Don't Miss!
- News ಉಕ್ರೇನ್ ವಿರುದ್ಧ ರಷ್ಯಾ ಗಂಭೀರ ಆರೋಪ!
- Lifestyle ಯೇಸುವನ್ನು ಶಿಲುಬೆಗೆ ಹಾಕಿದ ದಿನವನ್ನು ಗುಡ್ ಪ್ರೈಡೇ ಎಂದು ಹೇಳುವುದೇಕೆ?
- Sports RR vs DC: ಅವೇಶ್ ಖಾನ್, ರಿಯಾನ್ ಪರಾಗ್ ಶೈನ್; ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರಾಜಸ್ಥಾನ್ ರಾಯಲ್ಸ್ ವಿನ್
- Automobiles ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬಾಲಿವುಡ್ ನಿಂದ ಭಾರತೀಯ ಸಂಸ್ಕೃತಿ ಹಾಳು: ಸೋನಂ ಮೇಲೆ ಟ್ರೋಲಿಗರ ಕಣ್ಣು.!
ಬಾಲಿವುಡ್ ನಿಂದಾಗಿ ಭಾರತೀಯ ಸಂಸ್ಕೃತಿ ಹಾಳಾಗುತ್ತಿದೆ, ಬಾಲಿವುಡ್ ತಾರೆಯರಿಂದಾಗಿ ಭಾರತೀಯ ಸಂಪ್ರದಾಯ ನಶಿಸಿ ಹೋಗುತ್ತಿದೆ ಎಂದು ಕೆಲ ಸಂಪ್ರದಾಯವಾದಿಗಳು ಸೋಷಿಯಲ್ ಮೀಡಿಯಾದಲ್ಲಿ ಬೊಬ್ಬೆ ಹೊಡೆಯುತ್ತಿದ್ದಾರೆ.
ಬಿಕಿನಿ ಧರಿಸಿರುವ ಬಾಲಿವುಡ್ ನಟಿಯರು ತಮ್ಮ ಫೋಟೋವನ್ನ ಇನ್ಸ್ಟಾಗ್ರಾಮ್ ನಲ್ಲಿಯೋ, ಟ್ವಿಟ್ಟರ್ ನಲ್ಲಿಯೋ ಶೇರ್ ಮಾಡಿದಾಗ, ಅದಕ್ಕೆ ಛೀಮಾರಿ ಹಾಕುವವರ ಸಂಖ್ಯೆ ದಿನೇ ದಿನೇ ಹೆಚ್ಚಾಗುತ್ತಿದೆ. ಸದ್ಯ ಮದುವೆ ಆಗಿರುವ ಸೋನಂ ಕಪೂರ್ ಇಂಥದ್ದೇ ಸಂಕಷ್ಟದಲ್ಲಿ ಸಿಲುಕಿದ್ದಾರೆ.
ಇತ್ತೀಚೆಗಷ್ಟೇ ಉದ್ಯಮಿ ಆನಂದ್ ಅಹುಜಾ-ಸೋನಂ ಕಪೂರ್ ವಿವಾಹ ಮಹೋತ್ಸವ ಮುಂಬೈನಲ್ಲಿ ಅದ್ಧೂರಿಯಾಗಿ ನೆರವೇರಿತ್ತು. ಮದುವೆ ಆದ ಬಳಿಕ ಸಾಂಪ್ರದಾಯಿಕವಾಗಿ ಸೀರೆಯುಟ್ಟು, ಮಂಗಳಸೂತ್ರ ಧರಿಸಿದ್ದ ಸೋನಂ ಕಪೂರ್ ರನ್ನ ಎಲ್ಲರೂ ಭೇಷ್ ಎನ್ನುತ್ತಿದ್ದರು. ಆದ್ರೀಗ ಅದೇ ಸೋನಂ ಕಪೂರ್ ಟ್ರೋಲ್ ಆಗುತ್ತಿದ್ದಾರೆ. ಕಾರಣ ಏನು.? ಫೋಟೋ ಸ್ಲೈಡ್ ಗಳಲ್ಲಿ ಓದಿರಿ...
ವಜ್ರಖಚಿತ ಮಾಂಗಲ್ಯ ಸರ
ತಮ್ಮ ಮಾಂಗಲ್ಯ ಸರ ಹೀಗೇ ಇರಬೇಕು ಅಂತ ನಟಿ ಸೋನಂ ಕಪೂರ್ ತಾವೇ ಖುದ್ದಾಗಿ ಡಿಸೈನ್ ಮಾಡಿದ್ದರು. ಸೋನಂ ಕಪೂರ್ ಕರಿ ಮಣಿ ಮಾಂಗಲ್ಯ ಸರದಲ್ಲಿ ಮಿಥುನ ಹಾಗೂ ಸಿಂಹ ರಾಶಿಯ ಚಿಹ್ನೆ ಜೊತೆಗೆ ವಜ್ರವೂ ಇದೆ.
ಮದುವೆಗೆ ಸೋನಂ ಧರಿಸಿದ ಉಂಗುರದ ಬೆಲೆ ಕೇಳಿದ್ರೆ, ನಿಮ್ಮ ಕಣ್ಣರಳುತ್ತೆ.!
ಅಂದು ಸೋನಂ ಕುತ್ತಿಗೆಯಲ್ಲಿ ಮಾಂಗಲ್ಯ ಸರ
ಸಿಖ್ ಸಂಪ್ರದಾಯದಂತೆ ಸೋನಂ ಕಪೂರ್ ಕೊರಳಿಗೆ ಆನಂದ್ ಅಹುಜಾ ಮಾಂಗಲ್ಯಧಾರಣೆ ಮಾಡಿದ್ದರು. ಅಂದು ಸಂಪ್ರದಾಯಬದ್ಧವಾಗಿ ಕೊರಳಿಗೆ ಕರಿ ಮಣಿ ಮಾಂಗಲ್ಯ ಧರಿಸಿದ್ದ ಸೋನಂ ಇದೀಗ ಕೈಗೆ ಮಾಂಗಲ್ಯ ಹಾಕಿಕೊಂಡಿರುವುದು ವಿವಾದಕ್ಕೆ ಕಾರಣವಾಗಿದೆ.
ರಿಸೆಪ್ಷನ್ ನಲ್ಲಿ ಸ್ಪೋರ್ಟ್ಸ್ ಶೂ ಧರಿಸಿದ್ದ ಸೋನಂ ಪತಿ: ಟ್ರೋಲಿಗರಿಗೆ ಆನಂದ್ ಆಹುತಿ.!
ಸೋನಂ ಕೈಯಲ್ಲಿ ಮಾಂಗಲ್ಯದ ಬ್ರೇಸ್ಲೆಟ್
ತಮ್ಮ ಮುಂದಿನ ಸಿನಿಮಾ 'ವೀರೇ ದಿ ವೆಡ್ಡಿಂಗ್' ಪ್ರಮೋಷನ್ ವೇಳೆ ತಮ್ಮ ಕೈಗೆ ಕರಿ ಮಣಿ ಮಾಂಗಲ್ಯದ ಬ್ರೇಸ್ಲೆಟ್ ನ ಸೋನಂ ಕಪೂರ್ ತೊಟ್ಟಿದ್ದರು. ಸೋನಂ ರವರ ಈ ನಡೆಯನ್ನ ಫ್ಯಾಶನ್ ಪ್ರಿಯರು ಕೊಂಡಾಡಿದರೆ, ಸಂಪ್ರದಾಯವಾದಿಗಳ ಕಣ್ಣು ಕೆಂಪಾಯಿತು.
ಸೋನಂ ರಿಸೆಪ್ಷನ್ ಪಾರ್ಟಿಯಲ್ಲಿ ಬಾಲಿವುಡ್ ತಾರೆಯರ ತಕಧಿಮಿತಾ.!
ಶುರುವಾಯ್ತು ಟ್ರೋಲ್ ಗಳು.!
''ಮಾಂಗಲ್ಯವನ್ನ ಬ್ರೇಸ್ಲೆಟ್ ಆಗೂ ಧರಿಸಬಹುದೇ.? ಧರ್ಮವನ್ನ ಪಾಲಿಸಲ್ಲ ಅಂದ್ರೆ ಪಾಲಿಸಬೇಡಿ. ಈ ತರಹ ಡ್ರಾಮಾ ಯಾಕೆ.?'' ಅಂತೆಲ್ಲ ನೆಟ್ಟಿಗರು ಸೋನಂ ಕಪೂರ್ ಗೆ ಬೆಂಡೆತ್ತುತ್ತಿದ್ದಾರೆ.
ಫೆಮಿನಿಸ್ಟ್ ಗಳ ಪ್ರಾಬ್ಲಂ ಇದು.!
''ಇದೆಲ್ಲ ಫೆಮಿನಿಸ್ಟ್ ಅಂತ ಕರೆಯಿಸಿಕೊಳ್ಳುವವರ ಪ್ರಾಬ್ಲಂ. ಇವರೆಲ್ಲ ಸಂಪ್ರದಾಯ ಪಾಲಿಸಲ್ಲ. ತಮ್ಮ ಮೂಗಿನ ನೇರಕ್ಕೆ ಹೇಗೆ ಬೇಕೋ, ಹಾಗೆ ನಡೆದುಕೊಳ್ಳುತ್ತಾರೆ ಅಷ್ಟೇ'' ಎನ್ನುತ್ತಿದ್ದಾರೆ ಟ್ವೀಟಿಗರು.
ಟ್ರೋಲ್ ಬಗ್ಗೆ ತಲೆ ಕೆಡಿಸಿಕೊಳ್ಳದ ಸೋನಂ
ತಮ್ಮ ಮಾಂಗಲ್ಯ ಸರದ ಬಗ್ಗೆ ಇಷ್ಟೆಲ್ಲ ಟ್ರೋಲ್ ಆಗುತ್ತಿದ್ದರೂ, ಸೋನಂ ಕಪೂರ್ ಮಾತ್ರ ತಲೆ ಕೆಡಿಸಿಕೊಂಡಿಲ್ಲ. ಟ್ರೋಲ್ ಗಳನ್ನ 'ನೆಗೆಟಿವ್' ಅಂತ ಪರಿಗಣಿಸುವ ಸೋನಂ, ಅದಕ್ಕೆ ಉತ್ತರ ಕೊಡುವ ಗೋಜಿಗೆ ಹೋಗಲ್ಲ.