ಮತ್ತೊಂದು ಸೌತ್ ಸಿನಿಮಾ ಮೇಲೆ ಬಿಟೌನ್ ಕಣ್ಣು: ಸುನೀಲ್ ಶೆಟ್ಟಿ ಮಗ ನಾಯಕ

ಬಾಲಿವುಡ್ ನಲ್ಲಿ 'RX 100'

ಅರ್ಜುನ್ ರೆಡ್ಡಿ ಬಳಿಕ ಸೌತ್ ನಲ್ಲಿ ಅದೇ ರೀತಿ ಸದ್ದು ಮಾಡಿದ ಚಿತ್ರ ಆರ್ ಎಕ್ಸ್ 100. ಕಾರ್ತಿಕೇಯನ್ ನಟಿಸಿದ್ದ ಈ ಚಿತ್ರ ಟಾಲಿವುಡ್ ಬಾಕ್ಸ್ ಆಫೀಸ್ ಧೂಳೆಬ್ಬಿಸಿತ್ತು. ಕಾರ್ತಿಕೇಯನ್ ಗೆ ದೊಡ್ಡ ಬ್ರೇಕ್ ಕೊಡ್ತು. ಇದೀಗ, ಈ ಚಿತ್ರ ಬಾಲಿವುಡ್ ನಲ್ಲಿ ರೀಮೇಕ್ ಆಗ್ತಿದೆ.

ಸುನೀಲ್ ಶೆಟ್ಟಿ ಮಗ ಅಹಾನ್ ಶೆಟ್ಟಿ

ಈಗಾಗಲೇ ಸುನೀಲ್ ಶೆಟ್ಟಿ ಅವರ ಮಗಳು ಅತಿಯಾ ಶೆಟ್ಟಿ ಬಾಲಿವುಡ್ ನಲ್ಲಿ ನಟಿಸುತ್ತಿದ್ದಾರೆ. ಈಗ ಸುನೀಲ್ ಶೆಟ್ಟಿ ಅವರ ಮಗ ಅಹಾನ್ ಶೆಟ್ಟಿ ಚಿತ್ರರಂಗ ಪ್ರವೇಶ ಮಾಡುತ್ತಿದ್ದಾರೆ. RX 100 ಸಿನಿಮಾದ ರೀಮೇಕ್ ನಲ್ಲಿ ಅಹಾನ್ ಶೆಟ್ಟಿ ನಾಯಕನಾಗಿ ನಟಿಸುತ್ತಿದ್ದಾರೆ.

ಸಾಜಿದ್ ನಿರ್ಮಾಣದಲ್ಲಿ ಅಹಾನ್

ಈ ಚಿತ್ರವನ್ನ ಮಿಲನ್ ಲುತಾರಿಯಾ ನಿರ್ದೇಶನ ಮಾಡ್ತಿದ್ದಾರೆ. 'ತಡಪ್' ಎಂದು ಈ ಚಿತ್ರಕ್ಕೆ ಟೈಟಲ್ ಇಟ್ಟಿದ್ದು, ತಾರಾ ಸುತಾರಿಯಾ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಇನ್ನು ಬಾಲಿವುಡ್ ಇಂಡಸ್ಟ್ರಿಯ ದೊಡ್ಡ ನಿರ್ಮಾಪಕ ಸಾಜಿದ್ ನದಿಯಾದ್ವಾಲಾ ಅಹಾನ್ ಶೆಟ್ಟಿ ಅವರನ್ನ ಇಂಡಸ್ಟ್ರಿಗೆ ಪರಿಚಯ ಮಾಡ್ತಿದ್ದಾರೆ. ಹೌಸ್ ಫುಲ್ 4, ಕಿಕ್ 2, 83, ಭಾಗಿ 3 ಚಿತ್ರಗಳನ್ನ ನಿರ್ಮಿಸುತ್ತಿರುವ ಸಾಜಿದ್ ಈಗ ಆರ್ ಎಕ್ಸ್ 100 ರೀಮೇಕ್ ಗೂ ಬಂಡವಾಳ ಹಾಕ್ತಿದ್ದಾರೆ.

ಶುಭ ಕೋರಿದ ಸುದೀಪ್

ಸುನೀಲ್ ಶೆಟ್ಟಿ ಅವರ ಮಗ ಅಹಾನ್ ಶೆಟ್ಟಿ ಚಿತ್ರರಂಗಕ್ಕೆ ಬರುತ್ತಿರುವುದಕ್ಕೆ ಕನ್ನಡ ನಟ ಸುದೀಪ್ ಶುಭ ಕೋರಿದ್ದಾರೆ. ಟ್ವಿಟ್ಟರ್ ನಲ್ಲಿ ವಿಶ್ ಮಾಡಿರುವ ಕಿಚ್ಚ ''ಸುನೀಲ್ ಶೆಟ್ಟಿ ಅಣ್ಣ,,,,,ನಿಮ್ಮ ಮಗನಿಗೆ ಈ ಸಿನಿಮಾ ದೊಡ್ಡ ಮಟ್ಟದ ಸಕ್ಸಸ್ ತಂದುಕೊಡಲಿ'' ಎಂದು ವಿಶ್ ಮಾಡಿದ್ದಾರೆ. ಸುದೀಪ್ ಅಭಿನಯದ ಪೈಲ್ವಾನ್ ಚಿತ್ರದಲ್ಲಿ ಸುನೀಲ್ ಶೆಟ್ಟಿ ನಟಿಸಿದ್ದಾರೆ. ಇದು ಇವರ ಮೊದಲ ಕನ್ನಡ ಸಿನಿಮಾ.