ಸುಶಾಂತ್ ಸಿಂಗ್ ಅಗಲಿ 2 ವರ್ಷ: ಟ್ರೆಂಡಿಂಗ್‌ನಲ್ಲಿ ಬಾಯ್‌ಕಾಟ್ ಬಾಲಿವುಡ್!

ಸುಶಾಂತ್ ಸಿಂಗ್ 2ನೇ ಪುಣ್ಯ ಸ್ಮರಣೆ!

ಆತ್ಮಹತ್ಯೆ ಮಾಡಿಕೊಂಡ ಸ್ಥಿತಿಯಲ್ಲಿ ಸುಶಾಂತ್ ಸಿಂಗ್ ಪತ್ತೆ ಆಗಿದ್ದರು. ಹಾಗಾಗಿ ಸುಶಾಂತ್ ಸಿಂಗ್ ಸಾವು ನ್ಯಾಯವಾದುದಲ್ಲ. ಇದು ಅಸಹಜ ಸಾವು ಎಂದು ಹಲವರು ಹೋರಾಟಕ್ಕಿಳಿದಿದ್ದರು. ಅದೇನೆ ಇದ್ರೂ, ಒಬ್ಬರ ಅದ್ಭುತ ಕಲಾವಿದ, ಸ್ಟಾರ್‌ನನ್ನು ಎಲ್ಲರೂ ಕಳೆದುಕೊಂಡಿದ್ದಾರೆ. ಇನ್ನು ಸುಶಾಂತ್ ಸಿಂಗ್ ಸಾವಿನ ಪ್ರಕರಣದಲ್ಲಿ ರಿಯಾ ಚಕ್ರವರ್ತಿ ಒಂದು ತಿಂಗಳುಗಳ ಕಾಲ ಜೈಲು ವಾಸದಲ್ಲಿದ್ದರು.

ಸುಶಾಂತ್ ಸ್ನೇಹಿತನ ಜಾಮೀನು ತಿರಸ್ಕಾರ: ಮದುವೆಗಾಗಿ 10 ದಿನ ಬಿಡುಗಡೆ

ಸುಶಾಂತ್ ಸಿಂಗ್ ನಿಗೂಢ ಸಾವು!

ಜೂನ್ 14, 2020ರಂದು 34 ವರ್ಷ ವಯಸ್ಸಿನ ಸುಶಾಂತ್, ತಮ್ಮ ಬಾಂದ್ರಾ ನಿವಾಸದಲ್ಲಿ ಶವವಾಗಿ ಪತ್ತೆಯಾಗಿದ್ದರು. ಸಿಆರ್‌ಪಿಸಿ ಸೆಕ್ಷನ್ ಅಡಿ ಅಸ್ವಾಭಾವಿಕ ಸಾವು ಎಂದು ಪ್ರಕರಣ ದಾಖಲಿಸಿಕೊಂಡಿದ್ದರು ಸ್ಥಳೀಯ ಪೊಲೀಸರು. ಬಳಿಕ ಈ ಪ್ರಕರಣ ನಂತರ ಸಿಬಿಐ ತನಿಖೆಗೆ ವರ್ಗಾಯಿಸಲಾಯಿತು. ಆದರೆ, ಸಿಂಗ್ ಸಾವಿಗೆ ಸೂಕ್ತ ನ್ಯಾಯ ಸಿಗಬೇಕು ಎಂದು ಅಭಿಮಾನಿಗಳು ಸಾಮಾಜಿಕ ಜಾಲತಾಣದಲ್ಲಿ ಸದಾ ಪೋಸ್ಟ್‌ ಹಾಕುತ್ತಲೇ ಇರುತ್ತಾರೆ.

ಬಾಯ್‌ಕಾಟ್ ಬಾಲಿವುಡ್ ಟ್ರೆಂಡಿಂಗ್!

ಇನ್ನು ಸಾಕಷ್ಟು ಅಭಿಮಾನಿಗಳು ಸುಶಾಂತ್ ಸಿಂಗ್ ಸಾವಿಗೆ, ಬಾಲಿವುಡ್‌ನಲ್ಲಿ ಇರುವ ನೆಪೊಟಿಸಮ್ ಕಾರಣ ಎಂದು ಹೇಳುತ್ತಿದ್ದಾರೆ. ಬಾಲಿವುಡ್‌ನಲ್ಲಿ ಸ್ವತಂತ್ರವಾಗಿ ಒಬ್ಬ ನಟನನ್ನು ಬೆಳೆಯಲು ಬಿಡುವುದಿಲ್ಲ. ನೆಪೋಟಿಸಂ, ಅಂದರೆ ಕೌಟುಂಬಿಕ ಹಿನ್ನೆಲೆ ಇರೋರಿಗೆ ಮಾತ್ರ ಆದ್ಯತೆ ಹೆಚ್ಚು. ಹಾಗಾಗಿ ಸುಶಾಂತ್ ಅಂತಹ ನಟರನ್ನು ಟಾರ್ಗೆಟ್ ಮಾಡಲಾಗುತ್ತದೆ ಎಂದು ಹಲವು ಕಿಡಿ ಕಾರಿದ್ದಾರೆ. ಹಾಗಾಗಿ ಮತ್ತೆ ಬಾಯ್‌ಕಾಟ್ ಬಾಲಿವುಡ್ ಟ್ರೆಂಡಿಂಗ್‌ನಲ್ಲಿ ಇದೆ.

'ಆ ನಿರ್ದೇಶಕನ ಜೊತೆ ಫಿಲಂ ಮಾಡಬೇಕಿತ್ತು': ನೆರವೇರದ ಸುಶಾಂತ್ ಆಸೆ

ಪ್ರೇಕ್ಷಕರ ಅಚ್ಚು ಮೆಚ್ಚಿನ ನಟ ಆಗಿದ್ದ ಸುಶಾಂತ್ ಸಿಂಗ್!

34 ವರ್ಷ ವಯಸ್ಸಿಗೆ ಆತ್ಮಹತ್ಯೆಗೆ ಶರಣಾಗಿರುವ ಸುಶಾಂತ್ ಕಿರುತೆರೆಯಲ್ಲಿ ಮಿಂಚಿ ನಂತರ ಬಾಲಿವುಡ್ ನಲ್ಲಿ ದೊಡ್ಡ ಹೆಸರು ಮಾಡಿದವರು. ಪವಿತ್ರಾ ರಿಶ್ತಾ ಸೀರಿಯಲ್‌ನಲ್ಲಿ ಮುಖ್ಯ ಭೂಮಿಕೆಯಲ್ಲಿ ಕಾಣಿಸಿಕೊಂಡು ಮನೆ ಮಾತಾಗಿದ್ದರು. ಮೊದಲಿಗೆ ಅಭಿಷೇಕ್ ಕಪೂರ್ ನಿರ್ದೇಶಕ 'ಕಾಯ್ ಪೋ ಚೇ' ಚಿತ್ರದ ಮೂಲಕ ಹಿಂದಿ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟರು. ಚೇತನ್ ಭಗತ್ ಕಾದಂಬರಿ 'ದಿ ತ್ರೀ ಮಿಸ್ಟೇಕ್ಸ್ ಆಫ್ ಮೈ ಲೈಫ್' ಆಧಾರಿತ ಚಿತ್ರ ಇದಾಗಿತ್ತು. 'ಝಲಕ್ ದಿಕ್ಲಾ ಜಾ ಡ್ಯಾನ್ಸ್' ರಿಯಾಲಿಟಿ ಶೋನಲ್ಲೂ ಮಿಂಚಿದ್ದ ಸುಶಾಂತ್ ತಮ್ಮದೇ ಅಭಿಮಾನಿ ವರ್ಗ ಹೊಂದಿದ್ದರು.