'ನೀವು ನೆನಪಾಗುತ್ತೀರಿ' ಎಂದಿದ್ದ ಸುಶಾಂತ್ ಸಿಂಗ್ ತಾವೇ ನೆನಪಾಗಿಬಿಟ್ಟರು

ನಟ ಇರ್ಫಾನ್ ಖಾನ್ ನಿಧನಕ್ಕೆ ಸಂತಾಪ

ನಟ ಇರ್ಫಾನ್ ಖಾನ್ ನಿಧನಹೊಂದಿದ ದಿನ ಇನ್‌ಸ್ಟಾಗ್ರಾಂ ನಲ್ಲಿ ಪೋಸ್ಟ್ ಹಾಕಿದ್ದ ಸುಶಾಂತ್ ಸಿಂಗ್, 'ಸರ್, ನೀವು ಬಹಳ ನೆನಪಾಗುತ್ತಿರಿ' ಎಂದು ಬರೆದುಕೊಂಡಿದ್ದರು. ಆದರೆ ಈ ಪೋಸ್ಟ್‌ ಹಾಕಿದ ಒಂದುವರೆ ತಿಂಗಳಲ್ಲಿ ತಾವೇ ನೆನಪಾಗಿಬಿಟ್ಟಿದ್ದಾರೆ.

ರಿಶಿ ಕಪೂರ್ ತೀರಿಕೊಂಡಾಗ ಪೋಸ್ಟ್

ರಿಶಿ ಕಪೂರ್ ತೀರಿಕೊಂಡಾಗ ಸಹ ಚಿತ್ರವನ್ನು ಇನ್‌ಸ್ಟಾನಲ್ಲಿ ಪ್ರಕಟಿಸಿದ್ದ ಸುಶಾಂತ್ ಸಿಂಗ್ ರಜಪೂತ್ ಹಿರಿಯ ನಟನೆಗೆ ಗೌರವ ಸಲ್ಲಿಸಿದ್ದರು. ಆದರೆ ಇದಾದ ಆರು ವಾರದಲ್ಲಿ ತಾವೇ ಜೀವ ಬಿಟ್ಟಿದ್ದಾರೆ.

ಕ್ಷಣಿಕ ಜೀವನ ಎಂದಿದ್ದ ಸುಶಾಂತ್

ಕ್ಷಣಿಕ ಜೀವನ ಎಂಬುದು ಸುಶಾಂತ್ ಸಿಂಗ್ ಹಂಚಿಕೊಂಡಿದ್ದ ಕೊನೆಯ ಪೋಸ್ಟ್‌ನ ಸಾರಾಂಶವಾಗಿತ್ತು. ತಮ್ಮ ತಾಯಿಯ ಚಿತ್ರ ಪ್ರಕಟಿಸಿ ಕ್ಷಣಿಕ ಜೀವನ ಎಂದಿದ್ದರು ಸುಶಾಂತ್ ಸಿಂಗ್ ರಜಪೂತ್. ಕೊನೆಯ ಇನ್‌ಸ್ಟಾಗ್ರಾಂ ಪೋಸ್ಟ್ ಅನ್ನು ಜೂನ್ 3 ರಂದು ಮಾಡಿದ್ದರು ಸುಶಾಂತ್.

12 ಸಿನಿಮಾಗಳಲ್ಲಿ ನಟಿಸಿದ್ದ ಸುಶಾಂತ್

ಸುಶಾಂತ್ ಸಿಂಗ್ ಈವರೆಗೆ 12 ಸಿನಿಮಾಗಳಲ್ಲಿ ನಟಿಸಿದ್ದರು. ನಾಲ್ಕು ಧಾರಾವಾಹಿಗಳಲ್ಲಿಯೂ ನಟಿಸಿದ್ದಾರೆ. ಡ್ರೈವ್ ಸಿನಿಮಾ ಕೊನೆಯದಾಗಿ ಬಿಡುಗಡೆ ಆಗಿತ್ತು, ದಿಲ್ ಬೇಚಾರಾ ಬಿಡುಗಡೆಗೆ ತಯಾರಾಗಿದೆ.