ಲೈಂಗಿಕ ರಾಕ್ಷಸನ ಬೆಂಬಲಕ್ಕೆ ನಿಂತ ಸೋನು ನಿಗಮ್: ಗಾಯಕಿಯ ಆರೋಪ

ನಿಖಿತಾ ಥೋಮರ್ ಬಗ್ಗೆ ಸೋನಾ ಮಹಾಪಾತ್ರ ಟ್ವೀಟ್

ಕೆಲವು ದಿನಗಳ ಹಿಂದೆ ತೌಸೀಫ್ ಎಂಬುವನಿಂದ ಹತ್ಯೆಯಾದ ಯುವತಿ ನಿಖಿತಾ ಥೋಮರ್ ಬಗ್ಗೆ ಟ್ವೀಟ್ ಮಾಡಿದ್ದ ಸೋನಾ ಮಹಾಪಾತ್ರ, 'ನಿಖಿತಾ, ತೌಸೀಫ್ ವಿರುದ್ಧ ದೂರು ನೀಡಿದ್ದಳು, ಎಚ್ಚರಿಕೆಯಿಂದಲೂ ಇದ್ದಳು ಆದರೂ ಸಹ ಪುರುಷ ದೌರ್ಜನ್ಯವನ್ನು ತಡೆಯಲಾಗಲಿಲ್ಲ' ಎಂದಿದ್ದಾರೆ.

'ಆರೋಪ ಮಾಡಿದಾಗ ಸಾಕಷ್ಟು ಸಲಹೆಗಳು ಬರುತ್ತವೆ'

ಮುಂದುವರೆದು, ಮಹಿಳೆಯರು ದೌರ್ಜನ್ಯದ ಆರೋಪ ಮಾಡಿದಾಗ, 'ಇರಲಿ ಬಿಡು' 'ಇದನ್ನೆಲ್ಲಾ ದೊಡ್ಡದು ಮಾಡಬೇಡ', 'ಅದೇನು ದೊಡ್ಡ ವಿಷಯವೇ', 'ಪೊಲೀಸ್ ದೂರು ನೀಡು', 'ಕಾನೂನು ಬದ್ಧ ಹೋರಾಟ ಮಾಡು' ಎಂಬ ಸಲಹೆಗಳು ಬರುತ್ತವೆ ಆದರೆ ಅವು ಆಕೆಯನ್ನು ಬಲಹೀನಗೊಳಿಸಲು ನೀಡಿರುವ ಸಲಹೆಗಳಾಗಿರುತ್ತವೆ ಎಂದಿದ್ದಾರೆ ಸೋನಾ ಮಹಾಪಾತ್ರ.

'ಲೈಂಗಿಕ ರಾಕ್ಷಸ ಅನು ಮಲ್ಲಿಕ್ ಅನ್ನು ಬೆಂಬಲಿಸಿದ ಸೋನು ನಿಗಮ್'

ನೇರವಾಗಿ ಸೋನು ನಿಗಂ ಹೆಸರು ಎತ್ತಿರುವ ಮಹಾಪಾತ್ರ, ನಾನು ಲೈಂಗಿಕ ದೌರ್ಜನ್ಯದ ಆರೋಪ ಮಾಡಿದಾಗ, ಸೋನು ನಿಗಮ್, ಅನು ಮಲ್ಲಿಕ್ ಅನ್ನು ಬಹಿರಂಗವಾಗಿ ಬೆಂಬಲಿಸಿದರು. ಇನ್ನು ಕೈಲಾಶ್ ಖೇರ್ ಸರ್ಕಾರದ ಸಹಾಯದಿಂದಲೇ ಬಚಾವಾದರು ಎಂದಿದ್ದಾರೆ ಸೋನಾ.

Recommended Video

ಎಲ್ಲರ ಮುಂದೆ ಅಭಿಮಾನಿಯನ್ನು ಪ್ರೀತಿಯಿಂದ ಮಾತನಾಡಿಸಿದ ಡಿ ಬಾಸ್ | Darshan | Munirathna | Filmibeat Kannada

ಸೋನಾ ಮಹಾಪಾತ್ರಗೆ ಕೊಲೆ ಬೆದರಿಕೆ

ಕೆಲವು ದಿನಗಳ ಹಿಂದಷ್ಟೆ ಇದೇ ಸೋನಾ ಮಹಾಪಾತ್ರ, ಸಲ್ಮಾನ್ ಖಾನ್ ವಿರುದ್ಧವೂ ಸಿಡಿದೆದ್ದಿದ್ದರು. ಸಲ್ಮಾನ್ ಖಾನ್, ಪ್ರಿಯಾಂಕಾ ಚೋಪ್ರಾ ಬಗ್ಗೆ ತಮಾಷೆಯಾಗಿ ಮಾತನಾಡಿದ್ದಕ್ಕೆ ಸಿಟ್ಟಿಗೆದ್ದು ಸಲ್ಮಾನ್ ಖಾನ್ ವಿರುದ್ಧ ಆಕ್ರೋಶಗೊಂಡು ಟ್ವೀಟ್ ಮಾಡಿದ್ದರು. ಸಲ್ಮಾನ್ ಅಭಿಮಾನಿಗಳು ಮಹಾಪಾತ್ರಗೆ ಕೊಲೆ ಬೆದರಿಕೆ ಸಹ ಹಾಕಿದ್ದರು.