ಆದಿತ್ಯ ಪಂಚೋಲಿ ಜೊತೆ ಕಂಗನಾ ಅಫೇರ್: ತಂದೆ ಸಂಬಂಧದ ಕುರಿತು ಮಗ ಹೇಳಿದ್ದೇನು?

ಆ ಘಟನೆಗಳು ನನಗೆ ಖುಷಿ ಕೊಟ್ಟಿಲ್ಲ

ಆದಿತ್ಯ ಪಂಚೋಲಿ ಮತ್ತು ಕಂಗನಾ ರಣಾವತ್ ಬಗ್ಗೆ ಕೇಳಿದ ಪ್ರಶ್ನೆಗೆ ಉತ್ತರಿಸಿದ ಸೂರಜ್ ಪಂಚೋಲಿ ''ಅದು ಅವರ ವೈಯಕ್ತಿಕ ವಿಚಾರ. ಅದರಲ್ಲಿ ನಾನು ಭಾಗಿಯಾಗಲು ಇಷ್ಟಪಡುವುದಿಲ್ಲ. ನಾನು ನನ್ನ ಬಾಲ್ಯವನ್ನ ಹೆಚ್ಚು ಅಜ್ಜ-ಅಜ್ಜಿಯೊಂದಿಗೆ ಕಳೆದಿದ್ದೇನೆ. ಅದು ನಮ್ಮ ಪೋಷಕರ ಖಾಸಗಿ ವಿಚಾರ, ಅದನ್ನ ಅವರೇ ಬಗೆಹರಿಸಿಕೊಂಡಿದ್ದಾರೆ. ಎಲ್ಲರ ಜೀವನದಲ್ಲೂ ಏಳು-ಬೀಳು ಇರುತ್ತೆ. ಆ ವಿಚಾರ ನನಗೆ ಖುಷಿ ಕೊಟ್ಟಿಲ್ಲ'' ಎಂದು ಹೇಳಿದ್ದಾರೆ.

ನನ್ನ ತಾಯಿಗೆ ಮೆಚ್ಚುಗೆ ಹೇಳಬೇಕು

''ಈ ವಿಚಾರದಲ್ಲಿ ನನ್ನ ತಾಯಿಗೆ ಮೆಚ್ಚುಗೆ ಹೇಳಬೇಕು. ನನ್ನ ಕುಟುಂಬಕ್ಕಾಗಿ ನನ್ನ ತಂದೆ, ನನ್ನ ತಾಯಿ ಎಲ್ಲರೂ ಶ್ರಮಿಸಿದ್ದಾರೆ. ತಂದೆಗಿಂತ ತಾಯಿಗೆ ಹೆಚ್ಚು ಧೈರ್ಯದಿಂದ ಇದ್ದರು. ಅವರಿಗೆ ವಿಶೇಷವಾಗಿ ಕೃತಜ್ಞತೆ ಹೇಳಬೇಕು'' ಎಂದಿದ್ದಾರೆ.

ಕಂಗನಾ ಜೊತೆ ಲವ್ವಲ್ಲಿ ಇದ್ದ ಆದಿತ್ಯ

ಕಂಗನಾ ರಣಾವತ್ ಇಂಡಸ್ಟ್ರಿಗೆ ಬಂದಾಗ ಬಹಳ ಕಷ್ಟದಲ್ಲಿದ್ದರು. ಸಿನಿಮಾ ಇಲ್ಲದೇ, ಸಕ್ಸಸ್ ಇಲ್ಲದೆ ಗೆಲುವಿಗಾಗಿ ಎದುರು ನೋಡುತ್ತಿದ್ದರು. ಇಂತಹ ಸಂದರ್ಭದಲ್ಲಿ ಕಂಗನಾಗೆ ಜೊತೆಯಾಗಿದ್ದ ಆದಿತ್ಯ ಪಂಚೋಲಿ. ಇವರಿಬ್ಬರ ಸ್ನೇಹ ಬಹಳ ಆತ್ಮೀಯವಾಗಿದ್ದ ಕಾರಣ, ಇಬ್ಬರಿಗೂ ಅಫೇರ್ ಇದೆ ಎಂಬ ವರದಿಗಳು ಪ್ರಕಟವಾದವು.

ಮನೆ ಕೊಡಿಸಿದ್ದ ಆದಿತ್ಯ

ಈ ಹಿಂದಿನ ವರದಿಗಳ ಪ್ರಕಾರ, ಕಂಗನಾ ಅವರಿಗೆ ಆದಿತ್ಯ ಪಂಚೋಲಿ ಅವರು ದುಬಾರಿ ಬೆಲೆಯ ಮನೆ ಕೊಡಿಸಿದ್ದರಂತೆ. ಬಳಿಕ ಪಂಚೋಲಿ ಅವರಿಂದ ದೂರವಾದ ಕಂಗನಾ, ಕಿರುಕುಳದ ಆರೋಪದ ಮಾಡಿದ್ದರು. ದೈಹಿಕ ಹಲ್ಲೆ ಮತ್ತು ಕಿರುಕುಳ ಕೊಟ್ಟಿದ್ದರು ಎಂದು ಪೊಲೀಸ್ ದೂರು ಕೂಡ ನೀಡಿದ್ದರಂತೆ.