'ದಬಾಂಗ್' ಚಿತ್ರದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆದ ನಟ ಸುದೀಪ್, ಎಷ್ಟು?

'ದಬಾಂಗ್' ಚಿತ್ರದಲ್ಲಿ ನಾನು ಕಾಸ್ಟ್ಲಿ ನಟ

ದಬಾಂಗ್ ಸಿನಿಮಾದಲ್ಲಿ ನಾನು ಅತಿ ಹೆಚ್ಚು ಸಂಭಾವನೆ ಪಡೆದ ನಟ ಎಂದು ಕಿಚ್ಚ ಸುದೀಪ್ ಅವರು ''ನ್ಯೂಸ್ ನೇಷನ್' ವಾಹಿನಿಗೆ ನೀಡಿದ ಸಂದರ್ಶನದಲ್ಲಿ ಹೇಳಿದ್ದಾರೆ. ಆದರೆ, ಅವರ ಸಂಭಾವನೆ ಎಷ್ಟು ಕೇಳಿದ್ದಕ್ಕೆ ಅವರ ಕೊಟ್ಟ ಉತ್ತರ ಮಾತ್ರ ವಿಶೇಷವಾಗಿತ್ತು.

ನನಗೆ ಬಹಳ ಸಿಕ್ಕಿದೆ

''ದಬಾಂಗ್ ಸಿನಿಮಾದ ಬಗ್ಗೆ ಹೇಳುವುದಾರೇ ನಾನೊಂದು ಪುಸ್ತಕ ಬರೆಯಬಹುದು. ಈ ಚಿತ್ರದ ಮೂಲಕ ಬಹಲ ಜನರನ್ನು ಭೇಟಿ ಮಾಡುವ ಅವಕಾಶ ಸಿಕ್ತು. ಅವರ ಜೊತೆ ಸಮಯ ಕಳೆಯುವ ಕ್ಷಣಗಳು ನನಗೆ ಸಿಕ್ತು. ಸಿನಿಮಾ ಮುಗಿದ್ಮೇಲೆ ದೊಡ್ಡ ಪ್ರೀತಿ ಸಿಕ್ಕಿದೆ. ಒಬ್ಬ ಫ್ಯಾಮಿಲಿ ಸದಸ್ಯನಂತೆ ಸಲ್ಮಾನ್ ಖಾನ್ ನನ್ನನ್ನು ನೋಡಿಕೊಂಡಿದ್ದಾರೆ. ಹಾಗ್ನೋಡಿದ್ರೆ, ನಾನು ದಬಾಂಗ್ ಚಿತ್ರದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆದ ನಟ'' ಎಂದು ಸಂತಸ ಹಂಚಿಕೊಂಡಿದ್ದಾರೆ.

ದುಡ್ಡಿನ ಬಗ್ಗೆ ನಾನು ಮಾತಾಡುತ್ತಿಲ್ಲ

''ಇಲ್ಲಿ ನಾನು ದುಡ್ಡಿನ ಬಗ್ಗೆ ಮಾತಾಡುತ್ತಿಲ್ಲ. ನನಗೆ ಸಿಕ್ಕ ಪ್ರೀತಿಗೆ ಮಾತ್ರ ಮಾತನಾಡುತ್ತಿದ್ದೇನೆ'' ಎಂದು ಹೇಳುವ ಮೂಲಕ ಸಲ್ಮಾನ್ ಖಾನ್ ಮತ್ತು ದಬಾಂಗ್ ಚಿತ್ರತಂಡ, ಸುದೀಪ್ ಅವರನ್ನ ನೋಡಿಕೊಂಡ ರೀತಿಗೆ ಖುಷಿ ವ್ಯಕ್ತಪಡಿಸಿದರು. ಹಾಗ್ನೋಡಿದ್ರೆ, ಸಲ್ಮಾನ್ ಖಾನ್ ಬಿಟ್ಟರೇ ಸುದೀಪ್ ಅವರಿಗೆ ಹೆಚ್ಚು ಸಂಭಾವನೆ ಸಿಕ್ಕಿರುತ್ತೆ.

ಸಲ್ಮಾನ್ ಖಾನ್ ಪ್ರೊಡಕ್ಷನ್ ಚಿತ್ರ ಇದು

ದಬಾಂಗ್ 3 ಚಿತ್ರವನ್ನ ನಿರ್ಮಿಸಿರುವುದು ಸಲ್ಮಾನ್ ಖಾನ್ ಸಹೋದರ ಮತ್ತು ಸಲ್ಮಾನ್ ಖಾನ್. ಸುಮಾರು 100 ಕೋಟಿ ಬಜೆಟ್ ಹಾಕಲಾಗಿದೆಯಂತೆ. ಈ ಚಿತ್ರಕ್ಕೆ ಸಲ್ಲು ಸಂಭಾವನೆ ಲೆಕ್ಕಕ್ಕೆ ಇಲ್ಲ. ಯಾಕಂದ್ರೆ, ಅವರದ್ದೇ ಪ್ರೊಡಕ್ಷನ್. ಸಲ್ಮಾನ್ ಖಾನ್ ಬಿಟ್ಟರೆ ಸುದೀಪ್ ಗೆ ಹೆಚ್ಚು ಸಂಭಾವನೆ ಸಿಕ್ಕಿದೆ ಎನ್ನಲಾಗಿದೆ.

ಕನ್ನಡದಲ್ಲಿ ದಬಾಂಗ್

ಸಲ್ಮಾನ್ ಖಾನ್ ಸಿನಿಮಾ ಇದೇ ಮೊದಲ ಕನ್ನಡದಲ್ಲಿ ಬರ್ತಿದೆ. ಮೂಲಗಳ ಪ್ರಕಾರ ಸ್ವತಃ ಸಲ್ಮಾನ್ ಖಾನ್ ಅವರೇ ಕನ್ನಡದಲ್ಲಿ ಡಬ್ ಮಾಡಿದ್ದಾರೆ ಎನ್ನಲಾಗುತ್ತಿದೆ. ಟ್ರೈಲರ್ ನಲ್ಲಿ ಸಲ್ಲು ಕನ್ನಡ ಮಾತನಾಡಿರುವುದು ಈಗಾಗಲೇ ತಿಳಿದಿರುವ ವಿಚಾರ. ಸುದೀಪ್ ಈ ಸಿನಿಮಾದಲ್ಲಿ ವಿಲನ್ ಆಗಿರುವುದರಿಂದ ಸ್ಯಾಂಡಲ್ವುಡ್ ಗೆ ಇದು ದೊಡ್ಡ ಸಿನಿಮಾ ಆಗಲಿದೆ.