ಮುನ್ನೂರು ಕೋಟಿ ಗಳಿಕೆಯತ್ತ ಶಾರುಖ್ ಚಿತ್ರ

ಬಾಲಿವುಡ್ ಬಾದ್ ಶಾ, ಕಿಂಗ್ ಖಾನ್ ಬಿರುದಾಂಕಿತ ಶಾರುಖ್ ಖಾನ್ ಅಭಿನಯ ಚಿತ್ರ ಹೊಸ ದಾಖಲೆಗೆ ಪಾತ್ರವಾಗಿದೆ. ಅವರ ಅಭಿನಯದ 'ಹ್ಯಾಪಿ ನ್ಯೂ ಇಯರ್' ಚಿತ್ರ ಬಾಕ್ಸ್ ಆಫೀಸ್ ಕಲೆಕ್ಷನ್ ನಲ್ಲಿ ಹೊಸ ಮೈಲುಗಲ್ಲು ಸೃಷ್ಟಿಸಿದೆ.

ಈ ಚಿತ್ರದ ವಿಶ್ವದಾದ್ಯಂತ ಬಿಡುಗಡೆಯಾಗಿ ನಿವ್ವಳ ರು.300 ಕೋಟಿ ಕಲೆಕ್ಷನ್ ಮಾಡಿ ಮುನ್ನುಗ್ಗುತ್ತಿದೆ. ಕೇವಲ ಎರಡೂವರೆ ದಿನಗಳಲ್ಲೇ ರು.100 ಕೋಟಿ ಗಳಿಕೆ ಕ್ಲಬ್ ಸೇರಿ ಹೊಸ ಇತಿಹಾಸ ನಿರ್ಮಿಸಿತ್ತು.

ಹ್ಯಾಪಿ ನ್ಯೂ ಇಯರ್

ಫರಾಹ್ ಖಾನ್ ನಿರ್ದೇಶನದ ಈ ಚಿತ್ರ ಪ್ರಾದೇಶಿಕ ಭಾಷೆಗಳಿಗೂ (ತಮಿಳು, ತೆಲುಗು) ಡಬ್ ಆಗಿದೆ. ತಮಿಳಿನಲ್ಲಿ ಉತ್ತಮ ಪ್ರತಿಕ್ರಿಯೆಗೆ ಪಾತ್ರವಾಗಿದ್ದು ಮೂಲ ತಮಿಳು ಚಿತ್ರಗಳಿಗೂ ಪ್ರಬಲ ಸ್ಪರ್ಧೆ ನೀಡುತ್ತಿದೆ.

ಫರಾಹ್ ಖಾನ್ ಹಾಗೂ ಶಾರುಖ್ ಜೋಡಿಯಲ್ಲಿ ಬಂದಿರುವ ಮೂರನೇ ಚಿತ್ರ ಇದಾಗಿದೆ. ಇದಕ್ಕೂ ಮುನ್ನ ಬಂದಂತಹ ಮೈ ಹೂಂ ನಾ, ಓಂ ಶಾಂತಿ ಓಂ ಚಿತ್ರಗಳು ಬಾಕ್ಸ್ ಆಫೀಸಲ್ಲಿ ಸದ್ದು ಮಾಡಿದಂತಹವು. (ಏಜೆನ್ಸೀಸ್)