ನಟಿ ಸೊನಾಲಿ ಬೇಂದ್ರೆಗೆ ರಾತ್ರೋರಾತ್ರಿ ಫೋನ್ ಓಡಿ ಹೋಗೋಣ ಎಂದಿದ್ರಾ ಸುನೀಲ್ ಶೆಟ್ಟಿ?

ಸುನೀಲ್ ಶೆಟ್ಟಿ ಮದುವೆ

ಇಬ್ಬರ ನಡುವೆ ವದಂತಿಗಳು ಜಾರಾಗಿ ಕೇಳಿಬರುತ್ತಿದ್ದ ಸಮಯದಲ್ಲೇ ಸುನೀಲ್ ಶೆಟ್ಟಿ ಮನಾ ಶೆಟ್ಟಿಯನ್ನು ಮದುವೆಯಾದರು. ಇದು ಅನೇಕರಿಗೆ ಶಾಕ್ ನೀಡಿತ್ತು. ಆಗಿನ್ನು ಸೊನಾಲಿಗೆ ಮದುವೆಯಾಗರಿಲ್ಲ. ಈ ಬಗ್ಗೆ ಸಂದರ್ಶನವೊಂದರಲ್ಲಿ ಮಾತನಾಡಿರುವ ಸೊನಾಲಿ, ವದಂತಿಗಳಿಂದ ಇಬ್ಬರ ಜೀವನದ ಮೇಲೆ ಎಷ್ಟು ಪರಿಣಾಮ ಬೀರಿತು ಎನ್ನುವುದನ್ನು ವಿವರಿಸಿದ್ದಾರೆ.

ಪ್ರಾರಂಭದಲ್ಲಿ ತಮಾಷೆಯಾಗಿತ್ತು

"ಸುನೀಲ್ ಶೆಟ್ಟಿ ಮತ್ತು ನನಗೆ ಇದು ತುಂಬಾ ಟೆನ್ಷನ್ ಆಗಿತ್ತು. ಪ್ರಾರಂಭದಲ್ಲಿ ಇಬ್ಬರೂ ತುಂಬಾ ತಮಾಷೆಯಾಗಿ ತೆಗೆದುಕೊಳ್ಳುತ್ತಿದ್ದೆವು. ಇಬ್ಬರೂ ನಗುತ್ತಿದ್ದೆವು. ನಿಜಕ್ಕೂ ಫಿನ್ನಿಯಾಗಿತ್ತು. ಆದರೆ ಸ್ವಲ್ಪಸಮಯದ ನಂತರ ಅದು ತಮಾಷೆಯಾಗಿರಲಿಲ್ಲ. ಗಂಭೀರವಾಯಿತು. ಇಬ್ಬರ ವೈಯಕ್ತಿಕ ಜೀವನದ ಮೇಲು ಪರಿಣಾಮ ಬೀರಲು ಪ್ರಾರಂಭವಾಯಿತು. ನಂತರ ಇದು ಸಮಾಷೆಯಾಗಿ ಕಾಣಲಿಲ್ಲ" ಎಂದಿದ್ದರು.

ನಾನು ಒಂಟಿಯಾಗಿದ್ದೆ, ಆದರೆ ಸುನೀಲ್ ಗೆ ಹಾಗಲ್ಲ

"ಸುನೀಲ್ ಶೆಟ್ಟಿ ಅವರ ವೈಯಕ್ತಿಕ ಜೀವನ ಮೇಲೆ ಹೇಗೆ ಪರಿಣಾಮ ಬೀರಿದೆ ಎಂದು ನನಗೆ ಗೊತ್ತಿಲ್ಲ. ಯಾಕೆಂದರೆ ಅವರ ಜೊತೆ ನಾನು ಮಾತನಾಡಿಲ್ಲ. ಆದರೆ ನನ್ನ ವೈಯಕ್ತಿಕ ಜೀವನದ ಬಗ್ಗೆ ಮಾತನಾಡಬಹುದು. ಆಗ ನಾನು ಒಂಟಿಯಾಗಿದ್ದೆ. ಯಾರಿಗೂ ಉತ್ತರ ಕೊಡುವ ಅವಶ್ಯಕತೆ ಇರಲಿಲ್ಲ. ಹಾಗಾಗಿ ಸುನೀಲ್ ಶೆಟ್ಟಿ ಅವರ ವೈಯಕ್ತಿಕ ಜೀವನದ ಮೇಲೆ ಎಷ್ಟು ಪ್ರಭಾವ ಬೀರಿರಬಹುದು, ಅವರ ವಿವಾಹಿತ ವ್ಯಕ್ತಿ ಎಂದು ನಾನು ಊಹಿಸಬಹುದು" ಎಂದು ಸೊನಾಲಿ ಹೇಳಿದರು.

ರಾತ್ರೋರಾತ್ರಿ ಅಪರಿಚಿತನಿಂದ ಫೋನ್ ಕರೆ

ಇದೇ ಸಮಯದಲ್ಲಿ ಸೊನಾಲಿ ತನಗೆ ಮಧ್ಯರಾತ್ರಿ ಅಪರಿಚಿತ ವ್ಯಕ್ತಿಯಿಂದ ಸುನಿಲ್ ಶೆಟ್ಟಿ ಎಂದು ಹೇಳಿಕೊಂಡು ಫೋನ್ ಮಾಡಿ, ಓಡಿ ಹೋಗೋಣ ಎಂದು ಹೇಳಿದ್ದ ಘಟನೆಯನ್ನು ಬಿಚ್ಚಿಟ್ಟರು."ರಾತ್ರಿ ಎರಡು ಗಂಟೆಗೆ ನಿಮಗೆ ಕರೆ ಬಂದಾಗ ಅದು ತಮಾಷೆಯಾಗಿರಲ್ಲ ಎಂದು ಜನರಿಗೆ ಅರ್ಥವಾಗುವುದಿಲ್ಲ. ಆದರೆ ಕೆಲವು ಮುೂರ್ಖರು ಕರೆ ಮಾಡಿ, ಇದು ಸುನೀಲ್ ಶೆಟ್ಟಿ ಮಾತನಾಡುತ್ತಿರುವುದು ಬನ್ನಿ ನಾವಿಬ್ಬರು ಪರಾರಿಯಾಗೋಣ, ನನ್ನೊಂದಿಗೆ ಓಡಿ ಬಾ ಎಂದು ಅಪರಿತ ವ್ಯಕ್ತಿಯೊಬ್ಬ ಹೇಳಿದ್ದ. ಹೀಗೆ ಹೇಳಿದಾಗ ಖಂಡಿತ ಇದು ತಮಾಷೆಯಾಗಿರಲ್ಲ.

ಸಹೋದರಿಯನ್ನು ಕೇಳುತ್ತಿದ್ದರು

ಜನರು ಕಾಲೇಜಿನಲ್ಲಿ ನನ್ನ ಸಹೋದರಿ ಬಳಿ ಬಂದು ನಿನ್ನ ಅಕ್ಕ ನಟ ಸುನೀಲ್ ಶೆಟ್ಟಿ ಜೊತೆ ಪ್ರೀತಿಯಲ್ಲಿದ್ದಾರಾ? ಎಂದು ಕೇಳಿತ್ತಿದ್ದರು. ಇದು ಕೂಡ ತಮಾಷೆಯಾಗುವುದಿಲ್ಲ ಎಂದು ಸೊನಾಲಿ ಬೇಂದ್ರೆ ಸಂದರ್ಶನದಲ್ಲಿ ಸುನೀಲ್ ಶೆಟ್ಟಿ ಜೊತೆಗಿನ ಸಂಬಂಧದ ಬಗ್ಗೆ ವಿವರವಾಗಿ ಹಂಚಿಕೊಂಡಿದ್ದರು.

ಸಂಬಂಧಿಕರ ಚುಚ್ಚು ಮಾತು

ಕೆಲವು ಸಂಬಂಧಿಕರು ಸಹ ನನ್ನ ಪೋಷಕರ ಬಳಿ ಬಂದು, " ಈಗ ನಿಮಗೆ ಬೇಕಾದ ಹಣ ನೀವು ಪಡೆಯುತ್ತಿದ್ದೀರಿ. ನಿಮ್ಮ ಮಗಳು ಯಾವುದೇ ಹೀರೋ ಜೊತೆ ಏನಾದರೂ ಮಾಡುತ್ತಿದ್ದರೆ ಅದು ನಿಮಗೆ ತೊಂದರೆ ಆಗುವುದಿಲ್ಲ. ಎಂದು ಹೇಳಿದ್ದರು. ಈ ರೀತಿ ನನಗೆ ತುಂಬಾ ಪ್ರಭಾವ ಬೀರುತ್ತಿತ್ತು. ಜನರು ಹೀಗೆ ಮಾತನಾಡುವಾಗ ನಾನು ಅದನ್ನು ದ್ವೇಷಿಸುತ್ತಿದ್ದೆ. ನಾನು ನಿಜಕ್ಕೂ ಅಪ್ ಸೆಟ್ ಆಗಿದ್ದೆ" ಎಂದು ಹೇಳಿದರು.

ಶೂಟಿಂಗ್ ನಲ್ಲಿ ಸುನೀಲ್ ನನ್ನನ್ನು ಮುಟ್ಟಲು ನಿರಾಕರಿಸಿದರು

"ನಾನು ಮತ್ತು ಸುನೀಲ್ ಫೋಟೋಶೂಟ್ ಮಾಡಿಸುತ್ತಿದ್ದೆವು, ಎಲ್ಲರೂ ಆಗ ಓಹ್ ಅವರು ಒಬ್ಬರಿಗೊಬ್ಬರು ತುಂಬಾ ಆರಾಮಾಗಿ ಇದ್ದಾರೆ ಎನ್ನುತ್ತಿದ್ದರು. ಶೂಟಿಂಗ್ ನಲ್ಲಿ ಸುನೀಲ್ ನನ್ನನ್ನು ಅಪ್ಪಿಕೊಳ್ಳುವ ದೃಶ್ಯವಿತ್ತು. ಆದರೆ ನಾನು ದೂರ ಹೋಗುತ್ತಿದ್ದೆ, ಸುನಿಲ್ ಕೂಡ ನನ್ನನ್ನು ಮುಟ್ಟಲು ನಿರಾಕರಿಸುತ್ತಿದ್ದರು. ವದಂತಿಯಿಂದ ಇಬ್ಬರ ಮೇಲೆ ಎಷ್ಟು ಪರಿಣಾಮ ಬೀರಿತ್ತು ಎಂದು ನಾವು ಅರಿತುಕೊಂಡೆವು" ಎಂದು ಸೊನಾಲಿ ಬೇಂದ್ರೆ ಹೇಳಿದ್ದರು.