Don't Miss!
- News Mysuru Zoo: ಬೇಸಿಗೆಯಲ್ಲೂ ಮೈಸೂರು ಮೃಗಾಲಯ ಕೂಲ್.. ಕೂಲ್! ಹೇಗೆ ಗೊತ್ತಾ?
- Technology vivo: ವಿವೋ Y200i ಸ್ಮಾರ್ಟ್ಫೋನ್ ಲಾಂಚ್! 12GB RAM.. 6000mAh ಬ್ಯಾಟರಿ
- Automobiles ಸಣ್ಣ ಕುಟುಂಬಗಳಿಗೆ ಬೆಸ್ಟ್ ಕಾರು... 5.36 ಲಕ್ಷ ರೂ. ಬೆಲೆ... 34 ಕಿ.ಮೀ ಮೈಲೇಜ್!
- Lifestyle 2 ಬಗೆಯ ಮಜ್ಜಿಗೆ ಸಾರು ರೆಸಿಪಿ: ಕಾಯಿ ಹಾಕಿದ, ಕಾಯಿ ಹಾಕದ ಸಾರಿನ ರೆಸಿಪಿ
- Sports ಐಪಿಎಲ್ನಿಂದ ದೂರವುಳಿದಿದ್ದ ಟೀಮ್ ಇಂಡಿಯಾ ವೇಗಿ ಟಿ20 ವಿಶ್ವಕಪ್ ಆಡುತ್ತಾರಾ?: ಆಟಗಾರ ಹೇಳಿದ್ದೇನು?
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸುಶಾಂತ್ ಸಾವಿನ ಪರಿಣಾಮ: 'ಬಾಲಿವುಡ್ ಕುಟುಂಬ'ಗಳ ಫಾಲೋವರ್ಸ್ ಸಂಖ್ಯೆ ಇಳಿಕೆ
ಸುಶಾಂತ್ ಸಿಂಗ್ ರಜಪೂತ್ ಸಾವಿಗೆ ಬಾಲಿವುಡ್ ಅನ್ನು ತಮ್ಮ ಹಿಡಿತದಲ್ಲಿಟ್ಟುಕೊಂಡಿರುವ ಕೆಲವೇ ಕುಟುಂಬಗಳ ಶೋಷಣೆ, ದಬ್ಬಾಳಿಕೆ ಕಾರಣ ಎಂಬ ಆಕ್ರೋಶ ವ್ಯಕ್ತವಾಗುತ್ತಿದೆ. ಈ ಘಟನೆ ಬಾಲಿವುಡ್ನಲ್ಲಿ ಭಾರಿ ದೊಡ್ಡ ಅಲೆಯನ್ನೇ ಎಬ್ಬಿಸಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ಕರಣ್ ಜೋಹರ್, ಸಲ್ಮಾನ್ ಖಾನ್, ಆಲಿಯಾ ಭಟ್ ಸೇರಿದಂತೆ ಅನೇಕರ ವಿರುದ್ಧ ಕಿಡಿಕಾರಾಗುತ್ತಿದೆ.
Recommended Video
ಸುಶಾಂತ್ ಸಾವು ಒಂದೆಡೆ ಅನುಕಂಪ, ನೋವಿನ ಜತೆಯಲ್ಲಿ ಚಿತ್ರರಂಗದೊಳಗೇ ಹಲವು ದಶಕಗಳಿಂದ ಬೂದಿ ಮುಚ್ಚಿದ್ದ ಕೆಂಡದಂತಿದ್ದ ಅಸಮಾಧಾನದ ಸ್ಫೋಟಕ್ಕೂ ಕಾರಣವಾಗಿದೆ. ಇದು ಅಭಿಮಾನಿಗಳ ನಡೆಗಳಲ್ಲಿಯೂ ಕಾಣಿಸುತ್ತಿದೆ. ಚಿತ್ರರಂಗದಲ್ಲಿ ಬೇರೂರಿರುವ ಕುಟುಂಬಗಳಿಂದ ಬಂದು ಅವಕಾಶಗಳನ್ನು ಪಡೆಯುತ್ತಿರುವ ಕಲಾವಿದರ ಜನಪ್ರಿಯತೆ ಏಕಾಏಕಿ ಕುಸಿಯುತ್ತಿದೆ. ಮುಂದೆ ಓದಿ...
'ಸುಶಾಂತ್ ಸಾವಿಗೆ ಕಾರಣರಾದ ಕರಣ್, ಯಶ್ ರಾಜ್, ಸಲ್ಮಾನ್ ಖಾನ್ ಚಿತ್ರಗಳನ್ನು ಬಹಿಷ್ಕರಿಸಿ'
ಕಂಗನಾ ಫಾಲೋವರ್ಸ್ ಹೆಚ್ಚಳ
ಒಂದೆರಡು ದಿನಗಳಲ್ಲಿಯೇ ಅನೇಕ ಸ್ಟಾರ್ಗಳು ಸಾಮಾಜಿಕ ಜಾಲತಾಣಗಳಲ್ಲಿ ಸಾವಿರಾರು ಹಿಂಬಾಲಕರನ್ನು ಕಳೆದುಕೊಂಡಿದ್ದಾರೆ. ಸುಶಾಂತ್ ಪರವಾಗಿ, ಬಾಲಿವುಡ್ನ ನೆಪೋಟಿಸಂ ವಿರುದ್ಧ ಹರಿಹಾಯ್ದಿದ್ದ ಕಂಗನಾ ರಣಾವತ್ ಫಾಲೋವರ್ಗಳ ಸಂಖ್ಯೆ ಹೆಚ್ಚಾಗಿದೆ. ಕಂಗನಾ ಸುಮಾರು 2 ಮಿಲಿಯನ್ ಫಾಲೋವರ್ಗಳನ್ನು ಇನ್ಸ್ಟಾಗ್ರಾಂನಲ್ಲಿ ಹೊಂದಿದ್ದರು. ಈಗ ಅವರ ಸಂಖ್ಯೆ 3.6ಕ್ಕೆ ಏರಿದೆ.
ಕರಣ್ ಜೋಹರ್, ಆಲಿಯಾ
11 ಮಿಲಿಯನ್ನಷ್ಟು ಫಾಲೋವರ್ಗಳನ್ನು ಹೊಂದಿದ್ದ ನಿರ್ಮಾಪಕ ಕರಣ್ ಜೋಹರ್ ಭಾರಿ ಪ್ರಮಾಣದಲ್ಲಿ ಫಾಲೋವರ್ಗಳನ್ನು ಕಳೆದುಕೊಂಡಿದ್ದು, 10.8 ಮಿಲಿಯನ್ಗೆ ಇಳಿದಿದೆ. ಕೆಂಗಣ್ಣಿಗೆ ಗುರಿಯಾಗಿರುವ ಆಲಿಯಾ ಭಟ್ ಕೂಡ ಒಂದು ಲಕ್ಷ ಫಾಲೋವರ್ಗಳನ್ನು ಕಳೆದುಕೊಂಡಿದ್ದಾರೆ.
ಸುಶಾಂತ್ ಸಿಂಗ್ ಖಿನ್ನತೆ ಬಗ್ಗೆ ತಮಗೆ ಗೊತ್ತಿರಲಿಲ್ಲ ಎಂದ ತಂದೆ
ಫಾಲೋವರ್ಗಳ ಇಳಿಕೆ
ಸೋನಂ ಕಪೂರ್, ಸಲ್ಮಾನ್ ಖಾನ್, ಅನನ್ಯಾ ಪಾಂಡೆ, ಸೋನಾಕ್ಷಿ ಸಿನ್ಹಾ, ಶಾಹಿದ್ ಕಪೂರ್ ಸೇರಿದಂತೆ ಬಾಲಿವುಡ್ನ ಅನೇಕ ಸೆಲೆಬ್ರಿಟಿಗಳ ಫಾಲೋವರ್ಗಳ ಸಂಖ್ಯೆಯಲ್ಲಿ ತೀವ್ರ ಇಳಿಕೆಯಾಗಿದೆ. ಇದು ಸಿನಿಮಾ ಅಭಿಮಾನಿಗಳ ಆಕ್ರೋಶದ ಪರಿಣಾಮ. ಹಾಗೆಯೇ ಸುಶಾಂತ್ ಸಾಯುವ ಮುನ್ನ ಇದ್ದ ಇನ್ಸ್ಟಾಗ್ರಾಂ ಫಾಲೋವರ್ಸ್ ಸಂಖ್ಯೆ ಸುಮಾರು 9.1 ಮಿಲಿಯನ್. ಅದೀಗ 11.9 ಮಿಲಿಯನ್ಗೆ ಏರಿಕೆಯಾಗಿದೆ.
ಸುಶಾಂತ್ ಮಾಜಿ ಗೆಳತಿಯರು
ಸುಶಾಂತ್ ಸಿಂಗ್ ಅವರಿಗೆ ಹೆಚ್ಚು ಆಪ್ತರಾಗಿದ್ದ ಮತ್ತು ಹೆಚ್ಚಿನ ಸಿನಿಮಾ ಅಭಿಮಾನಿಗಳಿಗೆ ಪರಿಚಿತರಾಗಿರದ ಮಹೇಶ್ ಶೆಟ್ಟಿ ಸೇರಿದಂತೆ ಅನೇಕರಿಗೆ ಫಾಲೋವರ್ಗಳು ಹೆಚ್ಚಾಗಿದ್ದಾರೆ. ಸುಶಾಂತ್ ಅವರ ಗೆಳತಿಯರಾಗಿದ್ದ ಅಂಕಿತಾ ಲೋಖಂಡೆ, ರೆಹಾ ಚಕ್ರಬೋರ್ತಿ ಮತ್ತು ಕೃತಿ ಸನನ್ ಅವರ ಫಾಲೋವರ್ಗಳ ಸಂಖ್ಯೆ ಅಧಿಕವಾಗಿದೆ.