ಆಸ್ಟ್ರೇಲಿಯಾ ಆಟಗಾರರನ್ನು ಮನೆಗೆ ಕಳುಹಿಸಲು ಸಹಾಯ ಮಾಡಿ; ನೆಟ್ಟಿಗನ ಮನವಿಗೆ ಸೋನು ಸೂದ್ ಹೇಳಿದ್ದೇನು?

ಆಸೀಸ್ ಆಟಗಾರರಿಗೆ ಸಹಾಯ ಮಾಡ್ತಾರಾ ಸೋನು ಸೂದ್?

ಕೊರೊನಾದಿಂದ ಐಪಿಲ್ ರದ್ದಾದ ಬಳಿಕ ಆಸೀಸ್ ಆಟಗಾರರು ಭಾರತದಲ್ಲೇ ಸಿಲುಕ್ದಿದ್ದಾರೆ. ಅವರನ್ನು ವಾಪಸ್ ಆಸ್ಟ್ರೇಲಿಯಾಗೆ ಕಳುಹಿಸಲು ಸಹಾಯ ಮಾಡುವಂತೆ ನೆಟ್ಟಿಗನೊಬ್ಬ ಮನವಿ ಮಾಡಿಕೊಂಡಿದ್ದಾನೆ. ಟ್ವಿಟ್ಟರ್ ಮೂಲಕ ಸೋನು ಸೂದ್ ಗೆ ಮನವಿ ಮಾಡಿರುವ ನೆಟ್ಟಿಗನು, 'ಆಸ್ಟ್ರೇಲಿಯಾ ಆಟಗಾರರನ್ನು ಮನೆಗೆ ಕಳುಹಿಸಲು ಸಹಾಯ ಮಾಡುತ್ತೀರಾ ಸೋನು ಸೂದ್ ಭಾಯ್?' ಎಂದು ಕೇಳಿದ್ದಾನೆ.

'10 ನಿಮಿಷದಲ್ಲಿ ಸಿಲಿಂಡರ್ ತಲುಪಲಿದೆ ಸಹೋದರ..' ಸುರೇಶ್ ರೈನಾಗೆ ಸೋನು ಸೂದ್ ನೆರವು

ಗಮನ ಸೆಳೆಯುತ್ತಿದೆ ಕಾರ್ಟೂನ್

ಮನವಿ ಜೊತೆಗೆ ಕಾರ್ಟೂನ್ ಅನ್ನು ಶೇರ್ ಮಾಡಿದ್ದಾರೆ. ಐಸಿಯು, ಬೆಡ್, ಆಕ್ಸಿಜನ್ ಸಹಾಯ ಮಾಡುತ್ತಿರುವ ಸೋನು ಸೂದ್ ಗೆ ಆಸೀಸ್ ಆಟಗಾರರಾದ ಡೇವಿಡ್ ವಾರ್ನರ್, ಸ್ಟೀವ್ ಸ್ಮಿತ್, ಮ್ಯಾಕ್ಸ್ ವೆಲ್ ಎಲ್ಲರೂ ಸೋನು ಸೂದ್ ಬಳಿ ಮನೆಗೆ ಹೋಗಲು ನಿಮ್ಮ ಸಹಾಯ ಬೇಕು ಎಂದು ಮನವಿ ಮಾಡುತ್ತಿದ್ದಾರೆ. ಈ ಕಾರ್ಟೂನ್ ಎಲ್ಲರ ಗಮನ ಸೆಳೆಯುತ್ತಿದ್ದು, ಸೋನು ಸೂದ್ ಗಮನಕ್ಕು ಬಂದಿದೆ.

ಬ್ಯಾಗ್ ಪ್ಯಾಕ್ ಮಾಡಿಕೊಳ್ಳಿ ಎಂದ ರಿಯಲ್ ಹೀರೋ

ಸಂಕಷ್ಟದಲ್ಲಿರೋರಿಗೆ ಸಹಾಯ ಮಾಡುವ ಜೊತೆಗೆ ಸೋನು ಸೂದ್ ನೆಟ್ಟಿಗನ ಪ್ರಶ್ನೆಗೆ ಪ್ರತಿಕ್ರಿಯೆ ನೀಡಿದ್ದಾರೆ. 'ಈಗಲೇ ನಿಮ್ಮ ಬ್ಯಾಗ್ ಗಳನ್ನು ಪ್ಯಾಕ್ ಮಾಡಿಕೊಳ್ಳಿ' ಎಂದು ಹೇಳಿ ಜೋರಾಗಿ ನಗುವ ಇಮೋಜಿಯನ್ನು ಹಾಕಿದ್ದಾರೆ. ಸೋನು ಸೂದ್ ತಮಾಷೆಯ ಉತ್ತರ ಅಭಿಮಾನಿಗಳ ಮೆಚ್ಚುಗೆ ಗಳಿಸಿದೆ. ಒತ್ತಡದ ನಡುವೆಯೂ ಎಲ್ಲವನ್ನು ಗಮನಿಸುತ್ತಾ ಸಮಾಷೆಯ ಉತ್ತರ ನೀಡುತ್ತಾ ಕೆಲಸ ಮಾಡುತ್ತಿರುವ ಸೋನು ಸೂದ್ ಗೆ ಅಭಿಮಾನಿಗಳು ಹ್ಯಾಟ್ಸಪ್ ಹೇಳುತ್ತಿದ್ದಾರೆ.

ಯಲಹಂಕದ ಆಸ್ಪತ್ರೆಗೆ ಆಮ್ಲಜನಕ ಒದಗಿಸಿದ ಸೋನು ಸೂದ್

Recommended Video

ಯೋಗಿ ಕಯ್ಯಲ್ಲಿ ಆಗದೆ ಇದ್ದಿದ್ದನ್ನು ಸೋನು ಸೂದ್ 10 ನಿಮಿಷದಲ್ಲಿ ಮಾಡಿದ್ರು | Filmibeat Kannada

ಭಾರತದಿಂದ ಬರುವವರಿಗೆ ಆಸ್ಟ್ರೇಲಿಯಾದಲ್ಲಿ ನಿರ್ಬಂಧ

ಅಂದಹಾಗೆ ಭಾರತದಲ್ಲಿ ಕೊರೊನಾ ಎರಡನೇ ಅಲೆಯ ಭೀಕರತೆಯಿಂದ ಆಸ್ಟ್ರೇಲಿಯಾಗೆ ಬರುವವರ ಮೇಲೆ ನಿರ್ಬಂಧ ಹೇರಲಾಗಿದೆ. ಭಾರತದಿಂದ ಯಾರು ಸಹ ಆಸ್ಟ್ರೇಲಿಯಾಗೆ ಹೋಗುವ ಹಾಗಿಲ್ಲ. ಹಾಗಾಗಿ ಆಸ್ಟ್ರೇಲಿಯಾ ಆಟಗಾಗರು ಐಪಿಲ್ ರದ್ದಾದರೂ ಭಾರತದಲ್ಲೇ ಉಳಿದುಕೊಳ್ಳುವಂತೆ ಆಗಿದೆ. ಬೇರೆ ದೇಶಕ್ಕೆ ತೆರಳಿ ಅಲ್ಲಿ ಕ್ವಾರಂಟೈನ್ ಆಗಿ ಬಳಿಕ ಆಸ್ಟ್ರೇಲಿಯಾಗೆ ವಾಪಸ್ ಆಗುವ ಬಗ್ಗೆಯೂ ಪ್ಲಾನ್ ಮಾಡಲಾಗುತ್ತಿದೆ.