ಸೋನು ಸೂದ್ ಆತ್ಮಚರಿತ್ರೆ 'I Am No Messiah'; ಬಿಡುಗಡೆಯಾದ ಒಂದು ವಾರದೊಳಗೆ ದಾಖಲೆಯ ಮಾರಾಟ

'I Am No Messiah' ಎಂದರೇನು?

Messiah ಎನ್ನವ ಪದ ಕ್ರಿಶ್ಚಿಯನ್ ಧರ್ಮದಲ್ಲಿ ಬಳಕೆಯಲ್ಲಿರುವ ಪದ. Messiah ಎಂದರೆ ಜಗತ್ತನ್ನು ಉಳಿಸುವ, ಕಾಪಾಡುವ ವ್ಯಕ್ತಿ, ವಿಶ್ವದ ಸಮಸ್ಯೆಯನ್ನು ಪರಿಹರಿಸುವ ನಾಯಕ ಎಂದರ್ಥ. ಸೋನು ಸೂದ್ ಅವರನ್ನು ದೇವರಿಗೆ ಹೋಲಿಸಲಾಗುತ್ತಿದೆ. ಆದರೆ ಅಂತಹ ವ್ಯಕ್ತಿ ನಾನಲ್ಲ ಎಂದು ಸೋನು ಆತ್ಮಚರಿತ್ರೆಗೆ ಶೀರ್ಷಿಕೆ ಇಟ್ಟಿದ್ದಾರೆ.

ಸೋನು ಸೂದ್ ಆತ್ಮಚರಿತ್ರೆಯಲ್ಲಿದೆ ಲಾಕ್ ಡೌನ್ ಅನುಭವ

ಆತ್ಮಚರಿತ್ರೆಯಲ್ಲಿ ಸೋನು ಸೂದ್, ಲಾಕ್ ಡೌನ್ ಸಮಯದ ಅವರ ಅನುಭವವನ್ನು ವಿವರವಾಗಿ ಹೇಳಿದ್ದಾರೆ. ಜನರೊಂದಿಗೆ ಅವರ ಭಾವನಾತ್ಮಕ ಸಂಬಂಧ ಮತ್ತು ಎದುರಾದ ಸವಾಲು, ಜನರನ್ನು ರಕ್ಷಣೆ ಮಾಡಿರುವ ಬಗ್ಗೆ ಬರೆದುಕೊಂಡಿದ್ದಾರೆ. ಸೋನು ಸೂದ್ ಅವರ ಆತ್ಮಚರಿತ್ರೆಗೆ ಅಭಿಮಾನಿಗಳಿಂದ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.

ಅಭಿಮಾನಿಗಳು-ಗಣ್ಯರಿಂದ ಮೆಚ್ಚುಗೆ

ಸೋನು ಸೂದ್ ಆತ್ಮ ಚರಿತ್ರೆಯನ್ನು ಅಭಿಮಾನಿಗಳು ಮಾತ್ರವಲ್ಲದೆ ಚಿತ್ರರಂಗದ ಗಣ್ಯರು ಸಹ ಮೆಚ್ಚಿಕೊಂಡಿದ್ದಾರೆ. ಅಮಿತಾಬ್ ಬಚ್ಚನ್, ಮೆಗಾ ಸ್ಟಾರ್ ಚಿರಂಜೀವಿ, ಸೇರಿದಂತೆ ದೊಡ್ಡ ದೊಡ್ಡ ಕಲಾವಿದರು ಸೋನು ಸೂದ್ ಗೆ ಅಭಿನಂದನೆ ಸಲ್ಲಿಸಿದ್ದಾರೆ. ಜೊತೆಗೆ 'ನಿಮ್ಮ ಪಯಣ ನಿಜಕ್ಕೂ ಸ್ಫೂರ್ತಿದಾಕವಾಗಿದೆ ರಿಯಲ್ ಹೀರೋ' ಎಂದು ಹೊಗಳುತ್ತಿದ್ದಾರೆ.

ಅತೀ ಹೆಚ್ಚು ಮಾರಾಟವಾದ ಪುಸ್ತಕ

ಇನ್ನು ವಿಶೇಷ ಎಂದರೆ 'I AM NO MESSIAH' ಆತ್ಮಚರಿತ್ರೆ ಬಿಡುಗಡೆಯಾದ ಒಂದು ವಾರದೊಳಗೆ ಭಾರತದಲ್ಲಿ ಅತಿ ಹೆಚ್ಚು ಮಾರಟವಾದ ಪುಸ್ತಕ ಎಂದು ದಾಖಲೆ ಮಾಡಿದೆ. ಜನಮುಗಿಬಿದ್ದು ಸೋನು ಸೂದ್ ಅವರ ಆತ್ಮಚರಿತ್ರೆಯನ್ನು ಕೊಂಡು ಓದುತ್ತಿದ್ದಾರೆ. ಒಂದು ವಾರದೊಳಗೆ 40 ಸಾವಿರಕ್ಕು ಅಧಿಕ ಪ್ರತಿ ಮಾರಾಟವಾಗಿದೆ ಎಂದು ಹೇಳಲಾಗುತ್ತಿದೆ.

Recommended Video

ಅಪ್ಪು ಅಭಿಮಾನಿಗಳಿಗೆ ಸಿಹಿಸುದ್ದಿ ಕೊಟ್ಟ ಹೊಂಬಾಳೆ ಫಿಲಂಸ್ | Filmibaet Kannada

ಸೋನು ಸೂದ್ ಸಿನಿಮಾಗಳು

ಇನ್ನು ಸಿನಿಮಾ ವಿಚಾರಕ್ಕೆ ಬರುವುದಾದರೆ ಸೋನು ಸೂದ್, ಸದ್ಯ ತೆಲುಗು ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಚಿರಂಜೀವಿ ನಟನೆಯ ಬಹುನಿರೀಕ್ಷೆಯ ಆಚಾರ್ಯ ಸಿನಿಮಾದಲ್ಲಿ ಬಣ್ಣಹಚ್ಚಿದ್ದಾರೆ. ಚಿತ್ರದಲ್ಲಿ ವಿಲನ್ ಆಗಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರದಲ್ಲಿ ಸೋನು ಸೂದ್ ಗೆ ಹೊಡೆಯಲು ನಟ ಚಿರಂಜೀವಿಗೆ ಹಿಂದೇಟು ಹಾಕಿದ್ದರು ಎಂದು ಸೋನು ಸೂದ್ ರಿವೀಲ್ ಮಾಡಿದ್ದರು. ಈ ಸಿನಿಮಾದಲ್ಲಿ ನಾಯಕಿಯಾಗಿ ಕಾಜಲ್ ಕಾಣಿಸಿಕೊಳ್ಳುತ್ತಿದ್ದಾರೆ.