ಕೋಶರ್ ಮುದ್ರಣಗಳನ್ನು ತಮ್ಮ ಪ್ರಾಡಕ್ಟಿನ ಮೇಲಿಂದ ತೆಗೆದು ಅದೇ ವಸ್ತುವನ್ನು ಇಸ್ಲಾಂ ಪಾಲಕರು, ಜ್ಯುಯಿಷ್ ಜನರೂ ಕೊಳ್ಳಬೇಕು ಎಂದು ಒತ್ತಾಯಿಸುವುದು ಸೂಕ್ತವಲ್ಲ. ಆದರೆ ಕಂಪೆನಿಗಳು ಹಲಾಲ್, ಕೋಶರ್ ಅನ್ನು ತೆಗೆದ ಬಳಿಕ ಅವರ ವ್ಯಾಪಾರ ಮೊದಲಿನಂತೆ ಇರಲಿದೆ ಎಂದು ಮಾತ್ರ ಹೇಳಲಾಗದು'' ಎಂದಿದ್ದಾರೆ.
ಗಾಯಕ ಲಕ್ಕಿ ಅಲಿ ಹಿಂದಿಯಲ್ಲಿ ಹಲವು ಅತ್ಯುತ್ತಮ ಹಾಡುಗಳನ್ನು ನೀಡಿದ್ದಾರೆ. ಬಾಲಿವುಡ್ನ ದಂತಕತೆಗಳಲ್ಲಿ ಒಬ್ಬರಾಗಿರುವ ಕಮಿಡಿಯನ್ ಮೊಹಮೂದ್ರ ಪುತ್ರನಾಗಿರುವ ಲಕ್ಕಿ ಅಲಿ ಧರ್ಮ ಸಾಮರಸ್ಯದ ಬಗ್ಗೆ ಆಗಾಗ್ಗೆ ಪೋಸ್ಟ್ಗಳನ್ನು ಹಂಚಿಕೊಳ್ಳುತ್ತಿರುತ್ತಾರೆ.