Don't Miss!
- News IT Company: ಐಟಿ-ಬಿಟಿ ಕಂಪನಿಗಳಿಗೆ ಜಲಮಂಡಳಿಯ ನೀರಿನ ಭರವಸೆ
- Sports CSK vs RCB: ದಾಖಲೆಯ ಪುಟ ಸೇರಿದ ಉದ್ಘಾಟನಾ ಪಂದ್ಯ: 16.8 ಕೋಟಿ ಜನರಿಂದ ವೀಕ್ಷಣೆ
- Finance ಮೃತರ ಖಾತೆಯಲ್ಲಿರುವ ಹಣವನ್ನು ಕುಟುಂಬಸ್ಥರು ಡ್ರಾ ಮಾಡಬಹುದಾ, ಬ್ಯಾಂಕ್ ನಿಯಮಾವಳಿ ಏನು ಹೇಳುತ್ತೆ?
- Automobiles ಇನ್ಮುಂದೆ ಟೋಲ್ ಪ್ಲಾಜಾಗಳು ಕಣ್ಮರೆ: ಖುಷಿ ಪಡುವ ಮುನ್ನ ಈ ಸುದ್ದಿ ನೋಡಿ...
- Lifestyle ಬಾಯಲ್ಲಿ ನೀರು ತರಿಸುವ ಮಾವಿನ ಕಾಯಿ ಚಟ್ನಿ..! 5 ನಿಮಿಷದಲ್ಲಿ ರೆಡಿ..!
- Technology Motorola: ಮೊಟೊರೊಲಾ ಎಡ್ಜ್ 50 ಅಲ್ಟ್ರಾ ಸ್ಮಾರ್ಟ್ಫೋನ್ ಫೀಚರ್ಸ್ ಲೀಕ್! ವಿಶೇಷತೆ ಏನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ದಕ್ಷಿಣ ಭಾರತ ಸಿನಿಮಾದಲ್ಲಿ ಸೊಂಟ ತೋರಿಸಿದರೆ ಸಾಕು': ಪೂಜಾ ಹೆಗ್ಡೆ ವಿವಾದ
ಬಾಲಿವುಡ್ನಿಂದ ಬಂದು ತೆಲಗು ಸಿನಿಮಾರಂಗದಲ್ಲಿ ನೆಲೆ ಕಂಡುಕೊಂಡಿರುವ ನಟಿ ಪೂಜಾ ಹೆಗ್ಡೆ, ದಕ್ಷಿಣ ಭಾರತದ ಸಿನಿಮಾ ಗಳ ಬಗ್ಗೆ ಆಡಿರುವ ಮಾತು ವಿವಾದ ಸೃಷ್ಟಿಸಿದೆ.
ಸಿನಿಮಾ ಗುಣಮಟ್ಟದಲ್ಲಿ ಬಾಲಿವುಡ್ಗಿಂತಲೂ ಎಷ್ಟೋ ಪಾಲು ಮೇಲಾಗಿರುವ ದಕ್ಷಿಣ ಭಾರತದ ಸಿನಿಮಾಗಳೆಂದರೆ, ಬಾಲಿವುಡ್ಡಿಗರಿಗೆ ಸದಾ ಅಸಡ್ಡೆ ಮತ್ತು ಕ್ಷುಲ್ಲಕ ಭಾವ. ದಕ್ಷಿಣ ಭಾರತ ಸಿನಿಮಾ ಉದ್ಯಮದ ಬಗ್ಗೆ ಅದೇ ಕ್ಷುಲ್ಲಕ ಭಾವ ಪೂಜಾ ಹೆಗ್ಡೆಗೂ ಇರುವಂತಿದೆ. ಅವರ ಇತ್ತೀಚಿನ ಹೇಳಿಕೆ ಇದಕ್ಕೆ ಪುಷ್ಠಿ ನೀಡುತ್ತಿದೆ.
ಪ್ರಭಾಸ್ ಬಹಳ ತುಂಟ ಎಂದ ನಟಿ ಪೂಜಾ ಹೆಗ್ಡೆ
ಸಂದರ್ಶನವೊಂದರಲ್ಲಿ ಮಾತನಾಡಿರುವ ಪೂಜಾ ಹೆಗ್ಡೆ, ದಕ್ಷಿಣ ಭಾರತ ಸಿನಿಮಾಗಳ ಬಗ್ಗೆ, ಇಲ್ಲಿನ ಪ್ರೇಕ್ಷಕರ ಮನಸ್ಥಿತಿ ಬಗ್ಗೆ ಬಹಳ ಹಗುರವಾಗಿ ಮಾತನಾಡಿದ್ದಾರೆ. ಪೂಜಾ ಮಾತುಗಳ ಬಗ್ಗೆ ಆಕ್ರೋಶ ವ್ಯಕ್ತವಾಗುತ್ತಿದೆ. ಹಾಗಿದ್ದರೆ ಪೂಜಾ ಮಾತನಾಡಿದ್ದು ಏನು?
'ದಕ್ಷಿಣ ಭಾರತೀಯರಿಗೆ ಹೊಕ್ಕಳು, ಸೊಂಟದ ಬಗ್ಗೆ ಹೆಚ್ಚು ಆಸಕ್ತಿ'
ದಕ್ಷಿಣ ಭಾರತೀಯರಿಗೆ ಹೊಕ್ಕಳು ಹಾಗೂ ಸೊಂಟದ ಬಗ್ಗೆ ವಿಶೇಷ ಆಸಕ್ತಿ. ಸಿನಿಮಾಗಳಲ್ಲಿ ಸೊಂಟ, ಹೊಕ್ಕಳು ತೋರಿಸಿದರೆ ಸಾಕು ಎಂದು ಅನುಪಮ್ ಚೋಪ್ರಾ ಜೊತೆಗಿನ ಸಂದರ್ಶನದಲ್ಲಿ ಹೇಳಿದ್ದಾರೆ ನಟಿ ಪೂಜಾ ಹೆಗ್ಡೆ.
ಸಮಂತಾ-ಅನುಷ್ಕಾ ಶೆಟ್ಟಿಯನ್ನು ಹಿಂದಿಕ್ಕಿ ತೆಲುಗಿನ ಟಾಪ್ ನಟಿಯಾದ ಪೂಜಾ ಹೆಗ್ಡೆ
ಸೊಂಟಕ್ಕಿಂತಾ ಕಾಲುಗಳು ಸೆಕ್ಸಿ: ಪೂಜಾ
ಮುಂದುವರೆದು, 'ಅಲಾ ವೈಕುಂಟಪುರಂಲೊ ಸಿನಿಮಾದಲ್ಲಿ ಸೊಂಟದ ಬದಲಿಗೆ ನನ್ನ ಕಾಲು ನೋಡುತ್ತಾನೆ ಹೀರೋ. ಸೊಂಟಕ್ಕಿಂತಲೂ ಕಾಲುಗಳೇ ಹೆಚ್ಚು ಸೆಕ್ಸಿ ಎನಿಸುತ್ತದೆ. ಆದರೆ ಸಿನಿಮಾದಲ್ಲಿ ನನ್ನ ಪಾತ್ರ ಬಹಳ ಗಟ್ಟಿಯಾಗಿತ್ತು. ನನ್ನ ಕಾಲು ನೋಡುವ ನಾಯಕನಿಗೆ ತಲೆಯ ಮೇಲೆ ಜವಾಬ್ದಾರಿ ಇದ್ದರೆ ತಲೆ ಕೆಳಗೆ ಬಾಗುವುದಿಲ್ಲ ಎಂದು ಬುದ್ದಿ ಹೇಳುತ್ತೇನೆ ಆ ಸಿನಿಮಾದಲ್ಲಿ' ಎಂದಿದ್ದಾರೆ ಪೂಜಾ ಹೆಗ್ಡೆ.
ಮದುವೆ ಆಗುವ ಹುಡುಗ ಹೇಗಿರಬೇಕು? ನಟಿ ಪೂಜಾ ಹೆಗ್ಡೆ ಷರತ್ತುಗಳೇನು?
ತಾಪ್ಸಿ ಪನ್ನು ಸಹ ಹೀಗೆಯೇ ಹೇಳಿದ್ದರು
ತೆಲುಗು ಸಿನಿಮಾದಿಂದ ನಟನೆ ಆರಂಭಿಸಿದ್ದ ದೆಹಲಿ ಹುಡುಗಿ ತಾಪ್ಸಿ ಪನ್ನು ಸಹ 'ದಕ್ಷಿಣ ಭಾರತ ಸಿನಿಮಾ ನಿರ್ದೇಶಕರಿಗೆ ಸೊಂಟ ಹಾಗೂ ಹೊಕ್ಕಳಿನ ಮೇಲೆ ವಿಶೇಷ ಪ್ರೇಮ' ಎಂದಿದ್ದರು. ಸಿನಿಮಾ ಒಂದರಲ್ಲಿ ಹಾಡಿನಲ್ಲಿ ಹೇಗೆ ತಮ್ಮ ಸೊಂಟದ ಮೇಲೆ ತೆಂಗಿನ ಕಾಯಿ ಎಸೆಯಲಾಗಿತ್ತು ಎಂದು ತಮಾಷೆಯಾಗಿ ವರ್ಣಿಸಿದ್ದರು ಒಂದು ಶೋ ನಲ್ಲಿ.
ದಕ್ಷಿಣದ ಸಿನಿಮಾಗಳಿಂದ ಹಣ, ಹೆಸರು
ಪೂಜಾ ಹೆಗ್ಡೆ ಹೇಳಿಕೆ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆಗಳು ಪ್ರಾರಂಭವಾಗಿವೆ. ಉತ್ತರ ಭಾರತದ ನಟಿಯರು ದಕ್ಷಿಣದ ಸಿನಿಮಾಗಳಿಂದ ಹೆಸರು, ಹಣ ಗಳಿಸುತ್ತಾರೆ. ನಂತರ ದಕ್ಷಿಣದ ಸಿನಿಮಾಗಳನ್ನು ಆಡಿಕೊಳ್ಳುತ್ತಾರೆ ಎಂದು ಕೆಲವರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.