'ದಕ್ಷಿಣ ಭಾರತ ಸಿನಿಮಾದಲ್ಲಿ ಸೊಂಟ ತೋರಿಸಿದರೆ ಸಾಕು': ಪೂಜಾ ಹೆಗ್ಡೆ ವಿವಾದ

'ದಕ್ಷಿಣ ಭಾರತೀಯರಿಗೆ ಹೊಕ್ಕಳು, ಸೊಂಟದ ಬಗ್ಗೆ ಹೆಚ್ಚು ಆಸಕ್ತಿ'

ದಕ್ಷಿಣ ಭಾರತೀಯರಿಗೆ ಹೊಕ್ಕಳು ಹಾಗೂ ಸೊಂಟದ ಬಗ್ಗೆ ವಿಶೇಷ ಆಸಕ್ತಿ. ಸಿನಿಮಾಗಳಲ್ಲಿ ಸೊಂಟ, ಹೊಕ್ಕಳು ತೋರಿಸಿದರೆ ಸಾಕು ಎಂದು ಅನುಪಮ್ ಚೋಪ್ರಾ ಜೊತೆಗಿನ ಸಂದರ್ಶನದಲ್ಲಿ ಹೇಳಿದ್ದಾರೆ ನಟಿ ಪೂಜಾ ಹೆಗ್ಡೆ.

ಸೊಂಟಕ್ಕಿಂತಾ ಕಾಲುಗಳು ಸೆಕ್ಸಿ: ಪೂಜಾ

ಮುಂದುವರೆದು, 'ಅಲಾ ವೈಕುಂಟಪುರಂಲೊ ಸಿನಿಮಾದಲ್ಲಿ ಸೊಂಟದ ಬದಲಿಗೆ ನನ್ನ ಕಾಲು ನೋಡುತ್ತಾನೆ ಹೀರೋ. ಸೊಂಟಕ್ಕಿಂತಲೂ ಕಾಲುಗಳೇ ಹೆಚ್ಚು ಸೆಕ್ಸಿ ಎನಿಸುತ್ತದೆ. ಆದರೆ ಸಿನಿಮಾದಲ್ಲಿ ನನ್ನ ಪಾತ್ರ ಬಹಳ ಗಟ್ಟಿಯಾಗಿತ್ತು. ನನ್ನ ಕಾಲು ನೋಡುವ ನಾಯಕನಿಗೆ ತಲೆಯ ಮೇಲೆ ಜವಾಬ್ದಾರಿ ಇದ್ದರೆ ತಲೆ ಕೆಳಗೆ ಬಾಗುವುದಿಲ್ಲ ಎಂದು ಬುದ್ದಿ ಹೇಳುತ್ತೇನೆ ಆ ಸಿನಿಮಾದಲ್ಲಿ' ಎಂದಿದ್ದಾರೆ ಪೂಜಾ ಹೆಗ್ಡೆ.

ತಾಪ್ಸಿ ಪನ್ನು ಸಹ ಹೀಗೆಯೇ ಹೇಳಿದ್ದರು

ತೆಲುಗು ಸಿನಿಮಾದಿಂದ ನಟನೆ ಆರಂಭಿಸಿದ್ದ ದೆಹಲಿ ಹುಡುಗಿ ತಾಪ್ಸಿ ಪನ್ನು ಸಹ 'ದಕ್ಷಿಣ ಭಾರತ ಸಿನಿಮಾ ನಿರ್ದೇಶಕರಿಗೆ ಸೊಂಟ ಹಾಗೂ ಹೊಕ್ಕಳಿನ ಮೇಲೆ ವಿಶೇಷ ಪ್ರೇಮ' ಎಂದಿದ್ದರು. ಸಿನಿಮಾ ಒಂದರಲ್ಲಿ ಹಾಡಿನಲ್ಲಿ ಹೇಗೆ ತಮ್ಮ ಸೊಂಟದ ಮೇಲೆ ತೆಂಗಿನ ಕಾಯಿ ಎಸೆಯಲಾಗಿತ್ತು ಎಂದು ತಮಾಷೆಯಾಗಿ ವರ್ಣಿಸಿದ್ದರು ಒಂದು ಶೋ ನಲ್ಲಿ.

ದಕ್ಷಿಣದ ಸಿನಿಮಾಗಳಿಂದ ಹಣ, ಹೆಸರು

ಪೂಜಾ ಹೆಗ್ಡೆ ಹೇಳಿಕೆ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆಗಳು ಪ್ರಾರಂಭವಾಗಿವೆ. ಉತ್ತರ ಭಾರತದ ನಟಿಯರು ದಕ್ಷಿಣದ ಸಿನಿಮಾಗಳಿಂದ ಹೆಸರು, ಹಣ ಗಳಿಸುತ್ತಾರೆ. ನಂತರ ದಕ್ಷಿಣದ ಸಿನಿಮಾಗಳನ್ನು ಆಡಿಕೊಳ್ಳುತ್ತಾರೆ ಎಂದು ಕೆಲವರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.